II Phung Hađăch 15:37 - Nau Brah Ndu Ngơi 2023

³⁷ Tâm rnôk nây, Brah Yêhôva ntơm ƀư ăn ma Y-Rêsin hađăch Aram, jêh ri Y-Pêka, kon Y-Rêmalia, văch tât lơh phung Yuđa.

II Phung Hađăch 15:37 ပူးပေါင်းရင်းမြစ်များ

II Phung Hađăch 10:32

Tâm rnôk nây, Brah Yêhôva ntơm koh n'hŭch n'har bri phung Israel. Y-Hasael dơi đah khân păng lam n'gor bri Israel,

II Phung Hađăch 15:27

Tâm năm prăm jât ma bar rnôk rô̆ Y-Asaria, hađăch Yuđa chiă uănh, geh Y-Pêka, kon Y-Rêmalia, hao ƀư hađăch Israel ta ƀon Samari, jêh ri chiă uănh bar jât năm.

II Phung Hađăch 15:36

Mâu di hĕ lĕ kan êng Y-Jôtham, jêh ri lĕ kan păng ƀư jêh, bu hŏ nchih da dê tâm ndrom samƀŭt nau rêh jêng ma phung hađăch Yuđa?

II Phung Hađăch 15:38

Y-Jôtham khĭt hăn gŭ n'hanh ma phung chô yau păng jêh ri bu tâp păng tâm ƀon Đavit. Kon hađăch jêng Y-Ahas gŭ ta sưng hađăch chiă uănh thoi ntrok păng.

II Phung Hađăch 16:5

Nôk nây, Y-Rêsin hađăch Aram, jêh ri Y-Pêka, kon Y-Rêmalia, hađăch Israel, leo phung tahan păng tât ta Yêrusalem gay tâm lơh. Khân păng nchueng jŭm Y-Ahas, ƀiălah khân păng mâu dơi đah hađăch ôh.

II Nau Rêh Jêng 28:6

Tâm du nar, Y-Pêka kon bu klâu Y-Rêmalia ƀư nkhĭt du rsen bar rmưn bunuyh phung Yuđa, lĕ rngôch khân păng jêng phung tahan janh ktang, yorlah khân păng chalơi Yêhôva Brah Ndu phung chô yau khân păng.

Nau Mprơ Ơm 78:49

Păng nkhŭt ta klơ khân păng ŭnh ji nuih ktang, Nau ji nuih, nau suai rak jêh ri nau mhĭk tât, Nây jêng lĕ rngôch du phung tông mpăr dơi njuăl văch gay ƀư rai.

Êsai 7:1

Tâm rnôk Y-Ahas chiă uănh, kon bu klâu Y-Jôtham, sau Y-Usia hađăch bri Yuđa, geh Y-Rêsin hađăch bri Aram ndrel ma hađăch bri Israel jêng Y-Pêka, kon bu klâu Y-Rêmalia, leo phung tahan hăn lơh ƀon Yêrusalem, ƀiălah khân păng mâu dơi pit ôh.

Êsai 7:8

Yorlah bôk Aram jêng Damas, Bôk Damas jêng Y-Rêsin. (Tâm prao jât ma prăm năm, phung Êphraim mra rai, khân păng mâu hôm jêng du phung ƀon lan đŏng ôh).

Yêrêmi 16:16

Brah Yêhôva lah: “Aơ, Gâp prơh joi âk phung blau seng ka tât nhŭp khân păng. Jêh nây, Gâp prơh joi âk phung nchron gay nchron khân păng ta klơ ăp yôk, ăp gôl, jêh ri tâm ăp nđa lŭ.

Yêrêmi 25:29

Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Yêrêmi 43:10

Jêh nây may lah ma khân păng: Brah Yêhôva ma phung tahan, Brah Ndu Israel, lah: ‘Aơ, Gâp mra prơh hăn kuăl oh mon Gâp jêng Y-Nêbukatnetsar, hađăch Babilôn, jêh ri Gâp mra ndâk sưng hađăch păng ta klơ lŭ toyh Gâp mhe pôn aơ; păng mra ling bok nchăng ăn gui n'hâm ta klơ.

Luka 21:28

Tơlah nau nây ntơm tât geh, dâk sŏng hom, n'gơr hom, yorlah nau tâm rklaih khân may dôl văch dăch.”

Nau Vay Nkah Tay 28:48

yor ri tâm nau sa sât ji ngot, nau kuh rhôk jêh ri nau pưt kƀah ăp ntil ndơ, ăn khân may pah kan ma phung rlăng Brah Yêhôva njuăl khân păng tât gay lơh khân may. Păng mra dơm mbăk loih ta trô ko khân may kŏ tât ƀư rai lơi khân may.

I Samuel 3:12

Ta nar nây, Gâp mra ƀư tât di ngăn lĕ rngôch nau Gâp mbơh lor jêh ma ngih Y-Êli, bơh ntơm tât ta nglĕ dŭt.