II Phung Hađăch 11:4 - Nau Brah Ndu Ngơi 2023

⁴ Tâm năm rơh pơh, Y-Jêhôida prơh bu hăn njŭn leo phung kôranh du rhiăng bunuyh tahan tâm phung tahan Karit jêh ri phung tahan gak văch tât ma păng tâm ngih Brah Yêhôva. Păng ƀư nau tâm rnglăp đah khân păng, nchâp khân păng sơm ton tâm ngih Brah Yêhôva jêh ri păng nchŏng kon bu klâu hađăch ma khân păng.

II Phung Hađăch 11:4 ပူးပေါင်းရင်းမြစ်များ

Nau Ntơm 50:25

Y-Yôsep đă phung kon sau Israel ton, lah: “Lah Brah Ndu khâl khân may, ăn khân may mra rdeng nting gâp luh bơh n'gor aơ.”

II Samuel 20:23

Rnôk nây taơ, Y-Jôap jêng kôranh toyh ma lĕ rngôch phung tahan Israel; Y-Bênaya, kon bu klâu Y-Jêhôida, jêng kôranh chiă uănh ma phung Chêrêthit jêh ri phung Pêlêthit;

II Samuel 8:18

Y-Bênaya, kon Y-Jêhôida, jêng kôranh chiă uănh ma phung Chêrêthit jêh ri phung Pêlêthit; hôm phung kon bu klâu Y-Đavit jêng kôranh ƀư brah.

I Phung Hađăch 14:27

Hađăch Rôbôam ntrŭnh ƀư lĕ khêl kông ntrok lĕ khêl nây jêh ri jao lĕ ndơ nây ma phung kôranh tahan gak ngih hađăch.

I Phung Hađăch 18:10

Gâp ton tâm amoh Yêhôva Brah Ndu may gŭ rêh mro mrăng, kôranh gâp đă lĕ rngôch ƀon lan, lĕ bri dak hăn gay joi may. Jêh ri tơlah bu plơ̆ lah pô aơ: ‘Y-Êli mâu geh ta nây ôh,’ pôri hađăch ăn ƀon bri hađăch nây jêh ri ƀon lan nây ton săk khân păng mâu prot geh tâm mâp ôh đah may.

II Phung Hađăch 11:17

Y-Jêhôida ƀư nau tâm rnglăp Brah Yêhôva đah hađăch jêh ri đah phung ƀon lan, gay gĭt năl khân păng mra jêng phung ƀon lan ma Brah Yêhôva. Păng ƀư đŏng nau tâm rnglăp ndrăng păng đah phung ƀon lan.

II Phung Hađăch 11:19

Păng djôt phung kôranh ma du rhiăng bunuyh tahan, phung tahan Karit, phung tahan gak jêh ri lĕ rngôch phung ƀon lan tâm n'gor bri. Khân păng njŭn leo hađăch trŭnh tă bơh ngih Brah Yêhôva, hăn rgăn mpông pêr phung tahan gak gay hăn lăp ma ngih hađăch. Jêh nây Y-Jôas gŭ ta sưng hađăch.

II Phung Hađăch 11:3

Y-Jôas gŭ krap ndrel ma H'Jôsêba tâm ngih Brah Yêhôva tâm prao năm, tâm nôk H'Athali chiă uănh tâm n'gor.

II Phung Hađăch 11:9

Phung kôranh ma du rhiăng bunuyh tahan ƀư tĭng nâm nau ntăm kôranh ƀư brah Y-Jêhôida. Ăp nơm njŭn leo phung tahan păng, geh phung tât nau dăp pah kan tâm ban đŏng phung lôch jêh tât nau dăp pah kan nar saƀat, văch tât ma kôranh ƀư brah Y-Jêhôida.

II Phung Hađăch 12:7

Yor nây, hađăch Jôas kuăl kôranh ƀư brah Y-Jêhôida jêh ri phung kôranh ƀư brah êng văch tât, jêh ri ôp: “Mâm khân may mâu ŭch nkra tay lĕ ntŭk bluh sat ngih brah? Pôri aƀaơ, khân may lơi hôm dơn prăk tă bơh phung khân may nhhơr đŏng ôh, ƀiălah jao hom rnoh prăk nây ma phung geh nau kan nkra tay ngih brah.”

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

I Nau Rêh Jêng 9:13

Jêh ri ndŭl mpôl khân păng geh du rbăn pơh rhiăng prao jât nuyh, kôranh ma ndŭl deh khân păng, geh nau blau ngăn prăp ma kan tâm ngih Brah Ndu.

II Nau Rêh Jêng 15:12

Khân păng ƀư nau tâm rnglăp gay joi Yêhôva Brah Ndu phung chô yau khân păng ma lĕ nuih n'hâm jêh ri ma lĕ nau mĭn.

II Nau Rêh Jêng 29:10

Aƀaơ, gâp geh nau tâm nal ƀư nau tâm rnglăp đah Yêhôva Brah Ndu phung Israel, gay nau ji nuih Păng du ngai bơh phung he.

Nêhêmi 10:29

tâm rnglăp ndrel phung oh nâu jêh ri phung ndrŏng khân păng gay sơm ton hăn tĭng tâm nau vay Brah Ndu hŏ ăn jêh ma Y-Môis, oh mon Păng, jêh ri djôt prăp, ƀư tĭng kơt lĕ rngôch nau vay ntăm, nau vay ƀư jêh ri nau vay dăp bơh Brah Yêhôva jêng Kôranh Brah hên.

Nêhêmi 5:12

Khân păng lah: “Hên mra mplơ̆ ndơ nây jêh ri mâu hôm dăn du ntil ndơ ôh tă bơh khân păng. Hên mra ƀư di tĭng nâm may lah jêh.” Gâp kuăl đŏng phung kôranh ƀư brah jêh ri ăn khân păng sơm ton ƀư tĭng nâm nau ton nây.

Nêhêmi 9:38

Yorlah lĕ nau hŏ tât jêh, hên ntrâng nchih du nau tâm rnglăp nanê̆ ngăn nây, jêh ri phung kôranh chiă uănh, phung Lêvi jêh ri phung kôranh ƀư brah hên tâp pŏng samƀŭt nây.”

Kôranh Oh Mon 5:24

Kôranh chiă uănh ngih brah jêh ri phung kôranh ƀư brah toyh tăng lĕ nau ngơi nây, geh nau uh ah ma phung oh mon jêh ri mâu gĭt nau nây mra tât mâm nau.

Kôranh Oh Mon 5:26

Kôranh mât uănh ngih brah ndrel ma phung kôranh hăn ro tât ta nây jêh ri nhŭp phung oh mon gay ma njŭn leo, ƀiălah mâu ƀư mhĭk ôh, yorlah khân păng klach ma phung ƀon lan klŭp khân păng ma lŭ.

Yôsuê 24:25

Pônây, tâm nar nây, Y-Yôsuê ƀư nau tâm rnglăp đah phung ƀon lan, ăn lĕ nau vay dăp jêh ri lĕ nau vay ƀư ma khân păng ta ƀon Sichem.

I Samuel 18:3

Y-Jônathan ƀư nau tâm rnglăp đah Y-Đavit, yorlah păng rŏng ma Y-Đavit nâm bu nau rêh păng nơm.

I Samuel 23:18

Bar hê khân păng ƀư nau tâm rnglăp tanăp Brah Yêhôva. Jêh nây Y-Đavit gŭ ta Hêres, bi Y-Jônathan plơ̆ sĭt ta ngih păng nơm.