II Phung Hađăch 11:1 - Nau Brah Ndu Ngơi 2023

¹ Tơlah H'Athali, mê̆ Y-Ahasia, saơ kon păng lĕ khĭt jêh, păng dâk nkhĭt lĕ rngôch ngih hađăch.

II Phung Hađăch 11:1 ပူးပေါင်းရင်းမြစ်များ

Nau Ntơm 9:5

Nanê̆ Gâp mra sŏk tay mham ma nau rêh khân may. Gâp mra sŏk tay mham nĕ bơh lĕ rngôch mpô mpa jêh ri Gâp mra sŏk tay nau rêh bunuyh tă bơh băl păng, jêng tă bơh ti oh nâu păng.

Nau Ntơm 9:6

Mbu moh ƀư nkhŭt mham bunuyh, Mra geh bunuyh êng ƀư nkhŭt tay mham nơm nây; Yorlah Brah Ndu njêng bunuyh Tĭng nâm rup Păng nơm.

I Phung Hađăch 1:12

Aƀaơ aơ, gâp mra ntĭm leo ma ay du nau nchră gay rklaih nau rêh ay jêh ri nau rêh kon ay jêng Y-Salômôn.

I Phung Hađăch 2:44

Hađăch ngơi tay ma Y-Simei: “May hŏ gĭt jêh ri nuih n'hâm may rah vah jêh lĕ nau djơh may hŏ ƀư ma Y-Đavit, mbơ̆ gâp. Pônây Brah Yêhôva mra ƀư ăn nau djơh may nkhŭt tay ta klơ bôk may.

II Phung Hađăch 10:36

Tâm rnôk Y-Jêhu chiă uănh ma phung Israel ta Samari jêng bar jât ma pham năm.

II Phung Hađăch 10:7

Tơlah dơn samƀŭt nây, khân păng nhŭp ro jêh ri nkhĭt lơi pơh jât phung kon bu klâu Y-Ahap, jêh nây dơm bôk khân păng tâm lĕ bĭ jêh ri njuăl bôk nây ma Y-Jêhu ta ƀon Jesrêel.

II Phung Hađăch 12:1

Tâm năm rơh pơh rnôk rô̆ hađăch Jêhu chiă uănh, Y-Jôas ntơm jêng hađăch jêh ri chiă uănh puăn jât năm tâm ƀon Yêrusalem. Mê̆ păng amoh H'Sibia, ƀon tơm ta Bêr-Sêba.

II Phung Hađăch 25:25

Ƀiălah khay pơh, Y-Ismaêl, kon bu klâu Y-Nêthania, sau Y-Êlisama bơh noi deh hađăch, djôt leo ndrel jât bunuyh tât ta ƀon Mispa lơh nkhĭt Y-Gêdalia, ndrel ma phung Yuđa jêh ri phung Kaldê gŭ ndrel păng.

II Phung Hađăch 8:26

Y-Ahasia ntơm jêng hađăch nôk bar jât ma bar năm, jêh ri păng chiă uănh du năm tâm Yêrusalem. Mê̆ păng amoh jêng H'Athali, jêng sau bu ur Y-Ômri, hađăch Israel.

II Phung Hađăch 9:27

Tơlah Y-Ahasia, hađăch Yuđa, saơ nau nây, păng nchuăt du rlet ma mpeh ƀon Bet-Hagan. Ƀiălah Y-Jêhu hăn tĭng jêh ri ntăm: “Lơh nkhĭt hom păng dôl gŭ ta klơ ndeh seh, ta sop Gur, dăch ƀon Iblêam!” Y-Ahasia sôt jêh ri nchuăt du tât ta Mêgidô, jêh ri khĭt ta nây.

II Nau Rêh Jêng 24:7

Yorlah phung kon bu klâu H'Athali, bu ur janh ƀai nây, hŏ ƀư ƀơ̆ ngih Brah Ndu; khân păng dŏng tay lĕ ndơ kloh tâm ngih Brah Yêhôva ăn ma brah Baal.

Yêrêmi 41:1

Tâm khay pơh, Y-Ismaêl, kon bu klâu Y-Nêthania, sau Y-Êlisama, bơh noi deh hađăch, jêh ri jêng du kôranh toyh ma phung tahan hađăch, djôt leo jât nuyh bu klâu văch mâp ma Y-Gêdalia, kon bu klâu Y-Ahikam, ta ƀon Mispa. Dôl khân păng gŭ sông sa nhêt ndrel ta nây,

Mathay 2:13

Jêh phung njêh sĭt jêh, geh du huê tông mpăr Kôranh Brah mpơl tâm nau mbơi ma Y-Yôsep jêh ri lah ma păng pô aơ: “Dâk hom may, djôt kon se jê̆ jêh ri mê̆ Păng hăn du ndĕ ta Êjipt! May mra gŭ ta nây kŏ tât gâp ngơi ma may, yorlah hađăch Hêrôt mra joi kon se jê̆ nây gay nkhĭt.”

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Phung Kôranh Phat Dôih 9:5

Păng hăn tât ta ngih mbơ̆ păng ta Ôphra, nkhĭt phung oh nâu păng, tâm pơh jât nuyh phung kon bu klâu Y-Jêrubaal, ta klơ lŭ toyh. Knŏng du huê Y-Jôtham, kon mpŏt Y-Jêrubaal, hôm rêh, yorlah păng lĕ du krap jêh.