II Phung Hađăch 1:9 - Nau Brah Ndu Ngơi 2023

⁹ Hađăch prơh du huê kôranh ma prăm jât bunuyh tahan djôt leo prăm jât bunuyh tahan păng hăn hao tâm mâp đah Y-Êli. Nôk nây, Y-Êli dôl gŭ ta klơ du n'gơn yôk. Kôranh nây lah ma păng: “Hơi bunuyh Brah Ndu, hađăch lah ma may: ‘Jŭr hom!’”

II Phung Hađăch 1:9 ပူးပေါင်းရင်းမြစ်များ

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

I Phung Hađăch 18:10

Gâp ton tâm amoh Yêhôva Brah Ndu may gŭ rêh mro mrăng, kôranh gâp đă lĕ rngôch ƀon lan, lĕ bri dak hăn gay joi may. Jêh ri tơlah bu plơ̆ lah pô aơ: ‘Y-Êli mâu geh ta nây ôh,’ pôri hađăch ăn ƀon bri hađăch nây jêh ri ƀon lan nây ton săk khân păng mâu prot geh tâm mâp ôh đah may.

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 18:42

Hađăch Ahap hăn hao sông sa nhêt. Ƀiălah Y-Êli hăn hao ta klơ n'gơn yôk Karmel, chon mon ta neh jêh ri nkŭp muh măt păng nơm vah vang bar đah kômâk păng.

I Phung Hađăch 19:2

H'Jêsêbel prơh du huê bunuyh hăn mâp Y-Êli jêh ri lah: “Tơlah ta mông aơ tâm nar ôi taơ, gâp mâu geh ƀư ôh ma nau rêh may nâm bu nau rêh du huê tâm phung kôranh nơm may hŏ nkhĭt, dăn phung brah rmal gâp jâk ngăn.”

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

II Phung Hađăch 2:25

Ntơm bơh nây, Y-Êlisê hăn tât ta yôk Karmel, jêh nây plơ̆ sĭt ma Samari.

II Phung Hađăch 4:25

Pônây, bu ur nây hăn trong văch ma bunuyh Brah Ndu ta klơ yôk Karmel. Bunuyh Brah Ndu saơ păng ntơm bơh ngai, păng lah ma Y-Gêhasi, oh mon păng: “Ri, bu ur ƀon Sunem văch tât!

Yêrêmi 35:4

lăp tâm Brah ngih Yêhôva. Gâp njŭn leo khân păng lăp tâm jrô phung kon bu klâu Y-Hanan, kon bu klâu Y-Igdalia, bunuyh Brah Ndu, gŭ êp jrô phung kôranh, ta klơ jrô Y-Maseya, kon bu klâu Y-Salum, jêng nơm chiă njrăng mpông.

Amôt 7:12

Y-Amasia lah ma Y-Amôt: “bunuyh geh nau tâm saơ, du hom tă bơh aơ. Du krap hom ma n'gor Yuđa; sĭt ta nây gay joi sa, sĭt ta nây ngơi nau mbơh lor.

Mathay 14:3

Yorlah Hêrôt hŏ nhŭp, chăp jêh krŭng Y-Yôhan tâm ndrung yorlah H'Hêrôdias, ur Y-Philip, oh păng.

Mathay 26:68

jêh ri lah: “Hơi Brah Krist, nkoch hom nau mbơh lor ma phung hên! Mbu nơm lơh may nĕ?”

Mathay 27:29

tanh du mlâm đon hađăch ma lok jêh ri ndô ta bôk Păng, jêh nây dơm du tơm rpho tâm ti pa ma Păng. Khân păng chon mon tanăp Păng, mưch rmot pô aơ: “Mbah ma hađăch phung Yuđa!”

Markôs 15:29

Phung hăn rgăn ta nây gơm mưch, rteh bôk jêh ri lah: “Hơ hơ! May jêng nơm ƀư rai ngih brah jêh ri ndâk đŏng tâm pe nar,

Markôs 15:32

Hơi Brah Krist, Hađăch Phung Israel, aƀaơ aơ jŭr hom bơh si tâm rkăng, gay hên saơ jêh ri chroh!” Bar hê bunuyh ntŭng bu pâng kđĭn ndrel ma Păng suai rak ma Păng tâm ban lĕ.

Luka 9:54

Y-Yakơ jêh ri Y-Yôhan jêng phung oh mon Păng lah saơ kơt nây, ơh: “Ơ Kôranh Brah, May ŭch hên ƀư ăn ŭnh tă klơ trôk jŭr su lơi khân păng ƀơh?”

ហេឞ្រើ 11:36

Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.

I Samuel 19:21

Bu mbơh nau nây ma Y-Sôl gĭt; păng prơh phung êng, jêh ri phung êng nây jêng ngơi mbơh lor đŏng. Y-Sôl prơh tay phung mbơh hăn rơh pe, jêh ri khân păng ngơi nau mbơh lor đŏng.