II Phung Hađăch 10:31 - Nau Brah Ndu Ngơi 2023

³¹ Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

II Phung Hađăch 10:31 ပူးပေါင်းရင်းမြစ်များ

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

II Phung Hađăch 10:29

Ƀiălah, Y-Jêhu mâu chalơi ôh nau tih Y-Jêrôbôam, kon bu klâu Y-Nêbat, jêng nau hŏ ƀư ma phung Israel ƀư tih. Y-Jêhu mâu ƀư rai ôh nau yơk mbah rup kon ndrôk mah ta Bêthel jêh ri ta ƀon Dan.

II Phung Hađăch 17:22

Phung ƀon lan Israel chuat tâm lĕ rngôch nau tih Y-Jêrôbôam ƀư jêh, mâu chalơi djê̆ ro. Khân păng mâu der ôh tă bơh nau nây

II Phung Hađăch 3:3

Nđâp tơlah pônây, hađăch ăt hôm djôt prăp nau tih Y-Jêrôbôam, kon bu klâu Y-Nêbat, jêng nau tih nsŭk phung Israel ƀư tih. Hađăch mâu ŭch chalơi ôh nau tih nây.

II Nau Rêh Jêng 6:16

Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

Nêhêmi 10:29

tâm rnglăp ndrel phung oh nâu jêh ri phung ndrŏng khân păng gay sơm ton hăn tĭng tâm nau vay Brah Ndu hŏ ăn jêh ma Y-Môis, oh mon Păng, jêh ri djôt prăp, ƀư tĭng kơt lĕ rngôch nau vay ntăm, nau vay ƀư jêh ri nau vay dăp bơh Brah Yêhôva jêng Kôranh Brah hên.

Nau Mprơ Ơm 119:9

Mâm bunuyh mom mra ƀư tâm trong păng nơm gay geh nau kloh? Ăn njrăng ƀư tĭng nau ngơi Kôranh Brah.

Nau Mprơ Ơm 39:1

Gâp lah pô aơ: “Gâp mra prăp lĕ trong gâp, Gay prăp mpiăt gâp mâu ƀư tih: Tơlah dôl phung mhĭk gŭ tanăp gâp, Gâp mra mêm lơi trôm mbung gâp.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Nau Hôr 4:23

Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Daniel 9:10

Hên mâu tông bâr ôh nau Yêhôva Brah Ndu hên, mâu gŭ ôh tâm nau vay May dŏng jêh phung oh mon May jêng phung nơm mbơh lor ntĭm nti ma hên.

Nau Vay Nkah Tay 4:15

“Ăn khân may njrăng nanê̆ jêh ri blau mât huêng khân may, yorlah khân may mâu saơ ôh rup tâm nar Yêhôva Brah Ndu ngơi ma khân may tă bơh ta nklang ŭnh ta Hôrep.

Nau Vay Nkah Tay 4:23

Njrăng hom lơi ta chuêl nau tâm rnglăp Yêhôva Brah Ndu khân may hŏ ƀư jêh đah khân may. Lơi ƀư ma khân may nơm du rup trah moh ntil mpa Yêhôva Brah Ndu hŏ buay jêh ma khân may.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

ហេឞ្រើ 2:1

Yor nây, ăn he rkêng tôr ueh lơn ma nau he tăng jêh, klach lah he mra roh nau nây.