II Phung Hađăch 13:7 - Nau Brah Ndu Ngơi 2023

⁷ Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

II Phung Hađăch 13:7 ပူးပေါင်းရင်းမြစ်များ

II Samuel 22:43

Gâp mbang hăch khân păng nâm bu neh muy, Ƀư nchah rai, jot khân păng nâm bŏk rŏ trong.

I Phung Hađăch 20:15

Y-Ahap kơp tay phung kôranh tâm phung kôranh bôk nkual, geh lĕ rngôch bar rhiăng pe jât ma bar nuyh. Jêh nau nây, hađăch kơp tay lĕ rngôch phung tahan Israel, geh pơh rbăn nuyh.

I Phung Hađăch 20:27

Phung ƀon lan Israel kơp đŏng phung tahan, ndrăp nkra ndơ sông sa, jêh ri hăn tâm lơh đah phung Aram. Phung Israel ƀư pôih panăp phung Aram. Khân păng nâm bu bar be phung ƀhôi dơm, ƀiălah phung Aram bêng lam n'gor bri.

II Phung Hađăch 10:32

Tâm rnôk nây, Brah Yêhôva ntơm koh n'hŭch n'har bri phung Israel. Y-Hasael dơi đah khân păng lam n'gor bri Israel,

II Phung Hađăch 13:8

Mâu di hĕ lĕ kan êng Y-Jôacha, lĕ rngôch nau kan păng hŏ ƀư, jêh ri nau ktang hađăch bu hŏ nchih da dê tâm ndrom samƀŭt nau rêh jêng ma phung hađăch Israel?

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

Nau Mprơ Ơm 18:42

Gâp ƀư lêk khân păng nâm bu neh muy mpăr tâm sial, Nkhŭt khân păng nâm bu neh bŏk rŏ trong.

Êsai 36:8

Pôri aƀaơ aơ, ƀư nau tâm nkol đah kôranh gâp jêng hađăch Asiri. Gâp mra ăn ma may bar rbăn mlâm seh, tơlah may joi tŏng rnoh phung tahan ncho seh gay ncho!

Êsai 41:2

Mbu nơm ƀư jêh du huê bunuyh luh tă bơh mpeh luh nar, Sŏk nau sŏng srăng kuăl bunuyh hăn tât jâng păng nơm? Păng jao lĕ bri dak tanăp păng, Ƀư ăn păng tŭn jot lĕ phung hađăch; Păng jao khân păng mpiăt đao păng tâm ban ma ndruyh neh, Jêh ri jao khân păng ma na păng tâm ban ma rhe sial khôm.

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Amôt 1:3

Brah Yêhôva lah: “Yor nau djơh mhĭk Damas ntop hôm ntop nau tih mhĭk Yor ri Gâp mâu rhuăt tay ôh nau tâm rmal ma păng. Yorlah păng sŏk jêh ndơ dŏng mbang ba ma loih Mbang Gilêat

Amôt 4:10

“Gâp njêng nau ji tưp tât ma khân may nâm bu tâm n'gor bri Êjipt. Gâp nkhĭt jêh phung bu klâu ndăm khân may ma đao Jêh ri seh khân may lĕ Gâp nhŭp jêh. Gâp hŏ ƀư nau ƀâu ôm tă bơh ntŭk khân may njơh, n'hôl tât ma trôm muh khân may. Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah pônây.

I Samuel 13:15

Lah lôch jêh, Y-Samuel dâk hăn, tă bơh Gilgal tât ta Gibêa tâm n'gor Benjamin, bi Y-Sôl kơp phung tahan gŭ ndrel ma păng, geh klăp lah prao rhiăng nuyh.