II Phung Hađăch 10:6 - Nau Brah Ndu Ngơi 2023

⁶ Y-Jêhu nchih đŏng samƀŭt rơh bar ma khân păng, păng nchih tâm samƀŭt: “Tơlah khân may gŭ mpeh ma gâp jêh ri ndrăp kâp tông gâp, ăn khân may koh trô ko sŏk bôk phung kon bu klâu kôranh khân may, jêh nây djôt leo ma gâp ta Jesrêel ta mông aơ.” Nôk nây, pơh jât phung kon hađăch dôl gŭ ndrel ma bunuyh lư n'găr tâm ƀon, jêng phung mât rong khân păng.

II Phung Hađăch 10:6 ပူးပေါင်းရင်းမြစ်များ

II Phung Hađăch 10:5

Phung kôranh tahan mât uănh ƀon jêh ri ngih hađăch, ndrel ma phung bu ranh jêh ri phung nai nti phung kon bu klâu Y-Ahap, njuăl nơm hăn tât gay lah ma Y-Jêhu: “Hên jêng phung oh mon may, hên mra ƀư lĕ nau may ntĭnh. Hên mâu mra njêng du huê hađăch ôh. Ƀư hom tĭng nâm nau may mĭn di.”

II Phung Hađăch 10:7

Tơlah dơn samƀŭt nây, khân păng nhŭp ro jêh ri nkhĭt lơi pơh jât phung kon bu klâu Y-Ahap, jêh nây dơm bôk khân păng tâm lĕ bĭ jêh ri njuăl bôk nây ma Y-Jêhu ta ƀon Jesrêel.

II Phung Hađăch 10:9

Tât ang ôi, Y-Jêhu hăn luh, gŭ nsrâng lah ma lĕ rngôch phung ƀon lan: “Khân may jêng sŏng ngăn! Ri, gâp nơm chră nau tâm rdâng jêh ri nkhĭt lơi kôranh gâp. Ƀiălah mbu nkhĭt lĕ rngôch phung aơ?

II Phung Hađăch 9:32

Y-Jêhu n'gơr măt hao ma mpeh mpông bloh jêh ri ôp: “Mbu nơm gŭ mpeh ma gâp? Mbu moh?” Geh bar mâu lah pe kôranh bu char uănh ma păng.

Ndrom Samƀŭt bơh Yôp 21:19

Khân may lah: ‘Brah Ndu prăp nau djơh mhǐk khân păng ma phung kon khân păng mra dơn.’ Dăn May mplơ̆ nau nây ma khân păng nơm, gay khân păng gǐt.

Nau Kơp Bunuyh 25:4

Brah Yêhôva lah ma Y-Môis: “Nhŭp hom lĕ rngôch kôranh chiă uănh tâm phung ƀon lan, yông khân păng tanăp Brah Yêhôva, ta nklang duh nar gay ma nau Brah Yêhôva ji nuih dơi aih du bơh Israel.”

Mathay 12:30

Mbu nơm mâu gŭ ndrel ma Gâp jêng tâm rdâng đah Gâp; mbu nơm mâu tâm rnglăp đah Gâp jêng chah rai pru pra.

Luka 9:50

Ƀiălah Brah Yêsu lah ma păng: “Lơi buay păng ôh, yorlah mbu nơm mâu tâm rdâng đah khân may jêng gŭ đăp ma khân may.”

Nau Vay Nkah Tay 5:9

May mâu dơi chon mbah ôh tanăp lĕ rup nây mâu lah yơk mbah khân păng, yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât pe puăn rô̆ nuyh.