II Phung Hađăch 12:9 - Nau Brah Ndu Ngơi 2023

⁹ Kôranh ƀư brah Y-Jêhôida sŏk du mlâm hip, lôk trôm ta klơ ndrŭp, jêh nây dơm ta meng nơng ƀư brah, mpeh pa ma ntŭk lăp ngih Brah Yêhôva. Phung kôranh ƀư brah gak mpông ngih brah djôt leo tâm hip nây da dê lĕ rngôch prăk bu leo nhhơr tâm ngih Brah Yêhôva.

II Phung Hađăch 12:9 ပူးပေါင်းရင်းမြစ်များ

II Phung Hađăch 12:8

Phung kôranh ƀư brah mâu hôm dơn rnoh prăk tă bơh phung ƀon lan đŏng ôh, jêh ri mâu đŏng khân păng pah nau kan nkra tay ngih brah.

II Phung Hađăch 22:4

“Hăn hao hom tâm mâp ma kôranh ƀư brah toyh lơn Y-Hilkia, jêh ri dăn ma păng kơp prăk bu nhhơr jêh ma ngih Brah Yêhôva, jêng prăk phung mât mray mpông ngih brah hŏ sŏk jêh tă bơh phung ƀon lan.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

II Phung Hađăch 25:18

Kôranh phung tahan gak nhŭp kôranh ƀư brah toyh lơn Y-Sêraya, kôranh ƀư brah groi Y-Sêphania, jêh ri pe bunuyh mât chiă mpông ngih brah;

I Nau Rêh Jêng 15:18

ndrel ma khân păng, geh phung oh nâu khân păng jêng Y-Sakari, Y-Ben, Y-Jasiêl, Y-Sêmiramôt, Y-Jêhiêl, Y-Uni, Y-Êliap, Y-Bênaya, Y-Maseya, Y-Matithia, Y-Êliphêlêhu, Y-Mikneya, jêh ri phung mât njrăng mpông pêr Y-Ôbet-Êđôm jêh ri Y-Jêiêl.

I Nau Rêh Jêng 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, jêh ri Y-Êliêser jêng phung kôranh ƀư brah mra uh nŭng tanăp Hip Nau Tâm Rnglăp Brah Ndu; Bi Y-Ôbet-Êđôm jêh ri Y-Jêhia tâm ban đŏng jêng phung mât njrăng mpông pêr ma Hip Nau Tâm Rnglăp.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Yêrêmi 35:4

lăp tâm Brah ngih Yêhôva. Gâp njŭn leo khân păng lăp tâm jrô phung kon bu klâu Y-Hanan, kon bu klâu Y-Igdalia, bunuyh Brah Ndu, gŭ êp jrô phung kôranh, ta klơ jrô Y-Maseya, kon bu klâu Y-Salum, jêng nơm chiă njrăng mpông.

Yêrêmi 52:24

Kôranh phung tahan gak nhŭp Y-Sêraya, kôranh ƀư brah toyh, jêh ri Y-Sêphania, groi kôranh ƀư brah, ndrel ma pe bunuyh mât chiă mpông ngih brah.

Markôs 12:41

Brah Yêsu gŭ tâm tra năp hip prăk nhhơr, jêh ri sek uănh phung ƀon lan nôk khân păng nhhơr prăk tâm hip nây.

Luka 21:1

Brah Yêsu n'gơr măt uănh, saơ phung ndrŏng dơm prăk khân păng nhhơr tâm thŭng prăk nhhơr.