II Phung Hađăch 17:10 - Nau Brah Ndu Ngơi 2023

¹⁰ Khân păng ndâk ma khân păng nơm lĕ n'gâng mbah ƀư ma lŭ jêh ri rup brah bu ur Asêrim ta lĕ rngôch ntŭk klơ jêh ri tâm dâng lĕ rngôch tơm si ndrêh.

II Phung Hađăch 17:10 ပူးပေါင်းရင်းမြစ်များ

I Phung Hađăch 14:23

Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

II Phung Hađăch 16:4

Hađăch nhhơr đŏng mpa ƀư brah jêh ri su n'hôl ƀâu kah ta lĕ ntŭk prêh klơ, ta lĕ gôl jêh ri tâm dâng lĕ rngôch tơm si ndrêh.

II Phung Hađăch 17:11

Ta lĕ ntŭk prêh klơ nây, khân păng su n'hôl ƀâu kah nâm bu phung ƀon lan Brah Yêhôva mprơh du jêh bơh khân păng, ƀư jêh lĕ nau djơh mhĭk gay nsônh nau ji nuih Brah Yêhôva.

Nau Ngluh Êjipt 34:12

Njrăng hom, lơi ƀư nau tâm rnglăp đah phung ƀon lan gŭ tâm n'gor khân may mra lăp, klach lah khân păng mra jêng dăk sân ma may.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Êsai 2:8

Bri dak khân păng bêng ma rup brah; Khân păng yơk mbah ma ndơ yor ti khân păng nơm ƀư, Jêng ndơ nglau ti khân păng nơm njêng.

Êsai 57:5

Khân may ƀư nau văng tĭr ndrăng khân may ta meng tơm si têrêbin, Tâm dâng lĕ rngôch tơm si ndrêh, Khân may nkhĭt phung kon khân may nơm ƀư mpa ƀư brah tâm rlŭng, Tâm lĕ rkâp lŭ!

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Kan Lêvi 26:1

“‘Khân may mâu dơi ƀư ôh lĕ rup brah mâu lah ndâk rup trah mâu lah meh lŭ; mâu dơi đŏng ndâk tâm n'gor du mlâm lŭ geh rup gay chon mon yơk mbah tanăp ndơ nây, yorlah Gâp jêng Brah Yêhôva, Brah Ndu khân may.

Mika 5:14

Tâm nau ji nuih, nau Gâp ji nuih mra ƀư nau plơng bôk Ta lĕ bri dak mâu tông ôh bâr Gâp.”

Nau Vay Nkah Tay 16:21

“Khân may mâu dơi ôh ndâk n'gâng ƀư ma si gay mbah rup brah Asêrah ta meng nơng ƀư brah khân may mra ndâk ma Yêhôva Brah Ndu khân may.

Nau Vay Nkah Tay 16:22

Kŏ mâu dơi đŏng ndâk du n'gâng rup brah ƀư ma lŭ, yorlah Yêhôva Brah Ndu khân may tâm rmot ma lĕ ndơ nây.”