II Phung Hađăch 13:25 - Nau Brah Ndu Ngơi 2023

²⁵ Y-Jôas, kon bu klâu Y-Jôacha, sŏk sĭt tay tă bơh ti Y-Ben-Hadat, kon bu klâu Y-Hasael, lĕ rngôch ƀon păng lĕ sŏk jêh tă bơh Y-Jôacha mbơ̆ păng tâm nau tâm lơh. Pe tơ̆ Y-Jôas dơi đah păng jêh ri plơ̆ sŏk sĭt tay ƀon phung Israel nây.

II Phung Hađăch 13:25 ပူးပေါင်းရင်းမြစ်များ

I Phung Hađăch 20:29

Bar đah ƀư pôih tâm rđĭl pa tê̆ pa aơ tâm pơh nar. Tâm nar năng pơh, ntơm nau tâm lơh. Tâm du nar, phung ƀon lan Israel lơh nkhĭt du rsen nuyh tahan hăn jâng Aram.

II Phung Hađăch 10:32

Tâm rnôk nây, Brah Yêhôva ntơm koh n'hŭch n'har bri phung Israel. Y-Hasael dơi đah khân păng lam n'gor bri Israel,

II Phung Hađăch 10:33

pit sŏk n'gor neh mpeh luh nar dak krong Yurdan; jêng lam nkual Gilêat, neh phung ndŭl mpôl Gat, Ruben, jêh ri Manasê, ntơm bơh ƀon Arôer, ta kơh dak krong Arnôn, ma tât lĕ nkual Gilêat jêh ri Basan.

II Phung Hađăch 13:24

Tơlah hađăch Aram jêng Y-Hasael khĭt, jêh ri kon hađăch jêng Y-Ben-Hadat chiă uănh thoi păng.

II Phung Hađăch 13:3

Yor ri, Brah Yêhôva ji nuih ma phung Israel, Păng jao khân păng tâm ti Y-Hasael, hađăch Aram, jêh ri tâm ti Y-Ben-Hadat, kon bu klâu Y-Hasael, tâm rnôk rô̆ bar hê phung hađăch nây chiă uănh.

II Phung Hađăch 13:5

Brah Yêhôva ăn ma phung Israel du huê nơm sâm rklaih gay klaih khân păng du luh bơh ti phung Aram. Yor nây, phung ƀon lan Israel dơi gŭ rêh tâm ngih bok khân păng nâm bu saơm.

II Phung Hađăch 14:25

Păng nơm sŏk sĭt n'har bri n'gor Israel ntơm bơh n'har ƀon Hamat tât ma dak mƀŭt Arabah, tĭng nâm nau Yêhôva Brah Ndu Israel hŏ ngơi jêh ma trôm mbung oh mon Păng jêng nơm mbơh lor Y-Yôna, kon Y-Amitai, gŭ ta ƀon Gat-Hêpher.