II Phung Hađăch 14:23 - Nau Brah Ndu Ngơi 2023

²³ Tâm năm rơh jât ma prăm rnôk rô̆ Y-Amasia, kon Y-Jôas, hađăch Yuđa chiă uănh geh Y-Jêrôbôam, kon Y-Jôas, ntơm ƀư hađăch Israel ta ƀon Samari. Păng chiă uănh puăn jât ma puăn năm.

II Phung Hađăch 14:23 ပူးပေါင်းရင်းမြစ်များ

II Phung Hađăch 10:30

Brah Yêhôva lah ma Y-Jêhu: “Yorlah may ƀư ueh jêh tâm nau sŏng srăng tanăp măt Gâp, di nâm lĕ nau Gâp ŭch may ƀư ma ngih Y-Ahap, pôri phung kon sau may mra gŭ ta sưng hađăch Israel tât ta rnôk rơh puăn.”

II Phung Hađăch 13:13

Y-Jôas khĭt hăn gŭ ndrel ma phung chô yau păng, jêh nây Y-Jêrôbôam ntơm gŭ ta sưng thoi ntrok. Bu tâp Y-Jôas tâm Samari ndrel ma phung hađăch Israel.

II Phung Hađăch 14:1

Tâm năm rơh bar rnôk rô̆ Y-Jôas chiă uănh kon bu klâu Y-Jôahas, hađăch Israel, geh Y-Amasia, kon bu klâu Y-Jôas, hađăch Yuđa, ntơm gŭ ta sưng hađăch.

II Phung Hađăch 14:15

Mâu di hĕ lĕ kan êng Y-Jôas, lĕ nau hađăch ƀư jêh, nau ktang păng, nau tâm lơh păng đah Y-Amasia, hađăch Yuđa, bu hŏ nchih da dê tâm ndrom samƀŭt nau rêh jêng ma lĕ phung hađăch Israel?

II Phung Hađăch 14:16

Y-Jôas khĭt hăn gŭ ndrel ma phung chô yau păng, jêh ri bu tâp păng ta ƀon Samari ndrel ma phung hađăch Israel. Jêh ri Y-Jêrôbôam, kon păng, gŭ ta sưng hađăch chiă uănh thoi ntrok păng.

II Phung Hađăch 14:22

Jêh mbơ̆ păng khĭt hăn gŭ ndrel ma phung chô yau păng, hađăch Asaria jêng nơm ndâk njêng tay ƀon Êlat jêh ri mplơ̆ sĭt tay ƀon nây ma phung Yuđa.

II Phung Hađăch 14:24

Păng ƀư nau mhĭk tanăp măt Brah Yêhôva, mâu ŭch chalơi ôh bơh lĕ nau tih Y-Jêrôbôam, kon bu klâu Y-Nêbat, jêng nau hŏ nsŭk phung Israel ƀư tih.

II Phung Hađăch 14:27

Jêh ri Brah Yêhôva mâu mâp lah ôh Păng mra jut lơi amoh phung Israel bơh tâm dâng trôk, pôri Păng hŏ dŏng Y-Jêrôbôam, kon Y-Jôas, gay rklaih khân păng.

II Phung Hađăch 15:1

Tâm năm rơh bar jât ma pơh rnôk rô̆ Y-Jêrôbôam, hađăch Israel chiă uănh, geh Y-Asaria, kon Y-Amasia, hađăch Yuđa ntơm chiă uănh.

I Nau Rêh Jêng 5:17

Lĕ rngôch phung nây bu nchih jêh amoh tâm ndrom samƀŭt ƀoi yau tâm rnôk hađăch Jôtham bri dak Yuđa, jêh ri tâm rnôk hađăch Jêrôbôam bri dak Israel.

Ndrom Samƀŭt bơh Ôsê 1:1

Aơ jêng nau Brah Yêhôva lah ma Y-Ôsê, kon bu klâu Y-Bêri, tâm rnôk phung hađăch Usia, Y-Jôtham, Y-Ahas, Y-Hêsêkia n'gor Yuđa, jêh ri hađăch Jêrôbôam, kon bu klâu Y-Jôas, phung Israel.

Amôt 1:1

Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.