II Pêtrôs 3:7 - Nau Brah Ndu Ngơi 2023

⁷ Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.

Bunong Bible Latin Script Cambodian dialect

⁷ Jêh ri tă bơh nau ngơi Kôranh Brah đŏng, trôk, ndrel ma neh ntu aƀaơ dja, Kôranh Brah lĕ ndrăp ăn ŭnh ma su lơi lĕ phiao ta nar Păng phat dôih dâng lĕ bunuyh, nđâp ma n'groh lơi phung bunuyh djơh ăn lĕ phiao.

Bunong

⁷ ជេសរី​តាៈ​ឞើស​នាវ​ងើយ​កោរាញ​ឞ្រាស​ដ៝ង់ ត្រោក នទ្រែល​មា​នែស​នតូ​អាបៃ​អ្យា កោរាញ​ឞ្រាស​លែៈ​នទ្រាប់​អ៝ន់​អុញ​មា​ឆូ​លើយ​លែៈ​ផ្យៅ​តា​នារ​ពាង់​ផាត​ទោយ្ស​ទឹង​លែៈ​ឞូនុយ្ស នអ៝ប់​មា​ងគ្រ៝ស​លើយ​ផូង​ឞូនុយ្ស​អ្យើស​អ៝ន់​លែៈ​ផ្យៅ។

II Pêtrôs 3:7 ပူးပေါင်းရင်းမြစ်များ

Nau Mprơ Ơm 102:26

Trôk neh mra rai lôch, ƀiălah Kôranh Brah ăt hôm n'ho ro; Khân păng mra mŭnh sat nâm bu kho ao. May mra tâm rgâl khân păng nâm bu du blah ao jêh ri bu mra tâm rgâl.

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 10:15

Nanê̆, Gâp lah ma khân may, tât nar phat dôih, ƀon Sôdôm jêh ri ƀon Gômôrơ mra geh nau tâm rmal n'gơch lơn ma ƀon nây.”

Mathay 11:22

Pôri Gâp lah ma khân may, tât nar phat dôih, ƀon Tyre jêh ri ƀon Sidôn mra geh nau tâm rmal n'gơch lơn ma khân may.

Mathay 11:24

Yor ri, Gâp lah ma khân may, tâm nar phat dôih, ƀon Sôdôm mra geh nau tâm rmal n'gơch lơn khân may.”

Mathay 12:36

Ƀiălah Gâp mbơh ma khân may, tâm nar phat dôih, bu mra mbơh lĕ rngôch nau păng ngơi mâu khlay.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Markôs 6:11

Lah geh moh ntŭk bu mâu ŭch rom jêh ri mâu lĕ ŭch iăt khân may, pôri hăn hom tă bơh ntŭk nây, rtuh neh muy tă bơh jâng khân may tâm ban du nau mbơh tâm rdâng ma khân păng.”

Yôhan 12:48

Mbu nơm dun Gâp, mâu sŏk dơn ôh nau Gâp nti lah, hŏ geh jêh Nơm phat dôih păng; nau Gâp nti lah mra phat dôih păng ta nar nglĕ dŭt.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

I Kôrintô 3:13

ri mơ nau kan ndâk ăp nơm mra dơi tâm mpơl. Nar phat dôih mra ƀư rah vah nau kan ndâk nây; bu mra tâm mpơl păng tâm ŭnh, jêh ri ŭnh mra rlong uănh rnoh khlay nau kan ndâk ăp nơm.

Philip 1:28

jêh ri mâu klach du ntil ndơ tă bơh phung rlăng. Nây jêng nau mbơh gay saơ khân păng mra geh nau rai yot, bi khân may geh nau tâm rklaih; jêh ri nau nây luh bơh Brah Ndu.

II Têsalônik 2:3

Lơi ăn bu ndơm mƀruh khân may. Yorlah mƀăr lơi nau chroh mra tât lor, jêh ri kon bunuyh djơh mhĭk, kon nau rai roh, mra tâm mpơl;

I Timôthê 6:9

Ƀiălah phung kơnh ma nau ndrŏng, mra tŭp tâm nau ndơm, văk tâm dăk, tŭp tâm lĕ nau kơnh nau rluk mâl jêh ri nau mhĭk, jêng lĕ nau nây ƀư ngâm kon bunuyh tâm nau ƀư rai jêh ri nau rai roh.

ហេឞ្រើ 12:29

yorlah Brah Ndu he jêng mpiăt ŭnh su lĕ.

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

II Pêtrôs 3:12

dôl dŭh nuih n'hâm kâp gân ma nar Brah Ndu gơnh tât. Nar nĕ ndâr trôk mra geh ŭnh sa lĕ jêh ri roh rai, lĕ rngôch ndơ mra lêk hoch tâm ŭnh!

I Yôhan 4:17

Tă bơh nau aơ, nau rŏng jêng nŭm rĭng tâm he gay ma he geh nuih n'hâm nâp tâm nar phat dôih; yor mâm nau Păng jêng, he jêng kơt nây đŏng tâm neh ntu aơ.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 17:11

Mpô mpa dŭt janh bơh saơm geh jêh, aƀaơ aơ mâu geh, jêng hađăch rơh pham; păng jêng tâm phung pơh nuyh hađăch, jêh ri păng dôl hăn tât ntŭk roh rai.

Nau Tâm Mpơl 17:8

Mpô mpa dŭt janh may hŏ saơ jêh, bơh saơm geh jêh, aƀaơ aơ mâu geh, păng dăch hao tă bơh brŏng jru jêh ri hăn tât ntŭk roh rai. Phung ƀon lan gŭ ta neh ntu mâu geh nchih amoh tâm ndrom samƀŭt nau rêh ntơm bơh rhăk njêng neh ntu, khân păng mra hih rhâl dôl saơ mpô mpa nây; yorlah păng bơh saơm geh jêh, aƀaơ aơ mâu geh, jêh ri păng mra mpơl.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Nau Tâm Mpơl 21:1

Nôk nây gâp saơ trôk mhe jêh ri neh ntu mhe; yorlah trôk tal nguay jêh ri neh ntu tal nguay rlau lôch jêh, jêh ri mâu hôm geh dak mƀŭt đŏng.