II Phung Hađăch 16:14 - Nau Brah Ndu Ngơi 2023

¹⁴ Hađăch trơn ma nơng ƀư brah ma kông gŭ panăp Brah Yêhôva, ơm ta lor panăp ngih brah, vah vang nơng ƀư brah mhe jêh ri ngih Brah Yêhôva, jêh nây n'gân păng ta mpeh pa lơ nơng ƀư brah mhe.

II Phung Hađăch 16:14 ပူးပေါင်းရင်းမြစ်များ

II Phung Hađăch 16:11

Kôranh ƀư brah Y-Urija ndâk du mlâm nơng ƀư brah di tĭng nâm rup nơng bơh hađăch Ahas hŏ njuăl tă bơh Damas. Kôranh ƀư brah Y-Urija ƀư lôch jêh nơng ƀư brah nây êlor ma hađăch Ahas sĭt.

II Phung Hađăch 16:13

Hađăch nhhơr ndơ ƀư brah gŭch, ndơ ƀư brah rnih môi, ƀư ndơ nhhơr nhêt jêh ri mham ndơ ƀư brah ma nau đăp mpăn klơ nơng ƀư brah.

II Phung Hađăch 16:15

Jêh nây hađăch Ahas ntĭnh ma kôranh ƀư brah Y-Urija pô aơ: “Ta klơ nơng ƀư brah toyh, nhhơr hom ndơ ƀư brah gŭch ăp ôi jêh ri ndơ ƀư brah rnih môi ăp mhaơ, jêh ri ndơ ƀư brah gŭch jêh ri ndơ ƀư brah rnih môi hađăch, ndơ ƀư brah gŭch jêh ri ndơ ƀư brah rnih môi lĕ rngôch phung ƀon lan tâm n'gor ndrel ma ndơ nhhơr nhêt, jêh ri mbrih mham mpa ƀư brah bơh ndơ ƀư brah gŭch, nđâp lĕ mham bơh lĕ mpa ƀư brah êng ta klơ nơng ƀư brah nây. Bi nơng ƀư brah ma kông gâp mra dŏng prăp ma gâp gay ôp nau mĭn Kôranh Brah.”

II Nau Rêh Jêng 1:5

Panăp Ngih Bok Brah Yêhôva geh nơng ƀư brah ma kông Y-Bêsalel, kon bu klâu Y-Uri, sau Y-Hur, hŏ ƀư jêh. Y-Salômôn jêh ri phung tâm rƀŭn hăn tât ta ntŭk nây da dê gay mbơh sơm ôp ma Kôranh Brah.

II Nau Rêh Jêng 29:19

Lĕ rngôch ndơ hađăch Ahas dŏng bu klŭp mƀăr lơi jêh dôl rnôk păng chiă uănh, ma nau păng mâu gŭ răp jăp ôh, hên nkra jêh ri ƀư kloh da dê, aơ, lĕ rngôch ndơ nây gŭ panăp nơng Brah Yêhôva.”

II Nau Rêh Jêng 4:1

Păng ƀư du nơng ƀư brah ma kông jong jât met, dĭ jât met jêh ri prêh prăm met.

Nau Ngluh Êjipt 27:1

“May ƀư hom du mlâm nơng ƀư brah ma si akasi rup blon, ăp njônh bar met bar, jêh ri prêh klăp lah du met pe.

Nau Ngluh Êjipt 27:2

May ƀư nke nkrêp ta puăn njônh nơng ƀư brah; lĕ nke nây ăn jêng du ngrăng đah nơng ƀư brah. Ăn may mblum nơng ƀư brah ma kông.

Nau Ngluh Êjipt 40:29

Păng dơm nơng ƀư brah nhhơr ndơ ƀư brah gŭch ta mpông Ngih Bok, jêng Ngih Bok Nau Tâm Rƀŭn jêh ri nhhơr ta klơ nây ndơ ƀư brah gŭch jêh ri ndơ ƀư brah rnih môi, di nâm nau Brah Yêhôva hŏ lah jêh ma Y-Môis.

Nau Ngluh Êjipt 40:6

May dơm đŏng nơng ƀư brah nhhơr ndơ ƀư brah gŭch tanăp mpông Ngih Bok, jêng Ngih Bok Nau Tâm Rƀŭn,

Êsêkiêl 43:8

Tơlah khân păng ndâk mpông ngih khân păng dăch mpông ngih Gâp jêh ri ndâk n'gâng mpông khân păng dăch n'gâng mpông Gâp, kŏ tât vah vang Gâp đah khân păng knŏng tâm ƀah du mlâm mpir dơm, pôri khân păng hŏ ƀư ƀơ̆ amoh kloh ueh Gâp. Yor nau kan ƀơ̆ khân păng ƀư jêh yor nây Gâp ji nuih dĭng ƀư rai lơi khân păng.

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.