II Phung Hađăch 12:18 - Nau Brah Ndu Ngơi 2023

¹⁸ Y-Jôas, hađăch Yuđa, sŏk lĕ rngôch ndơ kloh ueh phung hađăch Yuđa jêng Y-Jôsaphat, Y-Jôram jêh ri Y-Ahasia hŏ prăp êng ma nau kloh ueh, ndrel ma lĕ rngôch ndơ kloh ueh jêng ndơ hađăch nơm hŏ nhhơr jêh, jêh ri lĕ rngôch mah tâm jay ngih Brah Yêhôva jêh ri tâm ngih hađăch gay djôt leo chê̆ lĕ ndơ nây ma Y-Hasael, hađăch Aram. Yor ri, Y-Hasael du ngai bơh Yêrusalem.

II Phung Hađăch 12:18 ပူးပေါင်းရင်းမြစ်များ

I Phung Hađăch 14:26

Y-Sisăk sŏk lĕ ndô ndơ khlay tâm ngih Brah Yêhôva jêh ri bơh ngih hađăch, sŏk pit đŏng lĕ rngôch khêl mah Y-Salômôn hŏ ƀư.

I Phung Hađăch 15:18

Nôk nây, Y-Asa sŏk lĕ rngôch prăk jêh ri mah hôm e tâm jay ngih Brah Yêhôva jêh ri tâm jay ngih hađăch, jao lĕ rngôch ăn ma phung oh mon păng, jêh nây prơh khân păng hăn mâp đah Y-Ben-Hadat, kon bu klâu Y-Tarimmôn, sau Y-Hêsiôn, hađăch Aram gŭ ta ƀon Damas, lah pô aơ:

II Phung Hađăch 12:19

Mâu di hĕ lĕ kan êng bơh Y-Jôas jêh ri lĕ rngôch kan păng ƀư, bu hŏ nchih da dê tâm ndrom samƀŭt nau rêh jêng ma phung hađăch Yuđa?

II Phung Hađăch 12:4

Y-Jôas lah ma phung kôranh ƀư brah pô aơ: “Lĕ rngôch prăk bu djôt ƀư ndơ ƀư brah kloh ueh ma ngih Brah Yêhôva, jêng rnoh prăk chuai nau rêh ma ăp nơm chê̆ pi tĭng nâm nau vay nal nôk bu kơp rnoh bunuyh, jêh ri prăk phung ƀon lan nhhơr tâm ngih Brah Yêhôva ma nuih n'hâm lŏng;

II Phung Hađăch 14:14

Hađăch sŏk lĕ rngôch mah, prăk, jêh ri lĕ rngôch ndơ dŏng joi saơ jêh tâm ngih Brah Yêhôva, jêh ri tâm lĕ jay prăp drăp khlay tâm ngih hađăch. Hađăch tâm ban lĕ nhŭp đŏng âk bu nă, jêh nây plơ̆ sĭt ma ƀon Samari.

II Phung Hađăch 16:8

Y-Ahas sŏk mah jêh ri prăk tâm ngih Brah Yêhôva jêh ri tâm lĕ jay prăp drăp khlay ngih hađăch njuăl jêng ndơ nhhơr ma hađăch Asiri.

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

II Nau Rêh Jêng 16:2

Dôl nây, Y-Asa sŏk prăk jêh ri mah tă tâm jay ngih Brah Yêhôva jêh ri tâm jay ngih hađăch njuăl tât ma Y-Ben-Hadat, hađăch Aram gŭ ta ƀon Damas, jêh ri lah pô aơ:

II Nau Rêh Jêng 24:17

Lah Y-Jêhôida hŏ khĭt jêh, phung kôranh Yuđa văch tâm mâp đah hađăch. Bơh nĕ, hađăch iăt tĭng nau khân păng,

Yôel 3:5

Yorlah khân may hŏ sŏk pit jêh prăk mah Gâp, jêh ri djôt lĕ drăp khlay Gâp lăp tâm lĕ jay rhŏ brah khân may;