II Phung Hađăch 13:18 - Nau Brah Ndu Ngơi 2023

¹⁸ Y-Êlisê lah đŏng: “Djôt hom lĕ hăr.” Păng djôt ro. Y-Êlisê lah tay đŏng ma hađăch Israel: “Dong hom ta neh ma hăr nây.” Y-Jôas dong pe tơ̆, jêh nây nsrŭng.

II Phung Hađăch 13:18 ပူးပေါင်းရင်းမြစ်များ

II Phung Hađăch 13:17

jêh ri: “Pơk hom mpông bloh mpeh luh nar.” Y-Jôas pơk mpông bloh. Y-Êlisê lah tay: “Pănh hom.” Hađăch pănh ro. Nôk nây, Y-Êlisê lah: “Nây jêng hăr ma nau dơi Brah Yêhôva, jêng hăr ma nau dơi đah phung tahan Aram; yorlah may mra tâm lơh đah phung tahan Aram tâm Aphek, kŏ tât may ƀư rai roh lĕ khân păng.”

II Phung Hađăch 13:19

Bunuyh Brah Ndu ji nuih ma hađăch jêh ri lah: “Tơlah hađăch hŏ dong prăm mâu lah prao tơ̆, ri mơ may dơi dong tahan Aram kŏ tât may ƀư ăn rai roh khân păng. Ƀiălah aƀaơ aơ, may mra dong bri Aram knŏng pe tơ̆ dơm.”

II Phung Hađăch 13:25

Y-Jôas, kon bu klâu Y-Jôacha, sŏk sĭt tay tă bơh ti Y-Ben-Hadat, kon bu klâu Y-Hasael, lĕ rngôch ƀon păng lĕ sŏk jêh tă bơh Y-Jôacha mbơ̆ păng tâm nau tâm lơh. Pe tơ̆ Y-Jôas dơi đah păng jêh ri plơ̆ sŏk sĭt tay ƀon phung Israel nây.

II Phung Hađăch 4:6

Tơlah lĕ rngôch yăng lĕ bêng dak ngi jêh, păng lah ma kon bu klâu păng: “Djôt ma gâp du yăng êng đŏng.” Ƀiălah păng plơ̆ lah: “Mâu hôm geh yăng êng ôh.” Dak ngi ôlive nây mâu hôm truh ôh.

Nau Ngluh Êjipt 17:11

Ăp tơ̆ Y-Môis yơr ti, phung tahan Israel dơi; ƀiălah dôl păng mƀơk ti păng phung tahan Amalek dơi.