II Phung Hađăch 14:10 - Nau Brah Ndu Ngơi 2023

¹⁰ May hŏ lơh jêh phung Êđôm jêh ri nuih n'hâm may bêng nau hưn. Gŭ hom tâm ngih gay mƀrơn ma nau chrêk rmah may. Mâm ƀư ŭch ƀư tay nau mhĭk ma may nơm, ƀư ăn ma may jêh ri lĕ phung Yuđa cha lôt?”

II Phung Hađăch 14:10 ပူးပေါင်းရင်းမြစ်များ

II Phung Hađăch 14:7

Y-Amasia hŏ nkhĭt jêh du rmưn tahan phung Êđôm tâm rlŭng Boh, jêh ri pit sŏk ƀon Sêla tâm nau rduh lơh nây, jêh nây bu ntơ amoh Joktêel, ăt hôm ma tât nar aơ.

II Nau Rêh Jêng 26:16

Ƀiălah tơlah Y-Usia hŏ geh jêng jêh, păng geh nuih n'hâm sưr ƀư ăn ma păng nơm roh rai. Păng ƀư tih đah Yêhôva Brah Ndu păng, yorlah păng hŏ lăp tâm ngih Brah Yêhôva gŭch ndơ ƀâu kah ta Nơng ƀư brah gŭch ndơ ƀâu kah.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

II Nau Rêh Jêng 35:21

Nêkô njuăl phung mbơh tât ngơi đah Y-Jôsia: “Ơ hađăch Yuđa, moh nau geh ndrăng he? Nar aơ gâp mâu văch tâm lơh đah may ôh, ƀiălah tâm lơh đah phung rlăng gâp. Brah Ndu ntĭnh jêh ma gâp ăn ƀư gơnh nau aơ. Pôri, lơi tâm rdâng đah Brah Ndu ôh, jêng Nơm gŭ ndrel gâp, klach lah Păng ƀư rai may.”

Nau Ngluh Êjipt 8:9

Y-Môis ngơi đah Pharaôn: “Dăn ma may dăp hom mông nar ăn rah vah gay ma gâp kuăl mbơh sơm ma Brah Yêhôva, yor may, phung oh mon may jêh ri phung ƀon lan may, gay ƀư rai kĭt bơh may, bơh ngih may, knŏng hôm e tâm dak krong dơm.”

Nau Hôr 15:18

Bunuyh gơnh nuih vay nsônh nau tâm djrel, Ƀiălah bunuyh băt nuih ƀư bah nau tâm djrel.

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Nau Hôr 20:3

Bunuyh der bơh nau tâm djrel khư ma nau yơk; Knŏng phung rluk mâl mơ rduh lăp ta nây.

Nau Hôr 25:8

Lơi ir ndal ƀư nau phat dôih, Klach lah phung chiau meng may ƀư ma may bêk prêng Pôri nglĕ dŭt mâu hôm gĭt moh may mra ƀư.

Nau Hôr 26:17

Nơm ji nuih ma nau tâm djrel mâu tât ôh ma păng Tâm ban ma bunuyh kuăn tôr so nchuăt nsong.

Nau Hôr 3:30

Lơi dĭng tâm pĭt ôh đah bu, Tơlah bunuyh nây mâu geh ôh nau ƀư mhĭk ma may.

Êsêkiêl 28:5

Yor nau gĭt mĭn tâm nau tăch drăp, May hŏ n'hao jêh nau ndrŏng may, Jêh ri nuih n'hâm may sưr yor nau ndrŏng may.’

Êsêkiêl 38:17

Kôranh Brah Yêhôva lah: ‘Mâu di kăl e Gâp hŏ dŏng oh mon Gâp jêng nơm mbơh lor Israel lah jêh? Tâm rnôk nây, âk năm rlau khân păng hŏ mbơh lor pô aơ Gâp mra ăn may tât tâm lơh đah phung ƀon lan Gâp.’

Êsêkiêl 38:2

“Hơi kon bunuyh, rle hom muh măt may mpeh ma Y-Gôk tâm bri Magôk jêng hađăch ma phung Rôs, phung Mêsek jêh ri phung Tubal mbơh lor tâm rdâng đah păng.

Êsêkiêl 38:5

Phung tahan Persi, phung Kus jêh ri phung Put mra gŭ ndrel khân păng, lĕ rngôch khân păng cheng khêl jêh ri ndô môk loih.

Daniel 11:12

Tơlah tâm lơh dơi jêh đah phung tahan nây, hađăch mpeh pa dâng geh nuih n'hâm sưr. Păng mra nkhĭt âk rbăn, âk rmưn phung rlăng ƀiălah păng mâu dơi ôh.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

Habakuk 2:5

N'hêl nanê̆, păng geh ndrănh mƀruh, Păng sưr jêh ri mâu geh ôh nau gŭ đăp mpăn. Nuih n'hâm ŭch kơnh păng pơk huy nâm bu ƀon phung khĭt, Nâm bu nau khĭt, păng mâu blau mpay ôh; Păng tâm rgum lĕ rngôch bri dak Jêh ri sŏk lĕ rngôch phung ƀon lan sĭt ma păng nơm.”

Nau Vay Nkah Tay 8:14

nôk nây nuih n'hâm khân may sưr rlau, chuêl hêng Yêhôva Brah Ndu jêng Nơm hŏ njŭn leo khân may luh bơh n'gor Êjipt, jêng bơh vâl dĭk bu.

Yakơ 1:9

Mbu oh nâu gŭ tâm ntŭk tâm dâng, tâm rnê hom ma ntŭk toyh lơn păng nơm.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

Phung Kôranh Phat Dôih 9:52

Y-Abimêlek rduh lơh, ŭch pit sŏk ngih gung. Ƀiălah dôl hăn tât ta mpông ngih gung gay su ma ŭnh,