II Phung Hađăch 12:21 - Nau Brah Ndu Ngơi 2023

²¹ Bar hê phung oh mon hŏ lơh nkhĭt hađăch jêng Y-Jôsaƀat, kon Y-Simêat, jêh ri Y-Jêhôsaƀat, kon Y-Sômer. Bu tâp păng ndrel ma phung chô yau păng tâm ƀon Đavit. Jêh nây kon hađăch jêng Y-Amasia ntơm chiă uănh thoi ntrok păng.

II Phung Hađăch 12:21 ပူးပေါင်းရင်းမြစ်များ

II Samuel 5:9

Y-Đavit gŭ ta pôih nây, jêh ri ntơ amoh ƀon Đavit. Hađăch ƀư mpêr gŭ văr jŭm ntơm bơh Milô plơ̆ lăp mpeh tâm trôm.

I Phung Hađăch 15:27

Y-Baêsa, kon bu klâu Y-Ahija, jêng noi deh Isakar, tâm chră nau tâm rdâng ma hađăch. Tâm dôl Y-Nadap jêh ri lĕ rngôch phung Israel nchueng jêh Gibêthôn, jêng phung Philistin, pôri Y-Baêsa nkhĭt lơi hađăch ta nây.

II Phung Hađăch 10:9

Tât ang ôi, Y-Jêhu hăn luh, gŭ nsrâng lah ma lĕ rngôch phung ƀon lan: “Khân may jêng sŏng ngăn! Ri, gâp nơm chră nau tâm rdâng jêh ri nkhĭt lơi kôranh gâp. Ƀiălah mbu nkhĭt lĕ rngôch phung aơ?

II Phung Hađăch 13:1

Năm rơh bar jât ma pe rnôk rô̆ Y-Jôas chiă uănh kon bu klâu Y-Ahasia, hađăch Yuđa, pôri Y-Jôacha, kon bu klâu Y-Jêhu, ntơm ƀư hađăch Israel ta Samari, jêh ri păng chiă uănh jât ma pơh năm.

II Phung Hađăch 14:1

Tâm năm rơh bar rnôk rô̆ Y-Jôas chiă uănh kon bu klâu Y-Jôahas, hađăch Israel, geh Y-Amasia, kon bu klâu Y-Jôas, hađăch Yuđa, ntơm gŭ ta sưng hađăch.

II Phung Hađăch 14:19

Ta ƀon Yêrusalem, bu tâm nchră tâm rdâng đah hađăch, pôri păng nchuăt du tât ma Lakis. Ƀiălah khân păng prơh bunuyh hăn tĭng hađăch tât ta ƀon Lakis jêh ri nkhĭt hađăch ta nây.

II Phung Hađăch 14:5

Tơlah hađăch kuăn nâp jêh ƀon bri hađăch tâm ti, păng nkhĭt lơi phung oh mon păng jêng phung hŏ nkhĭt jêh mbơ̆ păng.

II Phung Hađăch 15:10

Y-Salum, kon bu klâu Y-Jabes, nchră nau tâm rdâng đah hađăch. Păng rduh lơh hađăch tanăp măt phung ƀon lan, jêh nây nkhĭt hađăch jêh ri pit sŏk sưng hađăch.

II Phung Hađăch 9:14

Pônây yơh, Y-Jêhu kon Y-Jôsaphat, sau Y-Nimsi, tâm chră rdâng đah Y-Jôram. Nôk nây, Y-Jôram jêh ri lĕ rngôch tahan Israel gŭ king n'gang Ramôt-Gilêat tâm rdâng đah Y-Hasael, hađăch Aram.

II Phung Hađăch 9:27

Tơlah Y-Ahasia, hađăch Yuđa, saơ nau nây, păng nchuăt du rlet ma mpeh ƀon Bet-Hagan. Ƀiălah Y-Jêhu hăn tĭng jêh ri ntăm: “Lơh nkhĭt hom păng dôl gŭ ta klơ ndeh seh, ta sop Gur, dăch ƀon Iblêam!” Y-Ahasia sôt jêh ri nchuăt du tât ta Mêgidô, jêh ri khĭt ta nây.

II Nau Rêh Jêng 24:25

Tơlah phung tahan Aram hŏ plơ̆ rŭch jêh, chalơi êng Y-Jôas gŭ păm rmanh jru. Phung oh mon păng tâm nchră ndrel tâm rdâng đah păng yorlah rnon mham kon bu klâu kôranh ƀư brah Y-Jêhôida. Khân păng nkhĭt păng ta klơ sưng bê̆ch. Bu tâp păng tâm ƀon Đavit, ƀiălah mâu di tâm môch ma phung hađăch ôh.