II Phung Hađăch 16:20 - Nau Brah Ndu Ngơi 2023

²⁰ Y-Ahas khĭt hăn gŭ ndrel ma phung chô yau păng jêh ri bu tâp ndrel khân păng tâm ƀon Đavit. Y-Hêsêkia, kon hađăch, chiă uănh thoi ntrok păng.

II Phung Hađăch 16:20 ပူးပေါင်းရင်းမြစ်များ

I Phung Hađăch 2:10

Y-Đavit khĭt ndrel ma phung chô yau păng nơm jêh ri bu tâp păng tâm ƀon Đavit.

II Phung Hađăch 18:1

Tâm năm rơh pe rnôk rô̆ Y-Hôsêa, kon Y-Êla, hađăch Israel chiă uănh, pôri Y-Hêsêkia, kon Y-Ahas, hađăch Yuđa, hao jêng hađăch.

II Phung Hađăch 21:18

Y-Manasê khĭt hăn gŭ ndrel ma phung chô yau păng jêh ri bu tâp păng tâm n'gar kao ngih păng nơm, tâm n'gar kao Y-Usa. Kon păng jêng Y-Amôn chiă uănh ntrok păng.

II Phung Hađăch 21:26

Bu tâp Y-Amôn tâm môch păng nơm tâm n'gar kao Y-Usa. Jêh nây kon păng jêng Y-Jôsia chiă uănh thoi ntrok păng.

II Phung Hađăch 8:24

Y-Jôram khĭt hăn ndrel ma phung chô yau păng jêh ri bu tâp păng ndrel ma khân păng tâm ƀon Đavit. Y-Ahasia, kon bu klâu păng, gŭ ta sưng hađăch chiă uănh ntrok păng.

I Nau Rêh Jêng 3:13

kon Y-Jôtham jêng Y-Ahas, kon Y-Ahas jêng Y-Hêsêkia, kon Y-Hêsêkia jêng Y-Manasê,

II Nau Rêh Jêng 28:26

Lĕ kan ƀaƀă jêh ri lĕ rngôch nau hađăch gŭ ngao, bơh ntơm saơm tât lôch, bu nchih da dê tâm ndrom samƀŭt Phung Hađăch Yuđa jêh ri Israel.

II Nau Rêh Jêng 28:27

Hađăch Y-Ahas khĭt hăn gŭ ndrel phung che păng, jêh ri bu tâp păng tâm ƀon Yêrusalem, ƀiălah bu mâu njŭn ôh păng ma môch phung hađăch Israel. Jêh ri Y-Hêsêkia kon bu klâu păng chiă uănh thoi ntrok păng.

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 14:28

Năm hađăch Ahas khĭt, nau mbơh lor aơ hŏ dơi mbơh:

Ndrom Samƀŭt bơh Ôsê 1:1

Aơ jêng nau Brah Yêhôva lah ma Y-Ôsê, kon bu klâu Y-Bêri, tâm rnôk phung hađăch Usia, Y-Jôtham, Y-Ahas, Y-Hêsêkia n'gor Yuđa, jêh ri hađăch Jêrôbôam, kon bu klâu Y-Jôas, phung Israel.

Mika 1:1

Nau Brah Yêhôva lah ma Y-Mika, bunuyh ƀon Môrêset tâm nôk phung hađăch n'gor Yuđa jêng Y-Jôtham, Y-Ahas jêh ri Y-Hêsêkia, bơh lĕ nau păng tâm saơ ma ƀon Samari jêh ri ƀon Yêrusalem.

Mathay 1:9

Y-Usia jêng mbơ̆ Y-Jôtham. Y-Jôtham jêng mbơ̆ Y-Ahas; Y-Ahas jêng mbơ̆ Y-Hêsêkia;