II Phung Hađăch 12:16 - Nau Brah Ndu Ngơi 2023

¹⁶ Bi rnoh prăk ma ndơ ƀư brah chuai nau tih jêh ri ndơ ƀư brah chuai nau tih nây mâu dơi leo ôh lăp tâm ngih Brah Yêhôva; rnoh prăk nây jêng ndơ ma phung kôranh ƀư brah.

II Phung Hađăch 12:16 ပူးပေါင်းရင်းမြစ်များ

Nêhêmi 13:13

Gâp dơm ăn kôranh ƀư brah Y-Sêlêmia, kôranh nchih samƀŭt Y-Sadôk, jêh ri du huê bunuyh tâm noi deh Lêvi, amoh Y-Pêdaya mât uănh lĕ ntŭk prăp drăp khlay ndrel ma nau kâp kơl bơh Y-Hanan, kon bu klâu Y-Sakur, sau Y-Matania, yorlah bu kơp khân păng jêng răp jăp. Nau kan khân păng jêng tâm pă lĕ ndơ nhhơr ăn ma phung oh nâu khân păng.

Ndrom Samƀŭt bơh Ôsê 4:8

Khân păng rêh bơh nau tih phung ƀon lan Gâp; Kơnh rŏng dôl phung ƀon lan Gâp ƀư tih.

Kan Lêvi 4:24

Păng mra pah ti ta klơ bôk be nkuăng nây, jêh nây nkhĭt păng tanăp Brah Yêhôva, ta ntŭk vay nkhĭt ăp mpa ƀư ndơ ƀư brah gŭch. Nĕ jêng ndơ ƀư brah chuai nau tih.

Kan Lêvi 4:29

Păng mra pah ti ta klơ bôk mpa ƀư brah chuai nau tih jêh nây nkhĭt mpa nây tâm ntŭk bu vay nkhĭt lĕ mpa ƀư ndơ ƀư brah gŭch.

Kan Lêvi 7:7

Ndơ ƀư brah chuai nau ƀư tih tâm ban ma mpa ƀư brah chuai nau tih, lĕ bar geh du nau vay da dê. Mbu nơm kôranh ƀư brah nhhơr mpa ƀư brah chuai nau tih, mpa ƀư brah nây jêng ndơ păng.

Nau Kơp Bunuyh 18:19

Lĕ rngôch ndơ nhhơr kloh ueh phung ƀon lan Israel nhhơr ma Brah Yêhôva, Gâp ăn ma may, ma phung kon bu klâu may jêh ri phung kon bu ur may nâm du nau vay n'ho ro. Nĕ jêng du nau tâm rnglăp ma boh n'ho ro tanăp Brah Yêhôva prăp ma may jêh ri noi deh may.”