II Phung Hađăch 14:9 - Nau Brah Ndu Ngơi 2023

⁹ Y-Jôas, hađăch Israel, prơh bunuyh hăn plơ̆ lah ma Y-Amasia, hađăch Yuđa: “Tơm lok ta bri Liban njuăl bunuyh lah ma tơm si sêdar ta bri Liban pô aơ: ‘Ăn hom kon bu ur may ƀư ur ma kon bu klâu gâp.’ Ƀiălah geh mpô mpa bri ta Liban hăn rgăn, jot nchah lok nây.

II Phung Hađăch 14:9 ပူးပေါင်းရင်းမြစ်များ

I Phung Hađăch 4:33

Hađăch ngơi di ma tơm si, tă bơh tơm si sêdar ta Liban tât ma gơ̆ nse hisôp hon ta klơ mpêr. Hađăch ngơi đŏng di ma mpô mpa, ma sĭm och, ma mpa vơr, jêh ri ma ka.

II Nau Rêh Jêng 25:18

Y-Jôas, hađăch Israel, njuăl bâr ngơi ma Y-Amasia, hađăch Yuđa: “Tơm lok ta bri Liban njuăl bunuyh lah ma tơm si sêdar ta bri Liban pô aơ: ‘Ăn hom kon bu ur may ƀư ur ma kon bu klâu gâp.’ Ƀiălah geh mpô mpa bri ta Liban hăn rgăn jêh ri jot nchah tơm lok nây.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Ndrom Samƀŭt bơh Yôp 31:18

Ntơm bơh hôm mom ndăm, gâp hŏ mât rong kon dơi nâm bu du huê mbơ̆; Ntơm bơh luh bơh ndŭl me, gâp hŏ kơl jêh bu ur ndrô.

Nau Ngluh Êjipt 3:2

Tông mpăr Brah Yêhôva tâm mpơl ma păng tâm mpiăt ŭnh, ta nklang du ntŭk pŭm lok. Y-Môis uănh saơ ŭnh sa pŭm lok ƀiălah mâu lêk.

Nau Hôr 26:9

Nau ngơi hôr tâm trôm mbung phung rluk Nâm bu du mlâm lok tôt tâm ti bunuyh nhŭl ndrănh.

Nau Mprơ Ueh 2:2

Nơm gâp rŏng ta nklang phung bu ur druh, Nâm bu n'gĭng kao si ueh ta nklang pôm lok.

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

I Kôrintô 12:15

Lah jâng lah: “Gâp mâu di jêng ti ôh, pôri gâp mâu jêng du kô̆ tâm săk jăn” pôri mâu yor nây jâng mâu jêng du kô̆ tâm săk jăn.

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.