II Phung Hađăch 13:23 - Nau Brah Ndu Ngơi 2023

²³ Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Phung Hađăch 13:23 ပူးပေါင်းရင်းမြစ်များ

Nau Ntơm 6:3

Brah Yêhôva lah: “Huêng Brah Gâp mâu mra gŭ mro ôh tâm kon bunuyh yorlah khân păng knŏng jêng nglay săk, nau rêh bunuyh mra hôm e du rhiăng bar jât năm dơm.”

I Phung Hađăch 8:28

Nđâp tơlah pônây, hơi Yêhôva jêng Brah Ndu gâp! Dăn May treng uănh ma nau mbơh sơm jêh ri nau vơl dăn oh mon May, dăn rkêng tôr iăt nau nter jêh ri nau oh mon May mbơh sơm nar aơ nhhơr tanăp măt May.

II Phung Hađăch 13:24

Tơlah hađăch Aram jêng Y-Hasael khĭt, jêh ri kon hađăch jêng Y-Ben-Hadat chiă uănh thoi păng.

II Phung Hađăch 13:4

Ƀiălah dôl Y-Jôacha vơh vơl nau ueh uĭn bơh Brah Yêhôva, Brah Yêhôva iăt păng, yorlah Păng lĕ saơ nau hađăch Aram tŭn jot phung Israel.

II Phung Hađăch 14:26

Yorlah Brah Yêhôva saơ jêh nau rêh ni phung Israel jêng nđêh nji ngăn; mâu hôm om du huê nuyh, nđâp lah dĭk bu mâu lah nau kon me, kŏ mâu geh lĕ nơm kơl sâm rklaih phung Israel.

II Phung Hađăch 14:27

Jêh ri Brah Yêhôva mâu mâp lah ôh Păng mra jut lơi amoh phung Israel bơh tâm dâng trôk, pôri Păng hŏ dŏng Y-Jêrôbôam, kon Y-Jôas, gay rklaih khân păng.

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 24:20

Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

Nau Mprơ Ơm 105:8

Păng kah gĭt ƀaƀơ ma nau Păng tâm rnglăp, Nau Păng ton prăp rbăn rnôk mâu dơi chuêl ôh;

Nau Mprơ Ơm 105:9

Jêng nau tâm rnglăp Păng ƀư jêh đah Y-Abraham, Ton jêh đah Y-Isăk,

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 51:11

Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Ngluh Êjipt 33:19

Brah Yêhôva lah: “Gâp mra ƀư nau dŭt ueh Gâp tanăp may; Gâp mra mbơh amoh Yêhôva tanăp măt may; Gâp mra ƀư nau ueh ma mbu nơm Gâp ŭch ƀư nau ueh jêh ri yô̆ nđach ma mbu nơm Gâp ŭch yô̆ nđach.”

Yêrêmi 12:15

Ƀiălah hŏ lôch jêh rôk khân păng, Gâp mra yô̆ nđach tay khân păng jêh ri djôt ăp bunuyh plơ̆ sĭt ma drăp ndơn jêh ri ƀon tơm khân păng.

Nau Nhĭm Vơl 3:32

Nđâp tơlah Păng ƀư nau rngot rvê, Păng hôm e yô̆ nđach Tĭng nuih n'hâm ueh Păng toyh ngăn;

Kan Lêvi 26:42

Gâp mra kah gĭt tay nau tâm rnglăp hŏ ƀư jêh đah Y-Yakôb, Gâp mra kah gĭt tay nau tâm rnglăp hŏ ƀư jêh đah Y-Isăk, tâm ban đŏng ma nau tâm rnglăp đah Y-Abraham, jêh ri Gâp mra kah gĭt tay ma n'gor aơ.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.