II Phung Hađăch 13:6 - Nau Brah Ndu Ngơi 2023

⁶ Ƀiălah, khân păng mâu chalơi ôh nau tih ngih Y-Jêrôbôam, jêng nau nsŭk phung Israel ƀư tih; khân păng ăt ƀư nau tih nây, kŏ tât n'gâng mbah brah bu ur Asêrah ăt gŭ tâm Samari.

II Phung Hađăch 13:6 ပူးပေါင်းရင်းမြစ်များ

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 15:3

Păng hăn tĭng trong nau tih mbơ̆ păng hŏ hăn. Păng mâu lĕ nuih n'hâm ôh ma Yêhôva Brah Ndu păng nâm bu Y-Đavit, chô yau păng.

I Phung Hađăch 16:26

Tâm lĕ rngôch nau, hađăch hăn tĭng ndô̆ trong Y-Jêrôbôam, kon bu klâu Y-Nêbat, ƀư tih nâm bu Y-Jêrôbôam hŏ ƀư tih, jêh ri tâm nau tih păng ƀư nsŭk jêh ma phung Israel, nsônh ăn Yêhôva Brah Ndu Israel ji nuih yor rup brah khân păng.

I Phung Hađăch 16:33

Y-Ahap ƀư đŏng du mlâm rup brah Asêra. Pônây, Y-Ahap ƀư âk nau mhĭk, nsônh nau ji nuih Yêhôva Brah Ndu phung Israel rmeh lơn ma phung hađăch Israel lor panăp păng.

II Phung Hađăch 10:29

Ƀiălah, Y-Jêhu mâu chalơi ôh nau tih Y-Jêrôbôam, kon bu klâu Y-Nêbat, jêng nau hŏ ƀư ma phung Israel ƀư tih. Y-Jêhu mâu ƀư rai ôh nau yơk mbah rup kon ndrôk mah ta Bêthel jêh ri ta ƀon Dan.

II Phung Hađăch 13:11

Păng ƀư nau mhĭk tanăp măt Brah Yêhôva, mâu chalơi ôh nau tih Y-Jêrôbôam, kon bu klâu Y-Nêbat, jêng nau nsŭk phung Israel ƀư tih; hađăch ăt hăn tĭng tâm nau tih nây.

II Phung Hađăch 13:2

Păng ƀư nau mhĭk tanăp măt Brah Yêhôva, hăn tĭng ndô̆ nau tih Y-Jêrôbôam kon bu klâu Y-Nêbat, jêng nau nsŭk phung Israel ƀư tih; păng mâu chalơi ôh bơh nau tih nây.

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 21:3

Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

Êsai 26:10

Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.