II Phung Hađăch 16:18 - Nau Brah Ndu Ngơi 2023

¹⁸ Gay ƀư di nuih n'hâm ma hađăch Asiri, păng rgâl ntŭk tâm trôm ngih Brah Yêhôva, păng rơih lơi ndring nkŭm duh tâm nar saƀat bu ƀư jêh tâm ngih hađăch, jêh ri mƀăr lơi trong lăp prăp ma hađăch gŭ padih.

II Phung Hađăch 16:18 ပူးပေါင်းရင်းမြစ်များ

I Phung Hađăch 10:5

lĕ ndơ sông sa ta klơ sưng sông hađăch, rnơl gŭ ma phung kôranh păng, nau pah kan jêh ri ndơ nsoh khân păng, lĕ ntil ndrănh hađăch, jêh ri lĕ ndơ ƀư brah gŭch hađăch nhhơr tâm ngih Brah Yêhôva, bu ur nây hih rhâl hâu ngăn.

II Phung Hađăch 11:5

Păng ntĭnh: “Aơ jêng nau ăn khân may mra ƀư: Du kô̆ tâm pe tâm phung khân may tât nau dăp pah kan tâm nar saƀat mra mât gak ngih hađăch,

II Phung Hađăch 16:17

Jêh ta nây, hađăch Ahas koh lơi ndor năp hip ndơ n'gâng dak jêh ri sŏk lơi ndơ n'gâng dak tă ta nây; jêh ri păng ntrŭnh lơi drŏng dak bu ƀư ma kông tă klơ rup ndrôk kông ndăl păng, jêh nây leo n'gân păng ta klơ mbon nơng lŭ.

II Phung Hađăch 16:19

Mâu di hĕ lĕ kan êng Y-Ahas jêh ri lĕ kan hađăch ƀư jêh bu hŏ nchih da dê tâm ndrom samƀŭt nau rêh jêng ma phung hađăch Yuđa?

I Nau Rêh Jêng 9:18

N'ho tât ma aƀaơ khân păng gŭ gak tâm mpông pêr hađăch ta mpeh luh nar; bi kăl e, chô yau khân păng jêng phung mât mray mpông ngih bok phung Lêvi.

Êsêkiêl 44:3

Geh knŏng du huê hađăch mơ dơi tât gŭ ta nây gay sa piăng let tanăp Brah Yêhôva. Hađăch mra hăn lăp tă bơh nhuang panăp mpông pêr jêh ri luh tă bơh trong nây lĕ.”

Êsêkiêl 46:2

Hađăch mra lăp ta nây ma mpông pêr nhuang panăp jêh ri dâk dăch jrŏng mpông pêr dôl phung kôranh ƀư brah mra nhhơr ndơ ƀư brah gŭch jêh ri ndơ ƀư brah ma nau đăp mpăn. Hađăch mra chon mon mbah ta ntŭk lăp mpông pêr jêh ri du luh, ƀiălah mpông pêr mâu mra ntĭl ôh êlor măng.