II Phung Hađăch 10:11 - Nau Brah Ndu Ngơi 2023

¹¹ Pônây, Y-Jêhu nkhĭt lĕ rngôch phung hôm e tâm ngih Y-Ahap ta Jesrêel, lĕ rngôch bunuyh lư n'găr, phung mĭt jiăng jêh ri phung kôranh ƀư brah păng, kŏ tât mâu hôm geh du huê hôm klen.

II Phung Hađăch 10:11 ပူးပေါင်းရင်းမြစ်များ

I Phung Hađăch 14:10

Yor ri, Gâp mra ăn tât nau mhĭk ma ngih Y-Jêrôbôam: Gâp mra ƀư rai lĕ rngôch bunuyh bu klâu bơh ngih nây, mâu chrê phung dĭk mâu lah bunuyh kon me tâm phung Israel, jêh ri pih kloh ngih Y-Jêrôbôam nâm bu pih kloh lĕ ek, kŏ tât mâu hôm klen tay du ntil ndơ ôh.

I Phung Hađăch 15:29

Tơlah mhe gŭ ta sưng hađăch, Y-Baêsa nkhĭt lĕ rngôch bunuyh tâm noi deh Y-Jêrôbôam, mâu hôm om ôh du huê hôm rêh klen, ma tât tơlah hŏ ƀư rai lĕ ngih Y-Jêrôbôam, di nâm nau Brah Yêhôva hŏ ngơi jêh ma bâr mbung Y-Ahija, oh mon Păng ta Silô;

I Phung Hađăch 16:11

Mhe gŭ ta sưng hađăch, Y-Simri nkhĭt lĕ rngôch ngih Y-Baêsa, mâu hôm om ôh du huê bu klâu, nđâp lah phung mpôl băl mâu lah mĭt jiăng păng.

I Phung Hađăch 18:19

Pônây aƀaơ, may prơh hom bunuyh hăn kuăl rgum lĕ rngôch phung Israel tât ma gâp ta klơ yôk Karmel, ndrel ma puăn rhiăng prăm jât nuyh nơm mbơh lor Baal, jêh ri puăn rhiăng nuyh nơm mbơh lor Asêra, jêng phung sông sa ta sưng sông H'Jêsêbel.”

I Phung Hađăch 18:40

Y-Êli lah ma phung ƀon lan: “Nhŭp hom phung nơm mbơh lor Baal, lơi ăn du huê dơi klaih ôh.” Khân păng nhŭp ro khân păng. Y-Êli djôt leo khân păng tât ta n'hor dak Kisôn jêh ri nkhĭt lơi khân păng ta nây.

I Phung Hađăch 21:22

Yorlah may hŏ nsônh nau ji nuih Gâp, nsŭk ma phung Israel ƀư tih, pôri Gâp mra ƀư ma ngih may nâm bu ngih Y-Jêrôbôam, kon bu klâu Y-Nêbat, jêh ri nâm bu ngih Y-Baêsa, kon bu klâu Y-Ahija.’

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

II Phung Hađăch 10:12

Jêh nau nây, Y-Jêhu hăn trong tât ƀon Samari. Tâm trong hăn, tơlah păng tât Bet-Êket Harôim,

II Phung Hađăch 23:20

Hađăch nkhĭt lĕ rngôch phung kôranh ƀư brah ma lĕ ntŭk prêh klơ ta lĕ nơng ƀư brah, jêh ri gŭch nting khân păng ta klơ nây, jêh nây plơ̆ sĭt ma ƀon Yêrusalem.

II Phung Hađăch 9:7

May mra lơh nkhĭt ngih Y-Ahap, kôranh may; pônây Gâp mra mplơ̆ plơng ma H'Jêsêbel ma nau mham phung oh mon Gâp jêng nơm mbơh lor, nđâp mham lĕ rngôch phung oh mon Brah Yêhôva.

II Phung Hađăch 9:9

Gâp mra ƀư ma ngih Y-Ahap tâm ban ma ngih Y-Jêrôbôam, kon bu klâu Y-Nêbat, jêh ri nâm bu ngih Y-Baêsa, kon bu klâu Y-Ahija.

II Nau Rêh Jêng 22:7

Nau Y-Ahasia hăn chop khâl Y-Jôram jêng bơh nau mĭn Brah Ndu gay leo Y-Ahasia tât ntŭk rai lôch. Ngăn yơh lah păng tât ta nây, păng ndrel ma Y-Jôram hăn lơh Y-Jêhu, kon Y-Nimsi, jêng nơm Brah Yêhôva tŏ jêh dak ƀâu kah ăn ƀư rai ngih Y-Ahap.

II Nau Rêh Jêng 22:8

Tâm nôk ƀư rai ngih Y-Ahap, Y-Jêhu tâm mâp đŏng đah phung kôranh bri Yuđa jêh ri phung kon bu klâu phung oh nâu Y-Ahasia, phung pah kan Y-Ahasia, Y-Jêhu nkhĭt khân păng ro.

Ndrom Samƀŭt bơh Yôp 18:19

Tâm nklang phung ƀon lan păng nơm, păng mâu geh kon sau ôh, Ntŭk păng gŭ mâu geh du huê nuyh hôm gŭ rêh.

Nau Mprơ Ơm 109:13

Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Hôr 13:20

Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Ndrom Samƀŭt bơh Ôsê 1:4

Rnôk nây Brah Yêhôva lah ma păng: “Ntơ hom amoh păng jêng Y-Jesrêel, yorlah mâu hôm jŏ đŏng ôh Gâp mra tâm rmal ma ngih Y-Jêhu ma nau tih pling mham ta ntŭk Jesrêel, jêh ri mra ngroh lơi ƀon bri hađăch ngih Israel.

Yôsuê 10:30

Brah Yêhôva ăt jao ƀon Lipna nđâp ma hađăch păng tâm ti phung Israel. Khân păng djôt đao gay ƀư rai ƀon nây jêh ri lĕ rngôch bunuyh tâm ƀon nây, mâu om du huê hôm gŭ rêh. Păng ƀư ma hađăch ƀon nây tâm ban păng hŏ ƀư jêh ma hađăch ƀon Yêrikô.

Yôsuê 11:8

jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Yôsuê 15:56

Jesrêel, Jokdam, Sanôa,

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 20:10

Bi brah mhĭk jêng nơm ndơm mƀruh khân păng bu klŭp mƀăr păng lăp nglao ŭnh geh mô ŭnh, Ta nây geh mpô mpa dŭt janh jêh ri nơm mbơh lor nklă gŭ jêh. Khân păng geh nau rêh ni măng nâm nar ma tât n'ho ro.