II Phung Hađăch 17:24 - Nau Brah Ndu Ngơi 2023

²⁴ Hađăch Asiri njŭn leo phung bunuyh tă bơh Babilôn, Kuta, Ava, Hamat jêh ri Sêpharvaim, văch tât gŭ tâm lĕ ƀon n'gor Samari, ntrok ntŭk phung ƀon lan Israel. Khân păng pit in n'gor Samari jêh ri gŭ tâm lĕ ƀon păng.

II Phung Hađăch 17:24 ပူးပေါင်းရင်းမြစ်များ

I Phung Hađăch 8:65

Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 18:31

Lơi ta iăt Y-Hêsêkia, yorlah hađăch Asiri lah pô aơ: Ƀư hom nau đăp mpăn đah gâp jêh ri luh ran lăp ma gâp; pôri ăp nơm tâm khân may mra dơi sa kao play tâm đang krăk ƀâu, n'gar rvi păng nơm, jêh ri nhêt dak tă bơh ndrâm ntu păng nơm,

II Phung Hađăch 18:34

Mbah ntŭk brah ƀon Hamat jêh ri brah ƀon Arpat? Mbah ntŭk brah ƀon Sêpharvaim, brah ƀon Hêna jêh ri brah n'gor Iva? Phung brah nây dơi tâm rklaih n'gor Samari bơh ti gâp lĕ?

II Phung Hađăch 19:13

Phung hađăch ƀon Hamat, hađăch ƀon Arpat, hađăch ƀon Sêpharvaim, hađăch ƀon Hêna, hađăch ƀon Iva mbah ntŭk khân păng gŭ?”

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Êsai 10:9

Mâu di hĕ Kalnô mra tâm ban ma Karkêmis, Hamat mra tâm ban ma Arpat, Samari mra tâm ban ma Damas lĕ?

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 36:19

Ta ntŭk phung brah ƀon Hamat jêh ri ƀon Arpat? Ta ntŭk phung brah ƀon Sêpharvaim? Khân păng hŏ mâp tâm rklaih jêh lĕ n'gor Samari bơh ti gâp mâm dơi lĕ?

Êsai 37:13

Hađăch ƀon Hamat, hađăch ƀon Arpat, hađăch ƀon Sêpharvaim, hađăch ƀon Hêna, jêh ri hađăch ƀon Iva ta ntŭk?’”

Êsai 37:18

Ơ Brah Yêhôva, n'hêl nanê̆ phung hađăch Asiri hŏ ƀư rai jêh lĕ bri dak jêh ri n'gor neh khân păng,

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Yêrêmi 50:1

Aơ jêng nau Brah Yêhôva lah tă bâr mbung nơm mbơh lor Y-Yêrêmi lah ma bri Babilôn, ma bri neh phung Kaldê:

Mathay 10:5

Brah Yêsu njuăl jât ma bar kôranh oh mon hăn jêh ri ntĭnh ma khân păng pô aơ: “Lơi hăn ôh tâm n'gor phung bu năch, mâu đŏng lăp tâm ƀon phung Samari;