II Pêtrôs 3:18 - Nau Brah Ndu Ngơi 2023

¹⁸ Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

Bunong Bible Latin Script Cambodian dialect

¹⁸ Yơn ma ăn khân ay may lơ ma hô gŭ nâp ta nau ueh Brah Yêsu Krist, nđâp ma ta nau gĭt năl Păng i kôranh bân, i nơm rklaih bân. Jêh ri dăn rnê ma nau chrêk lơp ta Păng rnôk aƀaơ dja, n'ho ma ƀaƀơ n'ho ro. Ơ ăn geh kơt nây ngăn ro.

Bunong

¹⁸ យើន​មា​អ៝ន់​ខាន់​អៃ​មៃ​លើ​មា​ហោ​គុ​ន៝ប់​តា​នាវ​អ្វែស​ឞ្រាស​យេឆូ​ក្រីស  នអ៝ប់​មា​តា​នាវ​គឹត​នាល់​ពាង់​អី​កោរាញ​ឞ៝ន់ អី​នើម​រាក្លាយ្ស​ឞ៝ន់។ ជេសរី​ទាន់​រានេ​មា​នាវ​ច្រេក​លើប​តា​ពាង់​រានោក​អាបៃ​អ្យា នហ៝​មា​បាបើ​នហ៝​រ៝។ អើ​អ៝ន់​គែស​កើត​នៃ​ងាន់​រ៝៕៚

II Pêtrôs 3:18 ပူးပေါင်းရင်းမြစ်များ

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Samƀŭt Pôl Njuăl Ăn Ma Phung Nsing Ta Ƀon Rôm 11:36

Yorlah lĕ rngôch ndơ tă bơh Păng, yor ma Păng, jêh ri rle mpeh Păng. Nau chrêk rmah jêng nau Păng n'ho ro mâu blau dŭt! Amen.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Êphêsô 4:15

Ƀiălah Păng ŭch he ngơi nau ngăn tâm nuih n'hâm rŏng, dĭng he văch ma toyh tâm ăp kô̆ rle tât ma Brah Krist, jêng bôk;

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

Kôlôh 3:10

jêh ri nsoh bunuyh mhe, jêng bunuyh dơi rgâl mhe tâm nau gĭt năl, tĭng nâm rup Nơm rhăk bunuyh nây.

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

II Pêtrôs 1:2

Dăn nau yô̆ jêh ri nau đăp mpăn bêng ler tâm khân may tă bơh nau gĭt năl Brah Ndu jêh ri Brah Krist, Kôranh Brah he!

II Pêtrôs 1:3

Nau brah Brah Ndu ăn jêh ma he lĕ rngôch nau tât ma nau rêh jêh ri ma nau blau yơk, tă bơh nau gĭt năl Păng jêng Nơm kuăl jêh he ma nau chrêk rmah jêh ri nau ueh Păng nơm.

II Pêtrôs 1:8

Yorlah tơlah khân may geh lĕ nau aơ jêh ri geh rmeh ler, khân may mâu mra klach khân may nơm gŭ dơm dam mâu lah mâu geh play tâm nau gĭt năl ma Kôranh Brah he jêng Brah Yêsu Krist.

II Pêtrôs 2:20

Yorlah tơlah ma nau gĭt năl Kôranh Brah jêh ri Nơm Tâm Rklaih he jêng Brah Yêsu Krist, khân păng klaih bơh nau ƀơ̆ ƀơch tâm neh ntu, ƀiălah aƀaơ ri lŏ geh nau têk leo jêh ri plơ̆ lăp tâm dâng lĕ nau nây du tơ̆ đŏng, pôri tâm nau nglĕ dŭt khân păng mra mhĭk lơn rnôk dak bôk.

Yuđas 1:25

jêng Brah Ndu knŏng nguay, Nơm Tâm Rklaih he, ma Brah Yêsu Krist, Kôranh Brah he, geh nau tâm rnê, nau rnam, nau ktang jêh ri nau dơi ntơm bơh lĕ rngôch rnôk lor, aƀaơ aơ jêh ri ma tât n'ho ro! Amen.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.