II Phung Hađăch 17:20 - Nau Brah Ndu Ngơi 2023

²⁰ Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 17:20 ပူးပေါင်းရင်းမြစ်များ

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Phung Hađăch 13:3

Yor ri, Brah Yêhôva ji nuih ma phung Israel, Păng jao khân păng tâm ti Y-Hasael, hađăch Aram, jêh ri tâm ti Y-Ben-Hadat, kon bu klâu Y-Hasael, tâm rnôk rô̆ bar hê phung hađăch nây chiă uănh.

II Phung Hađăch 13:7

Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.

II Phung Hađăch 18:9

Tâm năm rơh puăn rnôk rô̆ hađăch Hêsêkia chiă uănh, di tâm năm rơh pơh rnôk rô̆ Y-Hôsêa, kon Y-Êla, hađăch Israel chiă uănh, pôri Y-Salmanêser, hađăch Asiri hăn lơh ma Samari jêh ri nchueng jŭm ƀon nây.

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

II Phung Hađăch 24:3

N'hêl nanê̆ nau mhĭk nây tât ngăn ma phung Yuđa tĭng nâm nau ntăm Brah Yêhôva, gay mprơh lơi bri dak Yuđa bơh tanăp măt Păng; yor lĕ nau tih Y-Manasê hŏ ƀư tih, yorlah lĕ nau păng hŏ ƀư jêh,

I Nau Rêh Jêng 16:13

Hơi phung noi deh Y-Israel jêng oh mon păng! Hơi phung kon sau Y-Yakôb jêng phung Păng săch jêh!

Nêhêmi 9:2

Phung Israel hŏ nkhah bơh phung bu năch, dâk da dê mbơh nau tih khân păng nơm jêh ri nau djơh mhĭk bơh phung chô yau khân păng.

Nau Mprơ Ơm 51:13

Rnôk nây gâp mra nti trong May ma phung ƀư tih Jêh ri phung tih mra plơ̆ sĭt ta May.

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

Nau Mprơ Ơm 80:13

Phung rke krŏng kăp sa păng, Jêh ri phung mpa bri sa păng.

Êsai 2:6

Nanê̆, May hŏ dun jêh phung ƀon lan May jêng ngih Yakôb. Yorlah khân păng bêng ma nau rƀên bơh mpeh Luh Nar, Jêh ri ƀư n'hŭm nâm bu phung Philistin, Khân păng lŏ tâm rnglăp đah phung bu năch mâu chroh.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Yêrêmi 6:30

Khân păng bu mra ntơ jêng ‘prăk djah,’ Yorlah Brah Yêhôva hŏ ngluh jêh khân păng.”

Yêrêmi 7:15

Gâp mra mprơh khân may bơh panăp Gâp, nâm bu Gâp hŏ mprơh oh nâu khân may, jêng lĕ rngôch ndŭl mpôl Êphraim.’

Ndrom Samƀŭt bơh Ôsê 1:6

Păng ntreo đŏng jêh ri deh du huê kon bu ur. Brah Yêhôva lah ma Y-Ôsê: “Ntơ hom amoh păng jêng H'Lô-Ruhama, yorlah Gâp mâu hôm yô̆ nđach ma ngih Israel, mâu lĕ yô̆ an ma khân păng đŏng ôh.

Ndrom Samƀŭt bơh Ôsê 12:3

Brah Yêhôva nduyh lah ma Yuđa Jêh ri tâm rmal Yakôb tĭng nâm trong păng chuat hăn; Brah Yêhôva mra mplơ̆ ma păng tĭng nâm kan păng ƀư.

Yônais 1:10

Phung bunuyh gŭ ta klơ kumpăn klach ngăn jêh ri ôp păng: “Moh nau may hŏ ƀư jêh?” Rnôk nây, khân păng gĭt jêh păng du ndĕ tă bơh măt Brah Yêhôva yorlah păng hŏ nkoch jêh ma khân păng.

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Nau Vay Nkah Tay 11:12

jêng n'gor Yêhôva Brah Ndu khân may mât mray. Măt Yêhôva Brah Ndu khân may uănh treng ƀaƀơ n'gor nây bơh bôk năm tât lôch năm.

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng

Yôsuê 23:13

ăn khân may gĭt nanê̆ Yêhôva Brah Ndu khân may mâu mra hôm mprơh phung ndŭl mpôl bunuyh bơh khân may đŏng ôh. Ƀiălah khân păng mra jêng jal seng jêh ri ndơm dăk ma khân may, jêng mâng rvĕ rpăt ta pŭng vĕ khân may, ƀư lok ntâp trôm măt khân may, kŏ tât tơlah khân may rai yot bơh n'gor neh ueh Yêhôva Brah Ndu khân may ăn jêh ma khân may.

Phung Kôranh Phat Dôih 18:30

Ndŭl mpôl Dan ndâk rup trah, gay mbah, jêh nây Y-Jônathan, kon bu klâu Y-Gersôm, sau Y-Môis, jêh ri phung kon sau păng jêng phung kôranh ƀư brah ma phung ndŭl mpôl Dan kŏ tât nar bri khân păng jêng bu nă.

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 15:26

Y-Samuel plơ̆ lah ma Y-Sôl: “Gâp mâu plơ̆ sĭt ndrel ma may ôh. Yorlah may lĕ chalơi jêh nau Brah Yêhôva ngơi, yor ri Brah Yêhôva chalơi jêh may, mâu ăn ma may chiă uănh phung Israel đŏng ôh.”

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”