II Phung Hađăch 17:13 - Nau Brah Ndu Ngơi 2023

¹³ Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

II Phung Hađăch 17:13 ပူးပေါင်းရင်းမြစ်များ

I Phung Hađăch 16:1

Rnôk nây, geh nau ngơi Brah Yêhôva nduyh ma Y-Baêsa, đă Y-Jêhu, kon bu klâu Y-Hanani, lah pô aơ:

I Phung Hađăch 16:7

Tâm ban pônây, Brah Yêhôva ngơi ma nơm mbơh lor Y-Jêhu, kon bu klâu Y-Hanani, nduyh đah Y-Baêsa jêh ri ngih păng, yorlah lĕ nau tih hađăch hŏ ƀư tanăp măt Brah Yêhôva, sŏk nau kan ti păng hŏ ƀư gay nsônh nau ji nuih ma Păng, tâm ban ma ngih Y-Jêrôbôam, nđâp lah hađăch ƀư rai jêh ngih nây.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 18:6

Păng kuăn nâp ngăn Brah Yêhôva, mâu du tă bơh Păng ôh, ƀiălah djôt prăp lĕ nau vay Brah Yêhôva ntăm, hŏ ntăm jêh ma Y-Môis.

II Phung Hađăch 21:10

Brah Yêhôva hŏ dŏng nơm mbơh lor, jêng phung oh mon Păng lah pô aơ:

I Nau Rêh Jêng 29:29

Lĕ kan hađăch Đavit bơh ntơm tât lôch bu nchih jêh tâm ndrom samƀŭt nơm geh nau tâm saơ Y-Samuel, jêh ri tâm ndrom samƀŭt nơm mbơh lor Y-Nathan, jêh ri tâm ndrom samƀŭt nơm geh nau tâm saơ Y-Gat.

Ndrom Samƀŭt bơh Yôp 11:14

Klŭp ngai nau tih mhĭk bơh ti may, Mâu prăp bun ôh nau djơh mhĭk tâm vâl bok may;

Ndrom Samƀŭt bơh Yôp 36:10

Păng pơk trôm tôr gay iăt nau nduyh nkra, Đă khân păng chalơi lĕ nau djơh mhĭk.

Nau Mprơ Ơm 50:7

“Hơi phung ƀon lan Gâp, iăt hom! Gâp mra lah, Hơi Israel, Gâp mra mbơh nau tâm rdâng đah may; Gâp jêng Brah Ndu, nây jêng Brah Ndu may.

Yêrêmi 11:7

Gâp hŏ đă dŭt n'hâm ngăn ma phung chô yau khân may ntơm bơh nar Gâp djôt khân păng du luh bơh n'gor Êjipt kŏ tât nar aơ. Gâp ƀaƀơ đă khân păng: ‘Iăt tĭng hom bâr Gâp!’

Yêrêmi 18:11

Pônây, aƀaơ aơ may ngơi hom ma phung Yuđa jêh ri phung gŭ tâm ƀon Yêrusalem pô aơ: ‘Brah Yêhôva lah: Aơ, Gâp dôl tâm nal djôt nau mhĭk tât ăn ma khân may jêh ri dăp kan tâm rdâng đah khân may. Ăn nơm tâm khân may chalơi hom trong mhĭk jêh ri nkra tay trong ndrel ma lĕ kan khân may ƀư!’

Yêrêmi 25:3

“Hŏ bar jât ma pe năm ntơm bơh năm rơh jât ma pe rô̆ Y-Jôsia, kon bu klâu Y-Amôn, hađăch n'gor Yuđa, tât ma nar aơ, nau Brah Yêhôva hŏ lah ma gâp, jêh ri gâp hŏ ngơi mâu rlu ma khân may, ƀiălah khân may mâu ŭch iăt ôh.

Yêrêmi 3:7

Gâp mĭn pô aơ lah jêh ƀư lĕ nau kan nây păng mra plơ̆ sĭt ma Gâp, ƀiălah păng mâu plơ̆ sĭt ôh. Oh bu ur mâu răp jăp păng jêng Yuđa hŏ saơ jêh nau nây.

Yêrêmi 34:14

‘Tât năm tal pơh, ăn ăp nơm tâm lĕ khân may mplơ̆ ăn kon me ma bunuyh Hêbrơ hŏ bu tăch jêh ma may. Pakơi prao năm pah kan, may mra mplơ̆ ăn kon me ma bunuyh nây.’ Ƀiălah phung chô yau khân may mâu iăt ôh nau, mâu lĕ rkêng tôr iăt ma Gâp.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 42:19

Ơ phung Yuđa hôm e klen, Brah Yêhôva hŏ lah jêh ma khân may: ‘Lơi ta hăn ôh ma n'gor bri Êjipt.’ Ăn khân ay may gĭt rah vah ngăn nar aơ gâp mbơh jêh ăn ma khân ay may.

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Êsêkiêl 3:19

Ƀiălah, tơlah may lah lor ma nơm mhĭk ƀiălah păng mâu chalơi nau ƀư mhĭk ndrel trong nau djơh mhĭk păng, păng mra khĭt tâm nau tih păng, ƀiălah may mra dơi tâm rklaih huêng may nơm.

Daniel 9:10

Hên mâu tông bâr ôh nau Yêhôva Brah Ndu hên, mâu gŭ ôh tâm nau vay May dŏng jêh phung oh mon May jêng phung nơm mbơh lor ntĭm nti ma hên.

Ndrom Samƀŭt bơh Ôsê 11:2

Lơ hâu Gâp kuăl păng Păng lơ hâu du der ma Gâp. Khân păng hŏ nhhơr ndơ ƀư brah ma rup brah Baal Jêh ri su ndơ ƀâu kah ma rup brah.

Ndrom Samƀŭt bơh Ôsê 12:10

Gâp jêng Yêhôva Brah Ndu may Ntơm ƀơh may du tă bơh n'gor bri Êjipt, Gâp mra ăn may gŭ đŏng tâm dâng lĕ ngih bok Nâm bu tâm lĕ nar tâm Rƀŭn.

Ndrom Samƀŭt bơh Ôsê 12:11

Gâp tâm ban lĕ hŏ lah jêh ma phung nơm mbơh lor; Gâp yơh hŏ ăn âk tơ̆ lĕ nau tâm saơ. Dŏng phung nơm mbơh lor Ntĭm nti ma nau ngơi hôr.

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Kôranh Oh Mon 20:21

gâp mbơh ăn ma phung Yuđa jêh ri phung Grek ma nau rmal nau tih tanăp Brah Ndu jêh ri nau chroh tâm Yêsu Krist, Kôranh Brah he.

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

Nau Vay Nkah Tay 8:19

Tơlah khân may chuêl hêng Yêhôva Brah Ndu khân may jêh ri kơt tĭng lĕ brah êng, pah kan jêh ri yơk mbah ma khân păng, pôri nar aơ gâp mbơh ma khân may pô aơ n'hêl nanê̆ khân may mra rai lôch.

Yôsuê 23:16

Tơlah khân may rlau nau tâm rnglăp Yêhôva Brah Ndu khân may ntĭnh ntăm jêh ma khân may, jêh ri hăn pah kan ma phung brah êng jêh ri chon mon mbah panăp khân păng, rnôk nây Brah Yêhôva mra hao ji nuih ma khân may, jêh ri khân may mra rai yot gơnh ngăn bơh bri ueh Păng hŏ ăn jêh ma khân may.”

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.

Phung Kôranh Phat Dôih 6:10

Gâp lah ma khân may: ‘Gâp jêng Yêhôva Brah Ndu ma khân may, lơi ta klach yơk ôh ma brah phung Amôrit tâm n'gor khân păng ntŭk khân may dôl gŭ.’ Ƀiălah khân may mâu ŭch iăt ôh bâr Gâp!”

Phung Kôranh Phat Dôih 6:8

ri mơ Brah Yêhôva prơh du huê nơm mbơh lor hăn tât gay lah ma phung ƀon lan Israel pô aơ: “Yêhôva Brah Ndu ma phung Israel lah: ‘Gâp hŏ leo khân may du luh bơh n'gor Êjipt, ngluh jêh khân may luh bơh ngih dĭk bu.

I Samuel 9:9

(Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)