II Phung Hađăch 1:3 - Nau Brah Ndu Ngơi 2023

³ Ƀiălah tông mpăr Brah Yêhôva lah ma Y-Êli, bunuyh Tisbê: “Dâk hăn hao hom, tâm chuă đah phung bunuyh hađăch Samari, jêh ri lah ma khân păng: ‘Tâm phung Israel mâu hĕ geh Brah Ndu, kŏ tât khân may hăn ôp ma Baal-Sêbup, brah ƀon Êkron?’

II Phung Hađăch 1:3 ပူးပေါင်းရင်းမြစ်များ

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 18:1

Lôch jêh năng nar jŏ jong, geh nau Brah Yêhôva ngơi ma Y-Êli tâm năm prăng phang rơh pe pô aơ: “Hăn hom mâp đah Y-Ahap, Gâp mra ƀư ăn trôk mih tŭp ta neh ntu.”

I Phung Hađăch 18:36

Tât jêh mông nhhơr ndơ ƀư brah rnih môi kêng mhaơ, nơm mbơh lor Y-Êli văch dăch jêh ri mbơh sơm pô aơ: “Hơi Yêhôva Brah Ndu Y-Abraham, Y-Isăk jêh ri Y-Israel. Nar aơ ăn lĕ rngôch bunuyh gĭt pô aơ tâm phung Israel May jêng Brah Ndu, gâp jêng oh mon May, jêh ri gâp tông bâr May gay ƀư lĕ rngôch nau aơ.

I Phung Hađăch 19:5

Jêh nây păng lâng săk bê̆ch tâm dâng tơm si n'ho toyh nây. Geh du huê tông mpăr pah ta păng jêh ri lah: “Dâk hom jêh ri sa.”

I Phung Hađăch 19:7

Tông mpăr Brah Yêhôva văch tơ̆ bar, pah ta săk păng jêh ri lah: “Dâk hom jêh ri sa ntop đŏng, yorlah trong hăn hôm e ngai ngăn ma may.” Păng kah rngăl jêh ri sông sa nhêt,

I Phung Hađăch 21:17

Nôk nây, geh nau Brah Yêhôva ngơi ma Y-Êli, bunuyh Tisbê, pô aơ:

II Phung Hađăch 1:2

Hađăch Ahasia tŭp tă bơh jrô păng prêh ta klơ tâm ƀon Samari, jêh ri yor ma nây n'ho ma ji. Hađăch prơh phung mbơh hăn jêh ri ntĭnh pô aơ: “Hăn ôp hom ma Baal-Sêbup, brah ƀon Êkron, gĭt lah năl ma gâp mra bah hĕ nau ji aơ?”

II Phung Hađăch 1:6

Khân păng plơ̆ lah: “Geh du huê bunuyh hăn hao, tâm mâp đah hên jêh ri lah: ‘Plơ̆ sĭt hom ma hađăch nơm hŏ prơh khân may hăn jêh ri lah ma hađăch pô aơ Brah Yêhôva lah: Tâm phung Israel mâu hĕ geh Brah Ndu kŏ tât may prơh nơm mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, ƀiălah nanê̆ ngăn may mra khĭt.’”

II Phung Hađăch 1:8

Khân păng plơ̆ lah: “Bunuyh nây nsoh ao rsau jêh ri vân rse bŭt ntâu.” Hađăch lah: “Nĕ jêng Y-Êli yơh, bunuyh Tisbê.”

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

II Phung Hađăch 5:8

Tơlah Y-Êlisê, bunuyh Brah Ndu, tăng lư ma hađăch Israel hŏ nkhêk jêh ao păng, păng prơh bunuyh hăn lah ma hađăch: “Mâm ƀư may nkhêk ao may? Lah hom Y-Naaman văch ma gâp, gay ma păng mra gĭt tâm n'gor Israel geh du huê nơm mbơh lor.”

Nau Mprơ Ơm 76:1

Tâm n'gor Yuđa bu gĭt Brah Ndu, Amoh Păng dŭt toyh ngăn tâm nklang phung Israel.

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Yônais 2:8

Tơlah huêng gâp lĕ huơi jêh tâm gâp Pôri gâp kah gĭt ma Brah Yêhôva Jêh ri nau gâp mbơh sơm tât ma May, Lăp tât tâm ngih brah kloh ueh May.

Markôs 3:22

Phung kôranh nchih samƀŭt tă bơh ƀon Yêrusalem hăn trŭnh lah: “Bunuyh aơ geh Bêlsêbul lăp, jêh ri geh nau dơi kôranh brah mhĭk ăn, gay mprơh brah mhĭk.”

Kôranh Oh Mon 8:26

Nôk nây, geh du huê tông mpăr Kôranh Brah ngơi ma Y-Philip: “Dâk hom may jêh ri hăn tât mpeh pa dâng, tĭng trong tă bơh ƀon Yêrusalem hăn trŭnh ta ƀon Gaxa. Trong nây mâu hôm ôh vay hăn.”

I Samuel 17:46

Nar aơ Brah Yêhôva mra jao may tâm ti gâp. Gâp nkhĭt may, koh bôk may; jêh ri lĕ săk jăn phung tahan Philistin khĭt mra ƀư mpa sa ma sĭm klơ trôk jêh ri ma mpô mpa bri. Lĕ rngôch neh ntu mra dơi gĭt geh du huê Brah Ndu tâm Israel,