II Phung Hađăch 13:4 - Nau Brah Ndu Ngơi 2023

⁴ Ƀiălah dôl Y-Jôacha vơh vơl nau ueh uĭn bơh Brah Yêhôva, Brah Yêhôva iăt păng, yorlah Păng lĕ saơ nau hađăch Aram tŭn jot phung Israel.

II Phung Hađăch 13:4 ပူးပေါင်းရင်းမြစ်များ

Nau Ntơm 21:17

Brah Ndu tăng bâr kon se nhĭm, tông mpăr Brah Ndu bơh klơ trôk kuăl H'Agar jêh ri lah: “H'Agar, moh geh nau ma ay? Lơi klach ôh! Yorlah Brah Ndu lĕ tăng jêh bâr kon se jê̆ nhĭm ta ntŭk păng gŭ nây.

Nau Ntơm 31:42

Tơlah Brah Ndu chô yau gâp, jêng Brah Ndu Y-Abraham, jêng Nơm Y-Isăk klach yơk, mâu kâp kơl gâp, nanê̆ ngăn aƀaơ may mprơh jêh gâp hăn sĭt bar đah ti dơm. Brah Ndu hŏ saơ jêh nau gâp knap jêh ri gâp hŏt rgănh, yor ri măng ndơh Păng hŏ phat dôih an jêh.”

II Phung Hađăch 13:22

Y-Hasael, hađăch Aram, tŭn jot phung Israel tâm bông Y-Jôacha chiă uănh.

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Phung Hađăch 14:26

Yorlah Brah Yêhôva saơ jêh nau rêh ni phung Israel jêng nđêh nji ngăn; mâu hôm om du huê nuyh, nđâp lah dĭk bu mâu lah nau kon me, kŏ mâu geh lĕ nơm kơl sâm rklaih phung Israel.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

Êsra 8:23

Pôri, hên ver ât sông sa jêh ri vơh vơl Brah Ndu nau nây jêh ri Păng tăng bâr hên vơh vơl.

Ndrom Samƀŭt bơh Yôp 22:27

May mra vơh vơl dăn ma Păng, Păng mra iăt may; Jêh ri may mra ƀư nanê̆ nau may nơm ton.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 78:34

Tơlah Brah Ndu nkhĭt khân păng, ri mơ khân păng kuăl ôp Păng; Khân păng plơ̆ tay jêh ri joi Brah Ndu ma lĕ nuih n'hâm.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Nau Kơp Bunuyh 21:7

Phung ƀon lan hăn tât ma Y-Môis jêh ri lah: “Hên lĕ ƀư tih jêh, yorlah hên ngơi sưr ma Brah Yêhôva jêh ri ma may. Dăn may mbơh sơm ma Brah Yêhôva gay ma Păng ƀư ăn bêh aơ nkhah ngai bơh hên.” Pôri Y-Môis mbơh sơm an ma phung ƀon lan.

Phung Kôranh Phat Dôih 10:10

Nôk nây, phung ƀon lan Israel vơl dăn ma Brah Yêhôva pô aơ: “Hên hŏ ƀư tih ngăn jêh đah Kôranh Brah, yorlah hên chalơi jêh Brah Ndu hên jêh ri pah kan rhŏ ma phung brah Baal.”