II Phung Hađăch 11:12 - Nau Brah Ndu Ngơi 2023

¹² Y-Jêhôida njŭn leo kon bu klâu hađăch luh, ndô đon hađăch jêh ri ăn Nau Tâm Rnglăp ma păng. Khân păng tŏ dak ƀâu kah mbơh nau njêng hađăch ma kon bu klâu hađăch, jêh nây khân păng tap ti jêh ri nter lah: “Hađăch gŭ rêh n'ho ro!”

II Phung Hađăch 11:12 ပူးပေါင်းရင်းမြစ်များ

II Samuel 1:10

Pônây, gâp hăn văch dăch jêh ri nkhĭt păng, yorlah gâp gĭt păng mâu hôm rêh jêh nây păng lĕ cha lôt jêh. Jêh nau nây, gâp sŏk đon hađăch klơ bôk păng jêh ri kông ta ti păng gay djôt leo sĭt ma kôranh gâp ta aơ.”

II Samuel 12:30

Hađăch sŏk lơi đon hađăch ta klơ bôk hađăch phung Ammôn jêh ri ndô ta klơ bôk păng. Đon hađăch nây njing jâk klăp lah pe jât puăn kilô mah, geh ndop lŭ khlay. Y-Đavit leo ndô ndơ sŏk gro tă bơh ƀon nây âk ngăn ngên.

II Samuel 16:16

Tơlah Y-Husai, bunuyh Arkit, mĭt jiăng Y-Đavit, tât ta Y-Apsalôm, Y-Husai nter lah: “Hađăch mro mrăng! Hađăch mro mrăng!”

II Samuel 2:4

Phung Yuđa hăn tât ta nây jêh ri tŏ dak ƀâu kah ma Y-Đavit jêng hađăch ma ngih Yuđa. Bu mbơh ma Y-Đavit: “Phung ƀon lan ta ƀon Jabes Gilêat hŏ tâp jêh Y-Sôl.”

II Samuel 2:7

Ăn ti khân may jêng ktang, mpơl hom khân may jêng phung nanh janh; yorlah Y-Sôl, kôranh khân may lĕ khĭt jêh, ƀiălah ngih Yuđa hŏ tŏ dak ƀâu kah ta gâp ăn jêng hađăch ma khân păng.”

II Samuel 5:3

Pônây, lĕ rngôch phung bu ranh Israel văch gay tâm mâp đah hađăch ta Hêbron; hađăch Đavit ƀư nau tâm rnglăp ma khân păng tanăp Brah Yêhôva, jêh ri khân păng tŏ dak ƀâu kah ma Y-Đavit jêng hađăch ma lĕ n'gor Israel.

I Phung Hađăch 1:25

Yor nây, nar aơ, kon bu klâu hađăch hŏ hăn trŭnh nhhơr mpa ƀư brah jêh ma ndrôk, mpa lay, jêh ri biăp âk ngăn, jêh nây lĕ jă jêh lĕ rngôch phung kon bu klâu hađăch, phung kôranh lĭng tahan, jêh ri kôranh ƀư brah Y-Abiathar. Ri, khân păng sông sa nhêt tanăp măt Y-Adônija jêh ri nter lah: ‘Hađăch Adônija mro mrăng!’

I Phung Hađăch 1:34

Ta nây, kôranh ƀư brah Y-Sadôk jêh ri nơm mbơh lor Y-Nathan, tŏ dak ƀâu kah ma păng ƀư hađăch phung Israel. Khân may uh nŭng hom, jêh nây nter lah pô aơ:

I Phung Hađăch 1:39

Kôranh ƀư brah Y-Sadôk sŏk nke dơm dak ƀâu kah tă tâm Ngih Bok jêh ri tŏ ta Y-Salômôn. Khân păng uh nŭng, jêh nây lĕ rngôch phung ƀon lan nter lah: “Hađăch Salômôn mro mrăng!”

I Phung Hađăch 2:44

Hađăch ngơi tay ma Y-Simei: “May hŏ gĭt jêh ri nuih n'hâm may rah vah jêh lĕ nau djơh may hŏ ƀư ma Y-Đavit, mbơ̆ gâp. Pônây Brah Yêhôva mra ƀư ăn nau djơh may nkhŭt tay ta klơ bôk may.

II Phung Hađăch 11:11

Phung tahan gak, ăp nơm djôt da dê ndơ tâm lơh tâm ti dâk gŭ văr jŭm hađăch, njŏ tĭng nơng ƀư brah jêh ri ngih brah, ntơm bơh pa ma tât pa chiau ngih brah.

II Phung Hađăch 11:2

Ƀiălah H'Jôsêba, kon bu ur hađăch Jôram jêh ri jêng ruh Y-Ahasia, nhŭp rdu Y-Jôas, kon Y-Ahasia, tă bơh phung kon bu klâu hađăch, bu ŭch nkhĭt, jêh nây rdu pôn păng tâm jrô bê̆ch ndrel ma bunuyh sâm mpu. Pônây bu hŏ pôn Y-Jôas ndâp măt H'Athali, jêh ri bu mâu dơi nkhĭt ôh păng.

II Phung Hađăch 11:4

Tâm năm rơh pơh, Y-Jêhôida prơh bu hăn njŭn leo phung kôranh du rhiăng bunuyh tahan tâm phung tahan Karit jêh ri phung tahan gak văch tât ma păng tâm ngih Brah Yêhôva. Păng ƀư nau tâm rnglăp đah khân păng, nchâp khân păng sơm ton tâm ngih Brah Yêhôva jêh ri păng nchŏng kon bu klâu hađăch ma khân păng.

II Phung Hađăch 9:13

Ăp nơm sŏk ndal ao jâr păng nơm lăk tâm dâng jâng Y-Jêhu, ta klơ ntung gung. Jêh nây khân păng uh nŭng jêh ri mbơh pô aơ: “Y-Jêhu jêng hađăch!”

II Phung Hađăch 9:3

Nôk nây, may mra sŏk gri dak ƀâu kah, tŏ klơ bôk păng jêh ri lah: ‘Brah Yêhôva lah: Gâp tŏ dak ƀâu kah ma may ƀư hađăch Israel.’ Jêh nây pơk hom mpông bloh jêh ri nchuăt du ro, lơi gŭ jŏ ôh!”

II Nau Rêh Jêng 23:11

Păng njŭn leo kon bu klâu hađăch luh, ndô đon hađăch klơ bôk păng, jêh ri ăn samƀŭt Nau Tâm Rnglăp ma păng; jêh ri n'hao păng ƀư hađăch. Y-Jêhôida jêh ri phung kon bu klâu păng tŏ dak ƀâu kah ma Y-Jôas, jêh nây nter lah: “Hađăch gŭ rêh n'ho ro!”

Êsther 2:17

Hađăch rŏng kơnh ma H'Êsther âk lơn ma lĕ rngôch phung bu ur druh êng jêh ri păng geh nau yô̆ tanăp măt hađăch rlau lơn ma lĕ rngôch phung bu ur êng. Pôri hađăch ndô đon hađăch ta klơ bôk păng, njêng păng jêng hađăch bu ur ntrok ma H'Vasti.

Êsther 6:8

ăn păng nsoh ao hađăch, ao hađăch vay nsoh, ncho seh hađăch ncho, jêh ri geh đon hađăch ndô ta klơ bôk bunuyh nây.

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Mprơ Ơm 21:3

Yorlah Kôranh Brah sŏk nau ueh uĭn jêh ri vơt dơn păng; Ndô đon hađăch ta klơ bôk păng ma mah chrêk.

Nau Mprơ Ơm 21:4

Păng dăn ma Kôranh Brah ăn nau rêh, jêh ri Kôranh Brah ăn jêh ma păng, Kŏ tât ăn ma păng năm khay jŏ jong n'ho ro.

Nau Mprơ Ơm 47:1

Hơi lĕ rngôch ntil mpôl bunuyh, tap ti hom! Troh hom nau maak ma Brah Ndu.

Nau Mprơ Ơm 78:5

Păng njêng jêh nau ntĭnh ma Yakôb, Dơm du nau vay tâm phung Israel, Jêh ri ntrŭnh nau ntăm ma phung chô yau he Ntĭm nti tay hom ma phung kon sau khân păng;

Nau Mprơ Ơm 89:39

May ƀư rai jêh nau tâm rnglăp đah oh mon May; May ƀư ƀơ̆ đon hađăch păng tâm ndruyh neh.

Nau Mprơ Ơm 98:8

Ăn lĕ dak krong tap ti, Lĕ rngôch yôk mprơ maak ndrel tanăp Brah Yêhôva!

Nau Ngluh Êjipt 25:16

Ăn may dơm tâm trôm hip Nau Tâm Rnglăp Gâp mra ăn ma may.”

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Êsai 8:16

Kât nâp hom nau mbơh, nchăng prăp hom nau nti ta nklang phung oh mon Gâp!”

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Nau Nhĭm Vơl 4:20

Nơm dơn Brah Yêhôva tŏ dak ƀâu kah, nây jêng nau n'hâm nsôr hên, Hŏ geh dăk khân păng jêh; Nây jêng phung hên vay lah: “Nde tâm dâng n'hâm gui săk he mra gŭ rêh ta nklang lĕ bri dak.”

Daniel 3:9

Khân păng lah ma hađăch Nêbukatnetsar pô aơ: “Ơ hađăch, ăn may gŭ rêh n'ho ro!

Daniel 6:21

Y-Daniel plơ̆ lah ma hađăch: “Ăn nau ueh ma may gŭ rêh n'ho ro!

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

Mathay 27:29

tanh du mlâm đon hađăch ma lok jêh ri ndô ta bôk Păng, jêh nây dơm du tơm rpho tâm ti pa ma Păng. Khân păng chon mon tanăp Păng, mưch rmot pô aơ: “Mbah ma hađăch phung Yuđa!”

Kôranh Oh Mon 4:27

N'hêl nanê̆ ngăn, Hêrôt jêh ri Pôns Pilat ndrel ma phung bu năch jêh ri phung Israel hŏ rgum ndrel ta ƀon aơ, gay ma tâm rdâng đah Oh Mon kloh ueh May jêng Brah Yêsu, Nơm May hŏ tŏ dak ƀâu kah

II Kôrintô 1:21

Brah Ndu yơh, Nơm hŏ ƀư ma hên jêh ri khân may dơi nâp tâm Brah Krist, mhĭng dak ƀâu kah ma hên.

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”

ហេឞ្រើ 2:9

Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.

Nau Tâm Mpơl 19:12

Măt Păng nâm bu mpiăt ŭnh; ta bôk Păng geh âk đon hađăch, ta klơ geh nchih du amoh, mâu geh nơm gĭt ôh, knŏng Păng nơm.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 10:24

Y-Samuel ngơi đah lĕ rngôch ƀon lan: “Khân may saơ lĕ nơm Brah Yêhôva hŏ săch jêh? Tâm lĕ phung ƀon lan, mâu geh du huê nuyh nâm bu păng.” Lĕ rngôch phung ƀon lan nter lah: “Hađăch gŭ rêh n'ho ro!”

I Samuel 16:13

Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.