II Phung Hađăch 10:19 - Nau Brah Ndu Ngơi 2023

¹⁹ Pôri aƀaơ, kuăl rgum hom ma gâp lĕ rngôch phung nơm mbơh lor brah Baal, lĕ rngôch phung rhŏ brah Baal jêh ri lĕ rngôch phung kôranh ƀư brah păng. Lơi ăn roh du huê, yorlah gâp mra nhhơr du nau ƀư brah toyh ma brah Baal. Mbu nơm mâu tât, mâu mra rêh ôh.” Ƀiălah, Y-Jêhu ƀư nau nây ma nau ndơm gay ƀư rai phung rhŏ ma brah Baal.

II Phung Hađăch 10:19 ပူးပေါင်းရင်းမြစ်များ

I Phung Hađăch 18:19

Pônây aƀaơ, may prơh hom bunuyh hăn kuăl rgum lĕ rngôch phung Israel tât ma gâp ta klơ yôk Karmel, ndrel ma puăn rhiăng prăm jât nuyh nơm mbơh lor Baal, jêh ri puăn rhiăng nuyh nơm mbơh lor Asêra, jêng phung sông sa ta sưng sông H'Jêsêbel.”

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

II Phung Hađăch 10:18

Y-Jêhu rgum lĕ rngôch phung ƀon lan jêh ri lah ma khân păng: “Y-Ahap pah kan ma brah Baal djê̆ dơm, Y-Jêhu mra pah kan ma păng âk lơn.

II Phung Hađăch 3:13

Y-Êlisê lah ma hađăch Israel: “Moh nau gâp geh đah may? Hăn ôp hom ma phung nơm mbơh lor mbơ̆ may jêh ri phung nơm mbơh lor mê̆ may.” Ƀiălah hađăch Israel plơ̆ lah: “Mâu ôh. Yorlah Brah Yêhôva yơh kuăl jêh pe nuyh hađăch hên văch gay jao ma ti phung Môap.”

Ndrom Samƀŭt bơh Yôp 13:7

Di lĕ yor Brah Ndu dĭng khân may ngơi nau djơh mhĭk? Mâu lah yor Păng dĭng khân may njêng nau ngơi ƀlêp ƀlêr?

Nau Hôr 29:5

Mbu nơm ngơi njĭp phung chiau meng, Jêng drăng nhuăl tâm dâng jâng păng nơm.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

I Têsalônik 2:3

Yorlah nau hên mbơh nkoch mâu geh ôh luh bơh nau vĭ, mâu đŏng geh nau mĭn djơh mhĭk gay ndơm mƀruh bu.