II Phung Hađăch 13:20 - Nau Brah Ndu Ngơi 2023

²⁰ Y-Êlisê khĭt jêh ri bu tâp păng. Tâm rnôk nây, âk phung tahan Môap vay lăp ntŭng phă n'gor tâm nôk bôk năm.

II Phung Hađăch 13:20 ပူးပေါင်းရင်းမြစ်များ

Nau Ntơm 48:1

Jêh nau nây, bu mbơh ma Y-Yôsep: “Mbơ̆ may ji.” Pôri Y-Yôsep leo bar hê kon bu klâu păng jêng Y-Manasê jêh ri Y-Êphraim hăn ndrel ma păng tât khâl Y-Yakôb.

Nau Ntơm 49:33

Lah Y-Yakôb lôch jêh ntĭnh ma phung kon păng, Y-Yakôb rhuăt jâng păng lâng tay klơ sưng bê̆ch, jêh nây tăch n'hâm, jêh ri hăn gŭ nsum ma chô yau păng.

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

II Phung Hađăch 3:5

Tơlah hađăch Ahap khĭt, hađăch Môap dâk tay tâm rdâng đah hađăch Israel.

II Phung Hađăch 3:7

Păng prơh đŏng phung mbơh hăn ma Y-Jôsaphat, hađăch Yuđa, pô aơ: “Hađăch Môap hŏ dâk tâm rdâng jêh đah gâp, may ŭch ndrel ma gâp hăn tâm lơh đah phung Môap lĕ?” Y-Jôsaphat plơ̆ lah: “Gâp mra hăn. Gâp jêng nâm bu may, phung ƀon lan gâp jêng nâm bu phung ƀon lan may, seh tâm lơh gâp jêng nâm bu seh tâm lơh may lĕ.”

II Phung Hađăch 5:2

Nôk nây, phung tahan phung Aram hăn luh jêh ri nhŭp du huê bu ur druh rah tă bơh n'gor Israel djôt leo sĭt ƀư oh mon bu ur ma ur Y-Naaman.

II Phung Hađăch 6:23

Pônây hađăch rep ndrăp ndơ sông sa toyh ăn ma khân păng. Tơlah khân păng sông sa nhêt lôch jêh, hađăch mƀơk khân păng plơ̆ sĭt ma kôranh khân păng nơm. Ntơm bơh nây phung tahan Aram mâu hôm hăn lơh ntŭng tâm n'gor Israel ôh.

II Nau Rêh Jêng 24:16

Khân păng tâp păng tâm ƀon Đavit ndrel ma phung hađăch, yorlah păng ƀư nau ueh tâm n'gor Israel tâm nau pah kan Brah Ndu jêh ri nkra tay ngih brah Păng.

Sakari 1:5

Hŏ, ta ntŭk phung chô yau khân may gŭ? Bi phung nơm mbơh lor khân păng geh nau rêh n'ho ro lĕ?

Kôranh Oh Mon 8:2

Phung klach yơk tâp Y-Êtiên jêh ri nhĭm nhhiăng rngot klâng ma păng âk ngăn.

Phung Kôranh Phat Dôih 3:12

Phung ƀon lan Israel ƀư đŏng nau mhĭk tanăp măt Brah Yêhôva rĭ dĭng Brah Yêhôva ăn Y-Êglon, hađăch Môap, jêng janh ktang gay tâm rdâng đah phung Israel yorlah khân păng ƀư nau mhĭk tanăp măt Brah Yêhôva.