II Phung Hađăch 10:32 - Nau Brah Ndu Ngơi 2023

³² Tâm rnôk nây, Brah Yêhôva ntơm koh n'hŭch n'har bri phung Israel. Y-Hasael dơi đah khân păng lam n'gor bri Israel,

II Phung Hađăch 10:32 ပူးပေါင်းရင်းမြစ်များ

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

II Phung Hađăch 12:17

Tâm rnôk nây, hađăch Aram jêng Y-Hasael leo phung tahan rduh lơh đah ƀon Gat jêh ri dơi pit sŏk ƀon aơ. Hađăch plơ̆ rduh lơh đah ƀon Yêrusalem.

II Phung Hađăch 13:22

Y-Hasael, hađăch Aram, tŭn jot phung Israel tâm bông Y-Jôacha chiă uănh.

II Phung Hađăch 13:25

Y-Jôas, kon bu klâu Y-Jôacha, sŏk sĭt tay tă bơh ti Y-Ben-Hadat, kon bu klâu Y-Hasael, lĕ rngôch ƀon păng lĕ sŏk jêh tă bơh Y-Jôacha mbơ̆ păng tâm nau tâm lơh. Pe tơ̆ Y-Jôas dơi đah păng jêh ri plơ̆ sŏk sĭt tay ƀon phung Israel nây.

II Phung Hađăch 14:25

Păng nơm sŏk sĭt n'har bri n'gor Israel ntơm bơh n'har ƀon Hamat tât ma dak mƀŭt Arabah, tĭng nâm nau Yêhôva Brah Ndu Israel hŏ ngơi jêh ma trôm mbung oh mon Păng jêng nơm mbơh lor Y-Yôna, kon Y-Amitai, gŭ ta ƀon Gat-Hêpher.

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

Nau Mprơ Ơm 107:39

Tơlah rnoh khân păng n'hŭch jŭr jêh ri bu ƀư mhĭk Yor nau tŭn jot, nau rêh ni jêh ri nau rngot.