II Phung Hađăch 15:29 - Nau Brah Ndu Ngơi 2023

²⁹ Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 15:29 ပူးပေါင်းရင်းမြစ်များ

I Phung Hađăch 14:15

Brah Yêhôva mra ƀư nau mhĭk phung Israel nâm bu du tơm rpho n'gơ nklang dak, jêh ri mprơh phung Israel luh bơh n'gor bri ueh aơ yor Păng hŏ ăn jêh ma phung chô yau khân păng, jêh ri ƀư ăn chah rai khân păng mpeh kơl tê̆ dak krong Ơphrat, yorlah khân păng ƀư rup brah nsônh Brah Yêhôva ji nuih.

I Phung Hađăch 15:20

Y-Ben-Hadat iăt tĭng nau hađăch Asa, prơh phung kôranh tahan păng hăn tâm lơh đah lĕ ƀon phung Israel, pit sŏk ƀon Ijôn, Dan, Abel-Bel-Maka, jêh ri lam lĕ n'gor Chinêrôt jêh ri n'gor Naptali.

I Phung Hađăch 9:11

Y-Salômôn jao ma Y-Hiram, hađăch ƀon Tyre, bar jât rplay ƀon tâm n'gor Galilê, yorlah Y-Hiram ăn jêh ma Y-Salômôn tơm si sêdar, tơm si chiprơ jêh ri mah tĭng nâm hađăch ŭch mĭn.

II Phung Hađăch 15:19

Hađăch Asiri jêng Y-Pul hăn văch rvan n'gor. Y-Mênahem ăn ma Y-Pul pe rmưn kilô prăk, gay ma păng kơl ăn nâp ƀon bri hađăch tâm ti păng.

II Phung Hađăch 15:20

Y-Mênahem riu rnoh prăk nây tă bơh phung ndrŏng tâm phung ƀon lan Israel, ăp nơm chê̆ n'gul kilô prăk, gay chê̆ ma hađăch Asiri. Pôri hađăch Asiri du sĭt, mâu gŭ tâm n'gor ôh.

II Phung Hađăch 15:28

Păng ƀư nau mhĭk tanăp măt Brah Yêhôva, mâu chalơi nau tih Y-Jêrôbôam, kon bu klâu Y-Nêbat, jêng nau nsŭk phung Israel ƀư tih.

II Phung Hađăch 15:30

Nôk nây, kon Y-Êla jêng Y-Hôsêa nchră nau tâm rdâng đah hađăch Pêka, kon Y-Rêmalia, jêh ri dong nkhĭt hađăch, jêh nây pit sŏk sưng hađăch, di tâm năm rơh bar jât rnôk rô̆ hađăch Jôtham, kon Y-Usia chiă uănh.

II Phung Hađăch 16:10

Tơlah hađăch Ahas hăn ma Damas gay tâm mâp đah hađăch Asiri jêng Y-Tiglat-Pilêser, păng saơ du nơng ƀư brah ta ƀon Damas. Hađăch Y-Ahas njuăl ro ma kôranh ƀư brah Y-Urija rup nơng ƀư brah nây, jêh ri lĕ rngôch nau ntĭm bu ƀư nơng ƀư brah.

II Phung Hađăch 16:7

Y-Ahas đă phung mbơh hăn tât gay lah đah hađăch Asiri jêng Y-Tiglat-Pilêser: “Gâp jêng oh mon may jêh ri kon may. Dăn ma may văch tâm rklaih gâp bơh ti hađăch Aram jêh ri hađăch Israel yorlah khân păng rduh lơh đah gâp.”

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 18:11

Hađăch Asiri njŭn leo phung Israel ma n'gor bri Asiri, dơm khân păng tâm ƀon Hala, ta kơh dak krong Habôr, tâm n'gor Gôsan, jêh ri tâm lĕ ƀon n'gor Mêdơ.

II Phung Hađăch 19:11

Aơ, nanê̆ may hŏ tăng jêh moh nau phung hađăch Asiri ƀư jêh ma lĕ rngôch bri dak, bu ƀư rai jêh lĕ khân păng. Bi may, may mra dơi klaih lĕ?

II Phung Hađăch 8:11

Y-Êlisê rnam muh măt, n'gơr uănh Y-Hasael jŏ ngăn kŏ tât păng prêng. Jêh nây bunuyh Brah Ndu luh nhĭm.

I Nau Rêh Jêng 5:22

Geh âk ngăn bunuyh lĕ cha lôt khĭt, yorlah nau tâm lơh nây luh tă bơh Brah Ndu. Khân păng pit in neh phung nây jêh ri gŭ ta nây ma tât nôk bu nhŭp njŭn leo khân păng ƀư dĭk bu.

I Nau Rêh Jêng 5:26

Pôri, Brah Ndu Israel nsônh nau mĭn Y-Pul, hađăch bri dak Asiri, jêh ri Y-Tiglat-Pilêser, hađăch bri dak Asiri, hăn tât gay nhŭp phung ndŭl mpôl Ruben, Gat, jêh ri du n'gul ndŭl mpôl Manasê, njŭn khân păng tât ma ƀon Hala, ƀon Habôr, ƀon Hara, jêh ri nkual ta dăch dak krong Gôsan, jêng ntŭk khân păng hôm gŭ tât ma nar aơ.

I Nau Rêh Jêng 5:6

kon Y-Baal jêng Y-Bêera, nơm Y-Tiglat-Phinêser, hađăch n'gor bri Asiri, nhŭp ƀư bu nă. Y-Bêra jêng kôranh chiă uănh phung Ruben.

II Nau Rêh Jêng 16:4

Y-Ben-Hadat iăt tĭng nau hađăch Asa, đă phung kôranh chiă uănh phung tahan djôt leo phung tahan hăn lơh lĕ phung ƀon Israel, pit sŏk ƀon Ijôn, Dan, Abel-Maim ndrel ma lĕ rngôch ƀon geh jay prăp drăp ndơ khlay tâm n'gor Naptali.

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 37:18

Ơ Brah Yêhôva, n'hêl nanê̆ phung hađăch Asiri hŏ ƀư rai jêh lĕ bri dak jêh ri n'gor neh khân păng,

Êsai 7:16

Yorlah êlor ma kon se nây blau dun nau mhĭk jêh ri săch nau ueh, pôri bri dak geh bar hê hađăch may klach nây mra jêng rngot njăp.

Êsai 7:20

Tâm nar nây, Kôranh Brah mra dŏng pêh poih nkhôm mpeh đah ri dak krong, jêng hađăch bri Asiri, gay poih bôk jêh ri rsau jâng khân may, jêh ri poih nđâp ma têp kang tâm ban lĕ.

Êsêkiêl 23:9

Yor ri, Gâp jao jêh păng tâm ti phung tĭr păng, jêng tâm ti phung Asiri ma phung păng rŏng.

Kan Lêvi 26:32

Gâp mra ƀư rai lơi n'gor khân may kŏ tât phung rlăng đah khân may gŭ ta nây mra hih rhâl.

Amôt 1:13

Brah Yêhôva lah: “Yor nau tih mhĭk phung kon Ammôn ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng lông jêh ndŭl phung bu ur dôl ntreo tâm n'gor Gilêat, Gay ƀư dĭ n'har bri khân păng.

Amôt 1:3

Brah Yêhôva lah: “Yor nau djơh mhĭk Damas ntop hôm ntop nau tih mhĭk Yor ri Gâp mâu rhuăt tay ôh nau tâm rmal ma păng. Yorlah păng sŏk jêh ndơ dŏng mbang ba ma loih Mbang Gilêat

Amôt 5:27

Yor nây, Gâp mra ăn khân may jêng bu nă đah ri ƀon Damas.” Brah Yêhôva lah kơt nây, Amoh Păng jêng Brah Ndu ma phung tahan.

Amôt 6:14

Yor nây, Yêhôva Brah Ndu ma phung tahan lah: “Hơi ngih Israel, Gâp mra ăn du bri dak văch tâm rdâng đah khân may; Păng mra tŭn jot khân may, ntơm bơh ntŭk lăp ƀon Hamat Tât ta Dak N'hor Arabah.”

Nau Kơp Bunuyh 32:1

Phung kon sau Ruben jêh ri phung kon sau Gat geh âk mpôl mpô mpa rong. Khân păng saơ n'gor Jaser jêh ri n'gor Gilêat jêng ntŭk ueh ma nau rong chiăp mpô mpa rong.

Nau Kơp Bunuyh 32:40

Pôri Y-Môis ăn n'gor Gilêat ma Y-Makir, kon bu klâu Y-Manasê, jêh ri păng gŭ ta nây.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 3:15

Gâp jao đŏng n'gor Gilêat ma Y-Makir.

Yôsuê 11:1

Tơlah tăng nau nây, Y-Jabin, hađăch ƀon Hasôr, prơh bunuyh hăn mbơh ma Y-Jôbap, hađăch ƀon Madon, hăn ma hađăch ƀon Simrôn, ma hađăch ƀon Aksap,

Yôsuê 11:10

Nôk nây, Y-Yôsuê plơ̆ sĭt pit in Hasôr jêh ri sŏk đao nkhĭt hađăch ƀon nây. Kăl e ƀon Hasôr jêng kôranh ma lĕ rngôch ƀon bri hađăch nây.

Yôsuê 11:13

Ƀiălah phung Israel mâu su ôh du rplay ƀon gŭ ta klơ dor yôk, Y-Yôsuê knŏng su ƀon Hasôr dơm.

Yôsuê 12:19

hađăch Madon, hađăch Hasôr,

Yôsuê 16:6

jêh ri bơh nĕ hăn sŏng tât ta dak mƀŭt; mpeh pa lơ jêng Mikmêtat; mpeh luh nar, trong n'har bri ndăch jŭm mpeh Tanat-Silô, jêh ri hăn tât ma mpeh luh nar tât ma Janôa,

Yôsuê 19:35

Ƀon toyh geh mpêr nâp jêng ƀon: Sidim, Sêr, Hamat, Rakat, Chinêrôt,

Yôsuê 19:37

Kêdês, Êdrei, Ên-Hasôr,

Yôsuê 20:7

Pônây, phung ƀon lan Israel prăp êng ƀon Kêdês tâm bri Galilê, bri klơ dor Naptali, ƀon Sichem tâm bri klơ dor Êphraim jêh ri ƀon Kiriat-Arba, jêng Hêbron, tâm bri klơ dor yôk Yuđa.

Phung Kôranh Phat Dôih 18:30

Ndŭl mpôl Dan ndâk rup trah, gay mbah, jêh nây Y-Jônathan, kon bu klâu Y-Gersôm, sau Y-Môis, jêh ri phung kon sau păng jêng phung kôranh ƀư brah ma phung ndŭl mpôl Dan kŏ tât nar bri khân păng jêng bu nă.

Phung Kôranh Phat Dôih 4:2

Yor ri, Brah Yêhôva tăch khân păng ma Y-Jabin, jêng hađăch Kanaan, nơm chiă uănh ta Hasôr. Kôranh chiă uănh toyh tahan Y-Jabin jêng Y-Sisêra gŭ ta Harôset phung bu năch.