II Phung Hađăch 1:15 - Nau Brah Ndu Ngơi 2023

¹⁵ Tông mpăr Brah Yêhôva lah ma Y-Êli: “Hăn jŭr hom ma bunuyh aơ, lơi klach ma păng ôh.” Pôri, Y-Êli dâk hăn jŭr ndrel ma kôranh nây gay tâm mâp ma hađăch.

II Phung Hađăch 1:15 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

I Phung Hađăch 18:15

Y-Êli plơ̆ lah: “Gâp sŏk amoh Brah Yêhôva ma phung tahan gŭ rêh mro mrăng, jêng Nơm gâp pah kan, gay sơm ton pô aơ: Nar aơ gâp mra hăn tâm mâp đah Y-Ahap.”

II Phung Hađăch 1:14

Aơ, ŭnh tă bơh trôk hŏ su jêh bar hê phung kôranh lor ndrel ma phung prăm jât bunuyh tahan khân păng. Ƀiălah aƀaơ ri, dăn ma may uănh khlay nau rêh gâp.”

II Phung Hađăch 1:3

Ƀiălah tông mpăr Brah Yêhôva lah ma Y-Êli, bunuyh Tisbê: “Dâk hăn hao hom, tâm chuă đah phung bunuyh hađăch Samari, jêh ri lah ma khân păng: ‘Tâm phung Israel mâu hĕ geh Brah Ndu, kŏ tât khân may hăn ôp ma Baal-Sêbup, brah ƀon Êkron?’

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Êsêkiêl 2:6

Ƀiălah hơi kon bunuyh, lơi may klach khân păng ôh jêh ri mâu lĕ klach ma nau khân păng ngơi, nđâp lah rtau lok gŭ jŭm may jêh ri may gŭ tâm nklang ndŭr vơng kđôi lĕ. Lơi ta klach ôh ma nau khân păng ngơi jêh ri klach krit dôl tâm mâp măt đah khân păng yorlah khân păng jêng ngih vay mơng tâm rdâng.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

ហេឞ្រើ 11:27

Yor ma nau chroh, păng du tă bơh n'gor Êjipt mâu klach ma nau hađăch ji nuih ôh; yorlah păng srôih nâm bu păng hŏ saơ jêh Nơm bu mâu blau saơ.