II Phung Hađăch 14:16 - Nau Brah Ndu Ngơi 2023

¹⁶ Y-Jôas khĭt hăn gŭ ndrel ma phung chô yau păng, jêh ri bu tâp păng ta ƀon Samari ndrel ma phung hađăch Israel. Jêh ri Y-Jêrôbôam, kon păng, gŭ ta sưng hađăch chiă uănh thoi ntrok păng.

II Phung Hađăch 14:16 ပူးပေါင်းရင်းမြစ်များ

II Samuel 7:12

Tơlah nar may lĕ jêh, jêh ri may bê̆ch ndrel ma phung chô yau may, Gâp mra njêng noi deh may chiă uănh ntrok may, jêng noi deh may; jêh ri Gâp mra ƀư nâp ktang ma ƀon bri hađăch păng.

I Phung Hađăch 1:21

Gâp klach lah tơlah hađăch kôranh gâp khĭt gŭ ndrel ma phung chô yau, gâp jêh ri kon bu klâu gâp jêng Y-Salômôn bu mra phat tâm ban phung geh nau tih.”

II Phung Hađăch 13:12

Mâu di hĕ lĕ kan êng Y-Jôas, lĕ rngôch kan hađăch hŏ ƀư, jêh ri nau ktang păng tâm lơh đah Y-Amasia, hađăch Yuđa, bu hŏ nchih da dê tâm ndrom samƀŭt nau rêh jêng ma phung hađăch Israel?

II Phung Hađăch 13:13

Y-Jôas khĭt hăn gŭ ndrel ma phung chô yau păng, jêh nây Y-Jêrôbôam ntơm gŭ ta sưng thoi ntrok. Bu tâp Y-Jôas tâm Samari ndrel ma phung hađăch Israel.

II Phung Hađăch 13:9

Y-Jôacha khĭt hăn gŭ ndrel ma phung chô yau păng jêh ri bu tâp păng tâm ƀon Samari. Y-Jôas, kon păng, ntơm chiă uănh thoi ntrok păng.

II Phung Hađăch 14:15

Mâu di hĕ lĕ kan êng Y-Jôas, lĕ nau hađăch ƀư jêh, nau ktang păng, nau tâm lơh păng đah Y-Amasia, hađăch Yuđa, bu hŏ nchih da dê tâm ndrom samƀŭt nau rêh jêng ma lĕ phung hađăch Israel?

II Phung Hađăch 14:17

Y-Amasia, kon Y-Jôas, hađăch Yuđa, hôm e rêh jât ma prăm năm, jêh Jôas, kon Y-Jôacha, hađăch Israel khĭt.

II Phung Hađăch 14:23

Tâm năm rơh jât ma prăm rnôk rô̆ Y-Amasia, kon Y-Jôas, hađăch Yuđa chiă uănh geh Y-Jêrôbôam, kon Y-Jôas, ntơm ƀư hađăch Israel ta ƀon Samari. Păng chiă uănh puăn jât ma puăn năm.

II Phung Hađăch 14:28

Mâu di hĕ lĕ kan êng Y-Jêrôbôam, lĕ nau păng ƀư jêh, nau ktang păng, nau păng hŏ lơh jêh ri nau păng sŏk sĭt tay ƀon Damas jêh ri ƀon Hamat tă bơh phung Yuđa mplơ̆ ma phung Israel, bu hŏ nchih da dê tâm ndrom samƀŭt nau rêh jêng ma phung hađăch Israel?

I Nau Rêh Jêng 5:17

Lĕ rngôch phung nây bu nchih jêh amoh tâm ndrom samƀŭt ƀoi yau tâm rnôk hađăch Jôtham bri dak Yuđa, jêh ri tâm rnôk hađăch Jêrôbôam bri dak Israel.

Ndrom Samƀŭt bơh Ôsê 1:1

Aơ jêng nau Brah Yêhôva lah ma Y-Ôsê, kon bu klâu Y-Bêri, tâm rnôk phung hađăch Usia, Y-Jôtham, Y-Ahas, Y-Hêsêkia n'gor Yuđa, jêh ri hađăch Jêrôbôam, kon bu klâu Y-Jôas, phung Israel.

Amôt 1:1

Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.