II Phung Hađăch 10:5 - Nau Brah Ndu Ngơi 2023

⁵ Phung kôranh tahan mât uănh ƀon jêh ri ngih hađăch, ndrel ma phung bu ranh jêh ri phung nai nti phung kon bu klâu Y-Ahap, njuăl nơm hăn tât gay lah ma Y-Jêhu: “Hên jêng phung oh mon may, hên mra ƀư lĕ nau may ntĭnh. Hên mâu mra njêng du huê hađăch ôh. Ƀư hom tĭng nâm nau may mĭn di.”

II Phung Hađăch 10:5 ပူးပေါင်းရင်းမြစ်များ

I Phung Hađăch 20:32

Pôri khân păng nsrôt ƀau ta gang bŭt khân păng jêh ri mpân rse brăt ta bôk, jêh nây hăn luh ran lăp ma hađăch Israel, jêh ri lah: “Oh mon may jêng Y-Ben-Hadat lah ma may pô aơ: ‘Dăn om ma gâp rêh.’ ” Y-Ahap lah: “Păng hôm e rêh lĕ? Păng jêng oh nâu gâp.”

I Phung Hađăch 20:4

Hađăch Israel plơ̆ lah: “Hơi hađăch jêng kôranh gâp, tĭng nâm nau may lah, gâp jêh ri lĕ rngôch ndơ gâp geh jêng ndơ may.”

II Phung Hađăch 10:6

Y-Jêhu nchih đŏng samƀŭt rơh bar ma khân păng, păng nchih tâm samƀŭt: “Tơlah khân may gŭ mpeh ma gâp jêh ri ndrăp kâp tông gâp, ăn khân may koh trô ko sŏk bôk phung kon bu klâu kôranh khân may, jêh nây djôt leo ma gâp ta Jesrêel ta mông aơ.” Nôk nây, pơh jât phung kon hađăch dôl gŭ ndrel ma bunuyh lư n'găr tâm ƀon, jêng phung mât rong khân păng.

II Phung Hađăch 18:14

Y-Hêsêkia, hađăch Yuđa, njuăl nơm mbơh hăn tât ta ƀon Lakis gay lah ma hađăch Asiri pô aơ: “Gâp ƀư tih jêh. Dăn ma may rŭch plơ̆ phung tahan may tă bơh gâp; moh ndơ may kêh ta gâp, gâp mra anh.” Hađăch Asiri nchâp ma Y-Hêsêkia, ăn hađăch Yuđa chê̆ sĭn rbăn kilô prăk, jêh ri sĭn rhiăng kilô mah.

Yêrêmi 27:17

Lơi ta iăt khân păng ôh. Pah kan hom ma hađăch Babilôn ri mơ khân may mra dơi rêh. Mâm ƀư ƀon toyh aơ mra jêng rngot njăp?

Nau Kơp Bunuyh 11:12

Gâp hĕ bă ntreo ma lĕ rngôch phung ƀon lan aơ? Gâp hĕ deh ma khân păng, May lah ma gâp: ‘Chông hom phung ƀon lan aơ ta ntang ntơh may nâm bunuyh sâm mpu chông kon se hôm e pu, kŏ tât nôk khân păng lăp tâm n'gor May hŏ sơm ton jêh gay ăn ma phung chô yau khân păng?’

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Yôsuê 9:11

Phung kôranh bu ranh hên jêh ri lĕ rngôch phung ƀon lan tâm bri hên lah jêh đah hên pô aơ: ‘Djôt leo hom ndơ sông sa prăp ma nau hăn nsong jêh ri hăn tâm mâp đah phung ƀon lan nây jêh ri lah pô aơ: “Hên jêng phung oh mon khân may; jêh ri aƀaơ ri, ƀư hom nau đăp mpăn đah hên.”’

Yôsuê 9:8

Ƀiălah khân păng lah ma Y-Yôsuê: “Hên jêng phung oh mon may.” Y-Yôsuê ôp: “Mbu nơm khân may jêng, jêh ri mbah ntŭk tă khân may văch?”