II Phung Hađăch 10:9 - Nau Brah Ndu Ngơi 2023

⁹ Tât ang ôi, Y-Jêhu hăn luh, gŭ nsrâng lah ma lĕ rngôch phung ƀon lan: “Khân may jêng sŏng ngăn! Ri, gâp nơm chră nau tâm rdâng jêh ri nkhĭt lơi kôranh gâp. Ƀiălah mbu nkhĭt lĕ rngôch phung aơ?

II Phung Hađăch 10:9 ပူးပေါင်းရင်းမြစ်များ

II Phung Hađăch 10:6

Y-Jêhu nchih đŏng samƀŭt rơh bar ma khân păng, păng nchih tâm samƀŭt: “Tơlah khân may gŭ mpeh ma gâp jêh ri ndrăp kâp tông gâp, ăn khân may koh trô ko sŏk bôk phung kon bu klâu kôranh khân may, jêh nây djôt leo ma gâp ta Jesrêel ta mông aơ.” Nôk nây, pơh jât phung kon hađăch dôl gŭ ndrel ma bunuyh lư n'găr tâm ƀon, jêng phung mât rong khân păng.

II Phung Hađăch 10:8

Tơlah nơm mbơh tât jêh ri mbơh ma Y-Jêhu pô aơ: “Khân păng djôt leo jêh bôk phung kon Y-Ahap văch tât jêh.” Păng lah: “Bun hom bôk nây jêng bar mbŭch ta ntŭk lăp mpông ƀon kŏ tât ôi.”

II Phung Hađăch 12:21

Bar hê phung oh mon hŏ lơh nkhĭt hađăch jêng Y-Jôsaƀat, kon Y-Simêat, jêh ri Y-Jêhôsaƀat, kon Y-Sômer. Bu tâp păng ndrel ma phung chô yau păng tâm ƀon Đavit. Jêh nây kon hađăch jêng Y-Amasia ntơm chiă uănh thoi ntrok păng.

Êsai 5:3

“Pôri aƀaơ aơ, ơ phung gŭ tâm ƀon Yêrusalem Jêh ri phung Yuđa! Nkra hom dôih Gâp Đah đang krăk ƀâu Gâp.

Ndrom Samƀŭt bơh Ôsê 1:4

Rnôk nây Brah Yêhôva lah ma păng: “Ntơ hom amoh păng jêng Y-Jesrêel, yorlah mâu hôm jŏ đŏng ôh Gâp mra tâm rmal ma ngih Y-Jêhu ma nau tih pling mham ta ntŭk Jesrêel, jêh ri mra ngroh lơi ƀon bri hađăch ngih Israel.

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”