II Phung Hađăch 10:26 - Nau Brah Ndu Ngơi 2023

²⁶ ngluh lơi lĕ n'gâng mbah ngih brah Baal jêh ri su lơi păng.

II Phung Hađăch 10:26 ပူးပေါင်းရင်းမြစ်များ

II Samuel 5:21

Phung tahan Philistin chalơi lĕ rup brah khân păng ta nây, Y-Đavit jêh ri phung tĭng ndô̆ păng sŏk djôt leo ndơ nây.

I Phung Hađăch 14:23

Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

I Phung Hađăch 15:13

Hađăch n'glưh nsot mê̆ hađăch amoh H'Maka jêng hađăch bu ur, yorlah păng geh ndâk du mlâm rup brah Asêra, jêng Brah Yêhôva tâm rmot. Y-Asa ƀư rlâm lơi rup brah păng jêh ri su rup brah nây ta rlŭng Kidrôn.

I Phung Hađăch 16:32

Hađăch ndâk nơng ƀư brah ma brah Baal tâm ntŭk jây rhŏ brah Baal păng hŏ ndâk jêh ta Samari.

II Phung Hađăch 11:18

Jêh nây lĕ rngôch ƀon lan tâm n'gor văch tât jêh ri rơih lơi ngih brah Baal. Khân păng nchah lơi lĕ nơng ƀư brah jêh ri rup brah Baal jêng âk rngơl. Hôm Y-Matan, kôranh ƀư brah ma brah Baal, bu nkhĭt lơi khân păng. Jêh nau nây, kôranh ƀư brah dơm phung gak njrăng ngih Brah Yêhôva.

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 19:18

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ ma si jêh ri ma lŭ bơh ti kon bunuyh ƀư, pôri bu ƀư rai lơi khân păng.

II Phung Hađăch 23:12

Hađăch Jôsia ƀư rai lơi lĕ nơng ƀư brah phung hađăch Yuđa hŏ ƀư jêh ta klơ chor bôk phok jrô prêh klơ ma Y-Ahas. Bi lĕ nơng ƀư brah Y-Manasê ƀư jêh tâm bar nkual ngih Brah Yêhôva, păng ƀư rai lơi, mbang nchah lơi hăch rhên jêh ri mƀăr ndơ chah hăch môi nây tâm n'hor dak Kidrôn.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

II Phung Hađăch 3:2

Hađăch ƀư nau mhĭk tanăp măt Brah Yêhôva, ƀiălah mâu di ôh nâm bu mbơ̆ jêh ri mê̆ păng, yorlah hađăch hŏ mƀăr lơi meh lŭ mbah brah Baal, ndơ mbơ̆ păng hŏ ndâk jêh.

I Nau Rêh Jêng 14:12

Phung tahan Philistin chalơi lĕ rup brah khân păng ta nây jêh ri Y-Đavit ntĭnh ma bu su lơi rup brah nây.

II Nau Rêh Jêng 34:7

păng ƀư rlâm lĕ nơng ƀư brah jêh ri jot rchiăt tât môi lĕ rngôch rup brah Asêrim, rup brah trah, jêh ri rup tŏ chiăr, kăl nchôt lĕ rngôch nơng ƀư brah tâm lam bri Israel. Jêh ri păng plơ̆ sĭt ma ƀon Yêrusalem.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.