II Phung Hađăch 10:18 - Nau Brah Ndu Ngơi 2023

¹⁸ Y-Jêhu rgum lĕ rngôch phung ƀon lan jêh ri lah ma khân păng: “Y-Ahap pah kan ma brah Baal djê̆ dơm, Y-Jêhu mra pah kan ma păng âk lơn.

II Phung Hađăch 10:18 ပူးပေါင်းရင်းမြစ်များ

I Phung Hađăch 18:19

Pônây aƀaơ, may prơh hom bunuyh hăn kuăl rgum lĕ rngôch phung Israel tât ma gâp ta klơ yôk Karmel, ndrel ma puăn rhiăng prăm jât nuyh nơm mbơh lor Baal, jêh ri puăn rhiăng nuyh nơm mbơh lor Asêra, jêng phung sông sa ta sưng sông H'Jêsêbel.”

I Phung Hađăch 18:22

Nôk nây, Y-Êli ngơi ma phung ƀon lan: “Tâm phung nơm mbơh lor Brah Yêhôva, Gâp, knŏng du huê gâp, bi phung nơm mbơh lor brah Baal geh puăn rhiăng prăm jât bunuyh.

I Phung Hađăch 18:40

Y-Êli lah ma phung ƀon lan: “Nhŭp hom phung nơm mbơh lor Baal, lơi ăn du huê dơi klaih ôh.” Khân păng nhŭp ro khân păng. Y-Êli djôt leo khân păng tât ta n'hor dak Kisôn jêh ri nkhĭt lơi khân păng ta nây.

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 3:2

Hađăch ƀư nau mhĭk tanăp măt Brah Yêhôva, ƀiălah mâu di ôh nâm bu mbơ̆ jêh ri mê̆ păng, yorlah hađăch hŏ mƀăr lơi meh lŭ mbah brah Baal, ndơ mbơ̆ păng hŏ ndâk jêh.

Ndrom Samƀŭt bơh Yôp 13:7

Di lĕ yor Brah Ndu dĭng khân may ngơi nau djơh mhĭk? Mâu lah yor Păng dĭng khân may njêng nau ngơi ƀlêp ƀlêr?

Samƀŭt Pôl Njuăl Ăn Ma Phung Nsing Ta Ƀon Rôm 3:8

Pôri mâm ƀư he mâu “ƀư nau mhĭk gay geh nau ueh”? — tâm ban ma ƀaƀă bunuyh ngơi nchơt ma hên nti jêh nau nây — Khân păng geh nau phat dôih jêng di ngăn.

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.