II Phung Hađăch 10:30 - Nau Brah Ndu Ngơi 2023

³⁰ Brah Yêhôva lah ma Y-Jêhu: “Yorlah may ƀư ueh jêh tâm nau sŏng srăng tanăp măt Gâp, di nâm lĕ nau Gâp ŭch may ƀư ma ngih Y-Ahap, pôri phung kon sau may mra gŭ ta sưng hađăch Israel tât ta rnôk rơh puăn.”

II Phung Hađăch 10:30 ပူးပေါင်းရင်းမြစ်များ

I Phung Hađăch 20:42

Nơm mbơh lor lah: “Brah Yêhôva lah: ‘Yorlah may mƀơk lơi bơh ti may bunuyh Gâp lĕ dăp nal jêh ma nau ƀư rai lơi, pônây nau rêh may mra ntrok nau rêh păng jêh ri nau rêh phung ƀon lan may ntrok nau rêh phung ƀon lan păng.’”

I Phung Hađăch 21:22

Yorlah may hŏ nsônh nau ji nuih Gâp, nsŭk ma phung Israel ƀư tih, pôri Gâp mra ƀư ma ngih may nâm bu ngih Y-Jêrôbôam, kon bu klâu Y-Nêbat, jêh ri nâm bu ngih Y-Baêsa, kon bu klâu Y-Ahija.’

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

II Phung Hađăch 10:35

Y-Jêhu khĭt hăn gŭ ndrel ma phung chô yau păng, jêh ri bu tâp păng tâm ƀon Samari. Y-Jôacha, kon bu klâu păng, gŭ ta sưng hađăch chiă uănh thoi ntrok păng.

II Phung Hađăch 13:1

Năm rơh bar jât ma pe rnôk rô̆ Y-Jôas chiă uănh kon bu klâu Y-Ahasia, hađăch Yuđa, pôri Y-Jôacha, kon bu klâu Y-Jêhu, ntơm ƀư hađăch Israel ta Samari, jêh ri păng chiă uănh jât ma pơh năm.

II Phung Hađăch 13:10

Năm rơh pe jât ma pơh rnôk rô̆ Y-Jôas, hađăch Yuđa chiă uănh, geh Y-Jôas, kon bu klâu Y-Jôacha, ntơm ƀư hađăch Israel tâm Samari, jêh ri chiă uănh jât ma prao năm.

II Phung Hađăch 14:23

Tâm năm rơh jât ma prăm rnôk rô̆ Y-Amasia, kon Y-Jôas, hađăch Yuđa chiă uănh geh Y-Jêrôbôam, kon Y-Jôas, ntơm ƀư hađăch Israel ta ƀon Samari. Păng chiă uănh puăn jât ma puăn năm.

II Phung Hađăch 14:29

Y-Jêrôbôam khĭt hăn gŭ ndrel ma chô yau păng, jêng phung hađăch Israel. Kon hađăch jêng Y-Sakari, gŭ ta sưng hađăch chiă uănh thoi ntrok păng.

Ndrom Samƀŭt bơh Ôsê 1:4

Rnôk nây Brah Yêhôva lah ma păng: “Ntơ hom amoh păng jêng Y-Jesrêel, yorlah mâu hôm jŏ đŏng ôh Gâp mra tâm rmal ma ngih Y-Jêhu ma nau tih pling mham ta ntŭk Jesrêel, jêh ri mra ngroh lơi ƀon bri hađăch ngih Israel.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.