II Phung Hađăch 10:16 - Nau Brah Ndu Ngơi 2023

¹⁶ Y-Jêhu lah: “Văch hom ndrel gâp jêh ri uănh nau gâp nsrôih nsram ma Brah Yêhôva.” Pôri khân păng hăn ndrel hao ncho klơ ndeh seh Y-Jêhu.

II Phung Hađăch 10:16 ပူးပေါင်းရင်းမြစ်များ

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:14

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, jêh ri sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

II Phung Hađăch 10:17

Tơlah hŏ tât ta Samari, Y-Jêhu nkhĭt lĕ rngôch phung hôm klen ma ngih Y-Ahap ta Samari, kŏ tât ƀư rai jêh ngih nây, di nâm nau Brah Yêhôva hŏ lah jêh ma Y-Êli.

II Phung Hađăch 10:31

Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

Nau Hôr 27:2

Ăn bu êng rnê ma may, Trôm mbung may lơi ƀư ôh nâm bu pônây; Ăn bunuyh padih rnê may, Mbung may lơi ôh rnê êng may nơm.

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Nau Kơp Bunuyh 23:4

Brah Ndu tâm mpơl ma Y-Balaam. Y-Balaam lah ma păng: “Gâp ndâk jêh pơh mlâm nơng ƀư brah jêh ri klơ ăp nơng ƀư brah, gâp hŏ nhhơr jêh du mlâm ndrôk nkuăng jêh ri du mlâm biăp nkuăng.”

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:5

Tơlah khân may mbơh sơm, lơi jêng ôh nâm bu phung bunuyh nuih n'hâm nklă; yorlah khân păng ŭch dâk mbơh sơm tâm ngih rƀŭn jêh ri ta meng trong gay ma bu saơ. Nanê̆, Gâp lah ma khân may, phung nây khân păng hŏ dơn jêh nau nkhôm ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 10:2

Gâp mbơh nkoch ma khân păng geh nau duh nđơr ma Brah Ndu, ƀiălah nau duh nđơr nây pưt nau gĭt rbăng.