II Phung Hađăch 13:5 - Nau Brah Ndu Ngơi 2023

⁵ Brah Yêhôva ăn ma phung Israel du huê nơm sâm rklaih gay klaih khân păng du luh bơh ti phung Aram. Yor nây, phung ƀon lan Israel dơi gŭ rêh tâm ngih bok khân păng nâm bu saơm.

II Phung Hađăch 13:5 ပူးပေါင်းရင်းမြစ်များ

II Phung Hađăch 13:25

Y-Jôas, kon bu klâu Y-Jôacha, sŏk sĭt tay tă bơh ti Y-Ben-Hadat, kon bu klâu Y-Hasael, lĕ rngôch ƀon păng lĕ sŏk jêh tă bơh Y-Jôacha mbơ̆ păng tâm nau tâm lơh. Pe tơ̆ Y-Jôas dơi đah păng jêh ri plơ̆ sŏk sĭt tay ƀon phung Israel nây.

II Phung Hađăch 14:25

Păng nơm sŏk sĭt n'har bri n'gor Israel ntơm bơh n'har ƀon Hamat tât ma dak mƀŭt Arabah, tĭng nâm nau Yêhôva Brah Ndu Israel hŏ ngơi jêh ma trôm mbung oh mon Păng jêng nơm mbơh lor Y-Yôna, kon Y-Amitai, gŭ ta ƀon Gat-Hêpher.

II Phung Hađăch 14:27

Jêh ri Brah Yêhôva mâu mâp lah ôh Păng mra jut lơi amoh phung Israel bơh tâm dâng trôk, pôri Păng hŏ dŏng Y-Jêrôbôam, kon Y-Jôas, gay rklaih khân păng.

I Nau Rêh Jêng 11:2

Rnôk saơm, dôl Y-Sôl jêng hađăch, may yơh njŭn jêh phung Israel luh jêh ri lăp; jêh ri Yêhôva Brah Ndu may lah ma may pô aơ: ‘May mra rmăk biăp ma phung ƀon lan Gâp jêng phung Israel, jêng kôranh chiă uănh khân păng.’”

Nêhêmi 9:27

Yor ri, Kôranh Brah jao jêh khân păng tâm ti phung rlăng, jêh ri phung nây tŭn jot khân păng. Tâm nau rêh ni, khân păng kuăl dăn ma Kôranh Brah. Yorlah, nuih n'hâm ueh toyh, tă bơh trôk Kôranh Brah iăt Jêh ri ăn jêh phung sâm rklaih gay rklaih khân păng tă bơh ti phung rlăng ma khân păng.

Êsther 4:14

Tơlah ay gŭ rklăk tâm nôk aơ, nanê̆ phung Yuđa mra dơi geh nau kơl jêh ri nau tâm rklaih tă bơh ntŭk êng, ƀiălah ay jêh ri ngih mbơ̆ ay mra rai lôch lĕ. Ƀiălah mbu gĭt pô aơ yorlah mông kơt aơ ay dơi jêng hađăch bu ur lĕ?”

Nau Ngluh Êjipt 4:10

Y-Môis ngơi đah Brah Yêhôva: “Ơ! Kôranh Brah, bơh kăl e tât aƀaơ jêh ri nđâp ma nôk Kôranh Brah ngơi đah oh mon May, gâp jêng nơm mâu geh blau ngơi ueh, mbung mpiăt gâp ngơi khan.”

Êsai 19:20

Nĕ jêng nau mbên jêh ri nau mbơh ma Brah Yêhôva ma phung tahan tâm bri Êjipt. Dôl khân păng kuăl dăn ma Brah Yêhôva yor bu tŭn jot, Păng mra njuăl ma khân păng du huê nơm sâm rklaih tât gay king n'gang jêh ri rklaih khân păng.

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Nau Vay Nkah Tay 19:4

Aơ jêng nau nkra kơl ma nơm nkhĭt bunuyh du krap ta nây gay dơi rêh: Nơm nây mâu ndra ŭch khĭt nơm chiau meng păng ƀiălah bơh lor mâu mâp geh nau tâm rlăng đah păng ôh.

I Samuel 12:11

Brah Yêhôva prơh jêh Y-Jêrubaal, Y-Bêdan, Y-Jêptê, jêh ri Y-Samuel gay tâm rklaih khân may bơh ti phung rlăng gŭ jŭm khân may, jêh ri khân may dơi rêh đăp mpăn.

I Samuel 19:7

Nôk nây, Y-Jônathan kuăl Y-Đavit, nkoch lĕ nau nây ma păng, jêh nây leo Y-Đavit hăn văch dăch Y-Sôl, jêh ri Y-Đavit pah kan ma Y-Sôl nâm bu saơm.