II Phung Hađăch 17:23 - Nau Brah Ndu Ngơi 2023

²³ kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 17:23 ပူးပေါင်းရင်းမြစ်များ

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Phung Hađăch 17:13

Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 17:22

Phung ƀon lan Israel chuat tâm lĕ rngôch nau tih Y-Jêrôbôam ƀư jêh, mâu chalơi djê̆ ro. Khân păng mâu der ôh tă bơh nau nây

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

II Phung Hađăch 24:3

N'hêl nanê̆ nau mhĭk nây tât ngăn ma phung Yuđa tĭng nâm nau ntăm Brah Yêhôva, gay mprơh lơi bri dak Yuđa bơh tanăp măt Păng; yor lĕ nau tih Y-Manasê hŏ ƀư tih, yorlah lĕ nau păng hŏ ƀư jêh,

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

II Phung Hađăch 3:3

Nđâp tơlah pônây, hađăch ăt hôm djôt prăp nau tih Y-Jêrôbôam, kon bu klâu Y-Nêbat, jêng nau tih nsŭk phung Israel ƀư tih. Hađăch mâu ŭch chalơi ôh nau tih nây.

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nau Mprơ Ơm 51:13

Rnôk nây gâp mra nti trong May ma phung ƀư tih Jêh ri phung tih mra plơ̆ sĭt ta May.

Êsai 7:8

Yorlah bôk Aram jêng Damas, Bôk Damas jêng Y-Rêsin. (Tâm prao jât ma prăm năm, phung Êphraim mra rai, khân păng mâu hôm jêng du phung ƀon lan đŏng ôh).

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Yêrêmi 7:15

Gâp mra mprơh khân may bơh panăp Gâp, nâm bu Gâp hŏ mprơh oh nâu khân may, jêng lĕ rngôch ndŭl mpôl Êphraim.’

Ndrom Samƀŭt bơh Ôsê 12:3

Brah Yêhôva nduyh lah ma Yuđa Jêh ri tâm rmal Yakôb tĭng nâm trong păng chuat hăn; Brah Yêhôva mra mplơ̆ ma păng tĭng nâm kan păng ƀư.

Amôt 5:27

Yor nây, Gâp mra ăn khân may jêng bu nă đah ri ƀon Damas.” Brah Yêhôva lah kơt nây, Amoh Păng jêng Brah Ndu ma phung tahan.

Mika 1:5

Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Mika 1:6

Yor ri, Gâp mra ƀư ăn ƀon Samari nâm bu du mbŭch ndơ lĕ chah tâm ndrêch, Nâm bu ntŭk tăm tơm krăk ƀâu Jêh ri Gâp mra nkhŭt ƀrĭk lŭ păng tâm rlŭng, Ăn lĕ rngôch mbon ngih mpơl padih.

Mika 2:5

Yor nây, tâm phung Brah Yêhôva tâm rƀŭn mâu mra geh ôh du huê bunuyh Gay nchroh tâm pă neh.

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

Yôsuê 23:13

ăn khân may gĭt nanê̆ Yêhôva Brah Ndu khân may mâu mra hôm mprơh phung ndŭl mpôl bunuyh bơh khân may đŏng ôh. Ƀiălah khân păng mra jêng jal seng jêh ri ndơm dăk ma khân may, jêng mâng rvĕ rpăt ta pŭng vĕ khân may, ƀư lok ntâp trôm măt khân may, kŏ tât tơlah khân may rai yot bơh n'gor neh ueh Yêhôva Brah Ndu khân may ăn jêh ma khân may.

Phung Kôranh Phat Dôih 18:30

Ndŭl mpôl Dan ndâk rup trah, gay mbah, jêh nây Y-Jônathan, kon bu klâu Y-Gersôm, sau Y-Môis, jêh ri phung kon sau păng jêng phung kôranh ƀư brah ma phung ndŭl mpôl Dan kŏ tât nar bri khân păng jêng bu nă.