II Phung Hađăch 16:10 - Nau Brah Ndu Ngơi 2023

¹⁰ Tơlah hađăch Ahas hăn ma Damas gay tâm mâp đah hađăch Asiri jêng Y-Tiglat-Pilêser, păng saơ du nơng ƀư brah ta ƀon Damas. Hađăch Y-Ahas njuăl ro ma kôranh ƀư brah Y-Urija rup nơng ƀư brah nây, jêh ri lĕ rngôch nau ntĭm bu ƀư nơng ƀư brah.

II Phung Hađăch 16:10 ပူးပေါင်းရင်းမြစ်များ

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 16:11

Kôranh ƀư brah Y-Urija ndâk du mlâm nơng ƀư brah di tĭng nâm rup nơng bơh hađăch Ahas hŏ njuăl tă bơh Damas. Kôranh ƀư brah Y-Urija ƀư lôch jêh nơng ƀư brah nây êlor ma hađăch Ahas sĭt.

II Phung Hađăch 21:4

Păng ndâk lĕ nơng ƀư brah tâm ngih Brah Yêhôva, jêng ntŭk Brah Yêhôva lah jêh pô aơ: “Tâm ƀon Yêrusalem, Gâp mra dơm amoh Gâp ta nây.”

I Nau Rêh Jêng 28:19

Y-Đavit ngơi: “Lĕ rngôch kan nây bu mra ƀư tĭng nâm samƀŭt rup bơh ti Brah Yêhôva gŭ ta klơ gâp jêh ri sol ang ma gâp ma lĕ rngôch ntil tâm samƀŭt rup.”

Nau Mprơ Ơm 106:39

Nâm pônây, khân păng ƀơ̆ ƀơch yor kan khân păng, Jêh ri ƀư tih văng tĭr ma nau khân păng pah.

Nau Ngluh Êjipt 24:4

Y-Môis nchih tay lĕ nau ngơi Brah Yêhôva. Păng dâk ơm ôi, ndâk du mlâm nơng ƀư brah ta jâng yôk jêh ri ndâk jât ma bar n'gâng lŭ tâm ban ma jât ma bar ndŭl mpôl phung Israel.

Nau Ngluh Êjipt 39:43

Y-Môis treng uănh lĕ rngôch nau kan jêh ri aơ khân păng hŏ lôch jêh nau nây tĭng nâm nau Brah Yêhôva ntĭm nti jêh. Pôri Y-Môis ăn nau ueh uĭn ma khân păng.

Êsai 8:2

Gâp djôt leo phung mbơh răp jăp jêng kôranh ƀư brah Y-Urija jêh ri Y-Sakari, kon bu klâu Y-Yêbêrêkia.

Yêrêmi 10:2

Brah Yêhôva lah pô aơ: “Lơi ta nti ôh tĭng nau rêh phung ƀon lan êng, Mâu klach râm sâr lĕ nau mbên klơ trôk, Nđâp lah phung ƀon lan êng geh klach nau mbên nây.

Êsêkiêl 16:28

Ay hŏ ƀư nau văng tĭr đah phung Asiri yorlah ay mâu hŏ mpay ôh. Pakơi ƀư tih văng tĭr đah khân păng, ay ê hŏ mpay ôh.

Êsêkiêl 43:11

Tơlah khân păng bêk prêng ma lĕ nau khân păng hŏ ƀư pôri may ăn hom ma khân păng uănh samƀŭt rup ngih brah: nau dăp lor, trong luh, trong lăp, lĕ rngôch samƀŭt rup, lĕ nau vay ƀư jêh ri lĕ nau vay ma păng. Nchih hom nau lĕ nau nây tanăp măt khân păng gay ma khân păng djôt prăp lĕ rngôch samƀŭt nđâp ƀư tĭng nâm nau vay ƀư jêh ri nau vay.

Êsêkiêl 43:8

Tơlah khân păng ndâk mpông ngih khân păng dăch mpông ngih Gâp jêh ri ndâk n'gâng mpông khân păng dăch n'gâng mpông Gâp, kŏ tât vah vang Gâp đah khân păng knŏng tâm ƀah du mlâm mpir dơm, pôri khân păng hŏ ƀư ƀơ̆ amoh kloh ueh Gâp. Yor nau kan ƀơ̆ khân păng ƀư jêh yor nây Gâp ji nuih dĭng ƀư rai lơi khân păng.

Êsêkiêl 44:12

Yorlah khân păng hŏ pah kan jêh ma phung ƀon lan tanăp phung rup brah khân păng jêh ri ƀư ma ngih Israel tŭp tâm nau tih; yor ri, Gâp hŏ yơr ti tâm rdâng đah khân păng jêh ri khân păng mra anh nau tih khân păng, Kôranh Brah Yêhôva lah pônây.

Mathay 15:6

Pônây, yor ma nau vay dŏng khân may nơm, khân may chalơi jêh nau Brah Ndu ngơi.

Mathay 15:9

Nau khân păng yơk mbah ma Gâp jêng mâu khlay, Khân păng nti knŏng jêng nau vay bunuyh.’ ”

Samƀŭt Pôl Njuăl Ăn Ma Phung Nsing Ta Ƀon Rôm 12:2

Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Nau Vay Nkah Tay 12:30

njrăng hom, lah jêh khân păng rai tanăp măt khân may, khân may geh tâm dăk sân jêh ri tĭng kơt khân păng: Khân may lah ‘Mâm phung ndŭl mpôl aơ yơk mbah ma brah khân păng gâp mra ƀư tâm ban kơt nây đŏng.’

Yôsuê 22:28

Hên lah đŏng pô aơ ndah jŏ khân păng lah nau aơ ma hên mâu lah ngơi ma lĕ rngôch rô̆ hên kăndơ̆, hên mra plơ̆ lah: ‘Uănh hom rup nơng ƀư brah Brah Yêhôva phung chô yau hên hŏ ƀư jêh, mâu di ôh ma nau ndơ ƀư brah gŭch mâu lah nhhơr mpa ƀư brah, ƀiălah gay geh du nau mbơh vah vang hên jêh ri khân may!’

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,