II Phung Hađăch 17:15 - Nau Brah Ndu Ngơi 2023

¹⁵ Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

II Phung Hađăch 17:15 ပူးပေါင်းရင်းမြစ်များ

I Phung Hađăch 11:11

Yor ri, Brah Yêhôva lah ma Y-Salômôn: “Yorlah may hŏ ƀư kơt nây, mâu ŭch djôt prăp ôh nau Gâp tâm rnglăp jêh ri lĕ nau vay dăp Gâp ntĭnh jêh ma may, n'hêl nanê̆ Gâp mra tâm nkhah lơi ƀon bri hađăch tă bơh may jêh ri ăn păng ma oh mon may.

I Phung Hađăch 16:13

yor ma lĕ nau tih Y-Baêsa jêh ri Y-Êla kon hađăch hŏ ƀư tih jêh, jêng nau leo ma phung Israel ƀư tih, nsônh Yêhôva Brah Ndu phung Israel ji nuih ma rup brah khân păng.

II Phung Hađăch 17:8

gŭ rêh tĭng nâm nau vay phung ƀon lan Brah Yêhôva hŏ mprơh jêh luh bơh phung ƀon lan Israel, jêh ri chuat tĭng nâm nau vay phung hađăch Israel hŏ nkra jêh.

II Nau Rêh Jêng 24:19

Brah Yêhôva đă phung nơm mbơh lor tât ma khân păng, gay njŭn leo khân păng plơ̆ tay ma Brah Yêhôva, ƀiălah khân păng mâu iăt ôh.

II Nau Rêh Jêng 33:2

Păng ƀư nau mhĭk tanăp măt Brah Yêhôva, tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 33:9

Ƀiălah, Y-Manasê nsŭk nsôr phung Yuđa jêh ri phung gŭ tâm ƀon Yêrusalem, kŏ tât khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nau Mprơ Ơm 115:8

Mbu nơm ƀư rup brah jêh ri rnơm ma păng Jêng tâm ban khân păng.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Nau Ngluh Êjipt 16:28

Brah Yêhôva lah ma Y-Môis: “Khân may mâu djôt prăp ôh nau vay ntăm jêh ri nau Gâp ntĭm tât ndah nâm jŏ?

Yêrêmi 10:15

Khân păng jêng dơm dam ngăn, du ntil ndơ pâl; Tât nar tâm rmal khân păng mra khân păng mra rai yot.

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 2:5

Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 44:23

Yorlah khân ay may hŏ su ndơ ƀâu kah jêh ri ƀư tih jêh ma Brah Yêhôva, mâu tông ôh bâr Brah Yêhôva, jêh ri mâu gŭ rêh tĭng nau vay, jêh ri nau vay dăp jêh ri nau Păng nkah nti, yor ri nau mhĭk aơ hŏ tât jêh ma khân ay may nar aơ.”

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Yêrêmi 8:9

Phung blau mĭn mra prêng, Roh nau duh nđơr jêh ri geh dăk. Khân păng hŏ chalơi nau Brah Yêhôva, Mâm hôm dơi blau mĭn đŏng?

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Êsêkiêl 2:3

Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Yônais 2:8

Tơlah huêng gâp lĕ huơi jêh tâm gâp Pôri gâp kah gĭt ma Brah Yêhôva Jêh ri nau gâp mbơh sơm tât ma May, Lăp tât tâm ngih brah kloh ueh May.

Yôhan 2:8

Jêh nây Brah Yêsu đă đŏng: “Aƀaơ aơ chuah hom, njŭn ma nơm mât uănh nau sông sa.” Pôri khân păng njŭn ma bunuyh nây.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

Nau Vay Nkah Tay 18:10

Ta nklang khân may lơi ăn geh ôh du huê bunuyh gŭch kon bu klâu mâu lah kon bu ur păng nơm jêng mpa nhhơr, lơi ăn du huê ƀư pol, nơm sek uănh mănh, ƀŭk rƀên, du huê n'hŭm,

Nau Vay Nkah Tay 29:24

Lĕ rngôch phung ndŭl mpôl mra ôp: ‘Mâm ƀư Brah Yêhôva hŏ ƀư pô aơ ma n'gor aơ?’ ‘Mâm dĭng geh nau ji nuih klach krit aơ?’

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.

Nau Vay Nkah Tay 32:31

Phung rlăng he nơm mra sŏk dơn Lŭ toyh khân păng mâu dơi tâm rđĭl đah Lŭ Toyh he ôh.

I Samuel 12:21

lơi ta chalơi ôh Păng gay hăn tĭng lĕ rup brah dơm dam, khân păng mâu geh khlay ôh jêh ri mâu đŏng dơi tâm rklaih, yorlah khân păng knŏng jêng dơm dam.