II Phung Hađăch 10:7 - Nau Brah Ndu Ngơi 2023

⁷ Tơlah dơn samƀŭt nây, khân păng nhŭp ro jêh ri nkhĭt lơi pơh jât phung kon bu klâu Y-Ahap, jêh nây dơm bôk khân păng tâm lĕ bĭ jêh ri njuăl bôk nây ma Y-Jêhu ta ƀon Jesrêel.

II Phung Hađăch 10:7 ပူးပေါင်းရင်းမြစ်များ

I Phung Hađăch 21:19

Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

I Phung Hađăch 21:21

Yor ri, Păng lah: ‘Gâp mra ăn tât nau mhĭk ma may. Gâp mra pih kloh noi deh may, ƀư rai lĕ rngôch phung bu klâu ngih Y-Ahap, nđâp lah nơm ƀư dĭk mâu lah kon me tâm n'gor Israel.

II Phung Hađăch 10:6

Y-Jêhu nchih đŏng samƀŭt rơh bar ma khân păng, păng nchih tâm samƀŭt: “Tơlah khân may gŭ mpeh ma gâp jêh ri ndrăp kâp tông gâp, ăn khân may koh trô ko sŏk bôk phung kon bu klâu kôranh khân may, jêh nây djôt leo ma gâp ta Jesrêel ta mông aơ.” Nôk nây, pơh jât phung kon hađăch dôl gŭ ndrel ma bunuyh lư n'găr tâm ƀon, jêng phung mât rong khân păng.

II Phung Hađăch 10:8

Tơlah nơm mbơh tât jêh ri mbơh ma Y-Jêhu pô aơ: “Khân păng djôt leo jêh bôk phung kon Y-Ahap văch tât jêh.” Păng lah: “Bun hom bôk nây jêng bar mbŭch ta ntŭk lăp mpông ƀon kŏ tât ôi.”

II Phung Hađăch 10:9

Tât ang ôi, Y-Jêhu hăn luh, gŭ nsrâng lah ma lĕ rngôch phung ƀon lan: “Khân may jêng sŏng ngăn! Ri, gâp nơm chră nau tâm rdâng jêh ri nkhĭt lơi kôranh gâp. Ƀiălah mbu nkhĭt lĕ rngôch phung aơ?

II Phung Hađăch 11:1

Tơlah H'Athali, mê̆ Y-Ahasia, saơ kon păng lĕ khĭt jêh, păng dâk nkhĭt lĕ rngôch ngih hađăch.

II Nau Rêh Jêng 21:4

Tơlah Y-Jôram hao jêh klơ sưng hađăch chiă uănh thoi mbơ̆ păng jêh ri ƀư ktang nau dăng ma nau păng sŏk đao nkhĭt lĕ rngôch phung oh păng jêh ri phung ƀaƀă kôranh Israel.