II Phung Hađăch 10:25 - Nau Brah Ndu Ngơi 2023

²⁵ Tơlah păng nhhơr ndơ ƀư brah gŭch lôch jêh, Y-Jêhu ntăm ma phung tahan gak jêh ri phung kôranh tahan: “Lăp nkhĭt hom khân păng, lơi ăn du huê klaih ôh!” Pôri phung tahan gak jêh ri phung kôranh tahan sŏk đao nkhĭt khân, mƀăr lơi săk jăn khân păng padih. Jêh nây khân păng hăn lăp tâm trôm jrô ngih brah Baal,

II Phung Hađăch 10:25 ပူးပေါင်းရင်းမြစ်များ

I Phung Hađăch 18:40

Y-Êli lah ma phung ƀon lan: “Nhŭp hom phung nơm mbơh lor Baal, lơi ăn du huê dơi klaih ôh.” Khân păng nhŭp ro khân păng. Y-Êli djôt leo khân păng tât ta n'hor dak Kisôn jêh ri nkhĭt lơi khân păng ta nây.

II Phung Hađăch 11:18

Jêh nây lĕ rngôch ƀon lan tâm n'gor văch tât jêh ri rơih lơi ngih brah Baal. Khân păng nchah lơi lĕ nơng ƀư brah jêh ri rup brah Baal jêng âk rngơl. Hôm Y-Matan, kôranh ƀư brah ma brah Baal, bu nkhĭt lơi khân păng. Jêh nau nây, kôranh ƀư brah dơm phung gak njrăng ngih Brah Yêhôva.

II Phung Hađăch 23:20

Hađăch nkhĭt lĕ rngôch phung kôranh ƀư brah ma lĕ ntŭk prêh klơ ta lĕ nơng ƀư brah, jêh ri gŭch nting khân păng ta klơ nây, jêh nây plơ̆ sĭt ma ƀon Yêrusalem.

Nau Ngluh Êjipt 22:20

Mbu nhhơr mpa ƀư brah ma lĕ rngôch brah êng mâu tăp ma Brah Yêhôva ôh ăn bu nkhĭt lơi păng.

Nau Ngluh Êjipt 32:27

Păng lah ma khân păng: “Yêhôva, Brah Ndu Israel, hŏ lah pô aơ ăp nơm tâm khân nơm cheng đao ta pŭng, hăn dâng lơ lam rmlak tahan, bơh mpông aơ tât mpông ri, jêh ri ăn ăp nơm nkhĭt oh nâu păng, băl păng, jêh ri nơm chiau meng păng.”

I Samuel 22:17

Hađăch lah ma phung tahan gak dâk jŭm păng: “Văch dăch hom jêh ri nkhĭt lơi lĕ rngôch phung kôranh ƀư brah Brah Yêhôva, yorlah khân păng kơl Y-Đavit, gĭt jêh păng lĕ du ƀiălah mâu ŭch mbơh ăn ma gâp gĭt.” Ƀiălah phung tahan gak hađăch mâu ŭch ôh yơr ti khân păng gay nkhĭt phung kôranh ƀư brah Brah Yêhôva.