II Phung Hađăch 10:15 - Nau Brah Ndu Ngơi 2023

¹⁵ Tơlah du luh tă bơh ntŭk nây, Y-Jêhu tâm mâp đah Y-Jêhônadap, kon Y-Rêkap, dôl văch chuă vơt ma păng. Y-Jêhu mbah ma Y-Jêhônadap jêh ri ôp: “Nuih n'hâm may jêng răp jăp ma gâp lĕ, nâm bu nuih n'hâm gâp răp jăp ma may?” Y-Jêhônadap plơ̆ lah: “Nanê̆ ngăn.” Y-Jêhu lah: “Tơlah pônây, yơr hom ti may.” Y-Jêhônadap yơr ti, jêh ri Y-Jêhu ăn păng hao klơ ndeh seh ndrel păng.

II Phung Hađăch 10:15 ပူးပေါင်းရင်းမြစ်များ

Nau Ntơm 31:55

Ôi taơ, Y-Laban dâk ơm ôi, chŭm ntĭnh jêh ri ăn nau ueh uĭn ma kon sau păng, jêh nây hăn trong plơ̆ sĭt ntŭk ngih păng nơm.

Nau Ntơm 47:10

Y-Yakôb ăn nau ueh uĭn ma Pharaôn jêh nây hăn du luh tă bơh păng.

Nau Ntơm 47:7

Jêh nây, Y-Yôsep njŭn Y-Yakôb mbơ̆ păng tât tâm mâp đah Pharaôn. Y-Yakôb ăn nau ueh uĭn ma Pharaôn.

I Phung Hađăch 20:33

Phung bunuyh nây saơ geh nau mbên ueh, ndal dơn gơnh ro nau nây jêh ri lah: “Ơ, Y-Ben-Hadat jêng oh nâu may.” Y-Ahap lah tay đŏng: “Djôt leo hom păng hăn mâp đah gâp.” Y-Ben-Hadat hăn mpơl măt tanăp Y-Ahap, păng jă Y-Ben-Hadat hao ndeh seh păng nơm.

II Phung Hađăch 10:13

Y-Jêhu mâp phung oh nâu Y-Ahasia, hađăch Yuđa, ôp: “Mbu moh khân may?” Khân păng plơ̆ lah: “Hên jêng oh nâu Y-Ahasia. Hên hăn khâl phung kon bu klâu hađăch jêh ri hađăch bu ur.”

II Phung Hađăch 10:14

Y-Jêhu lah: “Nhŭp hom khân păng!” Bu nhŭp rêh jêh ri nkhĭt phung nây ta du ntu brŏng ta ƀon Bet-Êket, lĕ rngôch jêng puăn jât ma bar nuyh, jêh ri păng mâu om klen du huê bunuyh.

II Phung Hađăch 9:21

Y-Jôram lah: “Nkra hom ndeh seh!” Bu nkra ndeh seh ma păng. Jêh nây Y-Jôram, hađăch Israel, jêh ri Y-Ahasia hađăch Yuđa, ăp nơm ncho ndeh seh păng da dê, jêh ri hăn tâm mâp đah Y-Jêhu tâm neh mir Y-Nabôt, bunuyh Jesrêel.

I Nau Rêh Jêng 2:55

Lĕ ndŭl mpôl phung blau nchih samƀŭt gŭ ta ƀon Jabes jêng ndŭl mpôl Tirat, ndŭl mpôl Simêat, jêh ri ndŭl mpôl Sukat. Nây jêng phung Kênit, noi deh ma Y-Hamat, chô yau ma ngih Rêkap.

Êsra 10:19

Khân păng ton mprơh lơi ur bu năch jêh ri nhhơr du mlâm biăp nkuăng ƀư ndơ ƀư brah chuai nau ƀư tih khân păng nơm.

Nêhêmi 3:14

Y-Malkija, kon bu klâu Y-Rêkap, kôranh mât uănh nkual Bet-Hakêrem, nkra mpông pêr Ndjah. Păng ndâk nkra tay đŏng mpông pêr, ntrŭp mpông, mâng nđăng jêh ri rnăng păng.

Nau Mprơ Ơm 94:16

Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Yêrêmi 35:2

“May hăn mâp hom jêh ri tâm ngơi đah ngih phung Rêkap, jă khân păng tât ma ngih Brah Yêhôva, njŭn khân păng lăp tâm du mlâm jrô êng jêh ri ăn khân păng nhêt ndrănh.”

Êsêkiêl 17:18

Ngăn pônây yơh, Sêdêkia tâm rmot ma nau ton, chalơi rlau nau tâm rnglăp. Yorlah păng hŏ sŏk ti ƀư nau tâm rnglăp ƀiălah ăt hôm ƀư lĕ rngôch nau nây yor ri n'hêl nanê̆ păng mâu mra klaih ôh!’

Kôranh Oh Mon 8:31

Kôranh char plơ̆ lah: “Mâm gâp dơi gĭt rbăng tơlah mâu geh nơm rblang an ma gâp?” Jêh nây păng jă Y-Philip ncho ndrel gŭ dăch păng.

Galati 2:9

jêh ri tơlah gĭt năl jêh nau yô̆ ăn jêh ma gâp, Y-Yakơ, Y-Sêphas jêh ri Y-Yôhan, phung bu yơk jêng meh n'gâng, khân păng jao ti pa ma tâm nkol ma Y-Ƀarnaƀas jêh ri ma gâp gay hên hăn tât ta phung bu năch, bi khân păng hăn tât ta phung koh ntâu.

Galati 4:12

Hơi oh nâu, gâp dăn ma khân may plơ̆ jêng hom nâm bu gâp, yorlah gâp jêng nâm bu khân may. Khân may mâu ƀư mhĭk ma gâp ôh.